1 JOHAN 4:21 - Pathien Lekhabu Inthieng (BSI)

²¹ Ama kuoma inthawkin hi thupêk hi ei nei “Tukhawmin Pathien a hmangai chun a unau khawm a hmangai bawk ding a nih,” ti hi.

1 JOHAN 4:21 Iomraidhean Croise

LEVI DÂN 19:18

Phuba i lâk ding a ni naw a, i chipuihai theidâna i pâi ding a ni bawk naw a, nang le nang în hmangai angin i tuolbâwm chu i hmangai ding a ni lem: Kei hi Lalpa chu ka nih.

MATTHAI 5:43

“ ‘I vênghai hmangai la, i hmêlma theida rawh,’ an tih ti in hriet tah.

LUKA 10:37

Ama chun, “Ama lunginsiettu chu,” a ta. Chun, Isûn a kuomah, “Nang khawm chuong ang bawk chun va thaw ve rawh,” a ta.

JOHAN 15:12

Hi hi ka thupêk a nih, keiin ka hmangai cheu ang bawkin, nangni inhmangai unla.

GALATI 5:14

“Nangma în hmangai angin i vênghai i hmangai ding a nih,” ti thu baukhata hin Dân thu po po chu a famkim tah a ni si a.

GALATI 5:6

Krista Isua chun sertan iengkhawm a ṭhahnem naw a, sertannaw khawm iengkhawm a ṭhahnem chuong nawh, ringna hmangainaa thaw ruok chu a ṭhahnem a nih.

1 THESSALONIKA 4:9

Amiruokchu, unauhai, hmangai kawng thu chu ziek pêk cheu in ngai nawh, inhmangai tuo dingin nangni ngei Pathien inchûktirin in um si a.

1 PETER 3:8

A tâwp taka chun, in rêngin lungril hmunkhatin um unla, inlainat tuo unla, unau angin inhmangai unla, lunginsietna nei unla, thuhnuoirawlin um ro.

1 PETER 4:8

Ieng dang nêkin, ṭhahnemngaitakin inhmangai tuo lem ro; hmangaina chun suol tamtak ân khum hlak si a.

1 JOHAN 2:7

Dittakhai, thupêk thar chu in kuomah ka ziek naw a; thupêk hlui a tira inthawka in nei kha, ka ziek lem a nih. Chu thupêk hlui chu in thu hriet ta hnung kha a nih.

1 JOHAN 3:11

Hi hi a tira inthawka thuincha in ihriet kha a ni si a, ei inhmangaituo seng ding a nih, ti hi;

1 JOHAN 3:14

Unauhai ei hmangai leiin thinaa inthawkin ei suok a, hringnaah ei lût tah ti ei hriet. Tûkhawm hmangaina nei naw taphawt chu thinaah a la um zing a nih.

1 JOHAN 3:18

Nauhai, thu chauin inhmangai nâwm ei niu, lei chauin inhmangai naw bawk ei tiu; thilthaw le titakzetin ni lem raw se.

1 JOHAN 3:23

A thupêk chu hi a nih, a Naupa Isu Krista hming awi inla, amain thu a mi pêk angin inhmangai tuo bawk inla.

1 JOHAN 4:11

Dittakhai, Pathienin chuong ang lâwma a mi hmangai chun, eini khawm ei inhmangai tuo seng ding a nih.