1 JOHAN 4:2 - Pathien Lekhabu Inthieng (BSI)

² Hi hin Pathien Thlarau chu hrieng in tih; thlarau iengkhawm Isu Krista tisaah a hung inchang ti ṭan chu Pathiena inthawk a nih; thlarau iengkhawm Isu ṭan naw chu Pathiena inthawk a ni nawh.

1 JOHAN 4:2 Iomraidhean Croise

JOHAN 1:14

Chun, Thu chu taksain a hung inchang a, eini lai a hung um ta a, (Pa nau khât nei ropui angin a ropuizie ei hmu), lunginsietna le thutakin a sip.

1 KORINTH 12:3

Chuleiin, tûkhawmin Pathien thlaraua thu hrilin, “Isu chu ṭawngsephur a nih,” an ti ngai nawh; chun, tûkhawmin Thlarau Inthienga chau naw chun, “Isu chu Lalpa a nih,” an ti thei ngai nawh ti kân hriettir cheu.

1 TIMOTHE 3:16

Chun, Pathien ngaisakna thurûk chu sêl ruol lovin a ropui a nih: “Ama, taksaa hung inlang, Thlaraua thiem chang, Vântirkohai ihmu, Hnamhai laia tlânginsampui, Khawvêla mihai iawi, Ropuinaa zuk ṭhuoi ta chu,”

1 JOHAN 1:2

(chu hringna chu a hung inlang ta a, kan lo hmu a, kan inhriettir bawk a, chu chatuon hringna, Pa kuoma um, kan kuoma hung inlang chu, kan hril cheu a ni hi);

1 JOHAN 2:23

Tûkhawm Naupa awinaw chun Pa khawm a pawm chuong nawh; Naupa awitu ruok chun Pa khawm a pawm a nih.

1 JOHAN 4:15

Tûkhawm, “Isu hi Pathien Naupa a nih,” tia ṭan taphawt chu, amaa chun Pathien a um zing a, ama khawm chu Pathienah a um zing bawk a nih.

1 JOHAN 4:3

Chu chu Krista kaltu thlarau, a hung ding in hriet kha a nih; tu khawm hin khawvêlah a um zing tah a nih.

1 JOHAN 5:1

Tûkhawm Isu hi Krista a ni ti ring chu Pathien inei a nih; tûkhawm a neitu hmangai chun a inei khawm a hmangai hlak.

2 JOHAN 1:7

Hlêmtu tamtak Isu Krista chu tisain a hung ti ṭan nawtuhai kha khawvêla hin an hung suok ta si a. Chuong ang mi chu an nih, hlêmtu le Krista kaltu chu.