1 JOHAN 4:7 - Pathien Lekhabu Inthieng (BSI)

⁷ Dittakhai, inhmangai tuo seng ei tiu; hmangaina hi Pathiena inthawka suok a ni si a; mi tin, hmangaina nei taphawt chu Pathien inei an ni ta a, Pathien an hriet bawk a.

1 JOHAN 4:7 Iomraidhean Croise

JOHAN 13:34

“Thupêk thar ka pêk cheu hi, inhmangai tuo unla; keiin ka hmangai ang cheu hin, nangni khawm inhmangai tuo ro.

JOHAN 17:3

Hi hi chatuona hringna a nih: nang Pathien tak chau le i tir Isu Krista hriet hi.

1 KORINTH 8:3

amiruokchu, mi tûkhawmin Pathien a hmangai chun, chu ngei chu ama ihriet a nih.

2 KORINTH 4:6

Isu Krista hmêla chun, Pathien ropuizie hrietna var chu mi pe dingin, “Inthima inthawkin var varsuok a tih,” titu Pathien chun kan lungrilhai hi a sunvar ta si a.

GALATI 4:9

Tuta Pathien in hung hriet hnung hin chu, ti nêk hmanin, Pathien mi hriet in hung ni hnung hin chu, ti ding a ni lem. Khawvêl A AW B derdêp le teplo mei mei, a suoka um nâwk in inhâwkhai tienga chun, iengtiziea nghakîr nâwk am in na?

GALATI 5:22

Thlarau ra ruok chu hmangaina dâm, hlimna dâm, inremna dâm, dawtheina dâm, ngilneina dâm, ṭhatna dâm, ringumna dâm,

DÂN PAHNINA 30:6

In hring theina dinga Lalpa in Pathien chu in lungril po po le in lungvar po poa in hmangai theina dingin Lalpa in Pathienin in lungril le in thlahai lungril ser chu tanpêk a ti cheu a.

2 TIMOTHE 1:7

Pathienin ṭitna thlarau a mi pêk naw a, thilthawtheina le hmangaina le lungril feltak neina thlarau a mi pêk lem a ni si a.

1 PETER 1:22

Unauhai hmangai taktak dingin, thutak zâwma in thlarau in sukthieng ta leiin lungrila ṭhahnemngaitakin inhmangai tuo ro.

1 JOHAN 2:10

Mâni unau hmangaitu chu vara chun a um zing a, amaa chun tlûkna hrim a um nawh.

1 JOHAN 2:29

Ama chu mi fel a nih ti in hriet chun, mi tûkhawm felna thaw chu ama inei a ni ti in hriet.

1 JOHAN 2:3

Chun, a thupêkhai pawm ei ni chun, chutaka chun ama chu ei hriet ti ei inhriet.

1 JOHAN 2:4

A thupêkhai pawm si lovin, “Ama ka hriet,” titu chu mi khêlhlip a nih, thutak amaah a um nawh.

1 JOHAN 2:7

Dittakhai, thupêk thar chu in kuomah ka ziek naw a; thupêk hlui a tira inthawka in nei kha, ka ziek lem a nih. Chu thupêk hlui chu in thu hriet ta hnung kha a nih.

1 JOHAN 3:9

Tûkhawm Pathien inei chun, Pathien chi amaa a um leiin suol a thaw zawm zing ngai nawh, Pathien inei a ni lein suol a thaw zawm zing thei bawk nawh.

1 JOHAN 4:11

Dittakhai, Pathienin chuong ang lâwma a mi hmangai chun, eini khawm ei inhmangai tuo seng ding a nih.

1 JOHAN 4:12

Tûkhawmin ienglai khawmin Pathien an hmu ngai nawh. Ei inhmangai tuo chun Pathien einiah um zing a ta, a hmangaina khawm einiah famkim bawk a tih.

1 JOHAN 4:16

Pathienin einia hmangaina a inei chu ei hriet a, ei awi bawk a nih. Pathien chu hmangaina a nih, hmangainaa um zing chu Pathienah a um zing a, Pathien khawm amaah a um zing a nih.

1 JOHAN 4:20

Miin, “Pathien ka hmangai,” tiin a unau theida si sienla, ama chu khêlinhlip a nih; a unau a ihmu zing ta hman a hmangai naw chun, Pathien a ihmu ngai naw chu iengtin am hmangai thei a ta?

1 JOHAN 4:8

Hmangaina nei naw chun Pathien a hriet nawh; Pathien chu hmangaina a ni si a.

1 JOHAN 5:1

Tûkhawm Isu hi Krista a ni ti ring chu Pathien inei a nih; tûkhawm a neitu hmangai chun a inei khawm a hmangai hlak.

2 JOHAN 1:5

Nuhmei ṭha, i kuoma thupêk thar ziek ang ni lovin, a tîra inthawka ei nei ang kha ziek lemin, ei inhmangai tuona dingin ka ngên che a nih.