1 JOHAN 4:17 - Pathien Lekhabu Inthieng (BSI)

¹⁷ Hitaka hin ei chungah hmangaina a famkim tah; rorêl nia ṭi lova ei um theia hin; ama um anga khawvêla hin ei um leiin.

1 JOHAN 4:17 Iomraidhean Croise

MATTHAI 10:15

Titakzetin ka hril cheu hi, ngaituo nia chun chu khuohai nêk chun Sodom le Gomorra ram tuor ding chu a dân um lem a tih.

MATTHAI 10:25

Inchûktir chu inchûktirtu anga a hung um le, suok chu a pu anga a hung um chu a hun deh. In neitupa hman Beelzebub an ti chun, a sûnghai chu an va ti nasa awm deh e!

MATTHAI 11:22

Nisienlakhawm, ka ti cheu hi ngaituo nia chun nangni tuor nêkin Tura le Sidon tuor chu a dân um lem a tih.

MATTHAI 11:24

Nisienlakhawm, ka ti che hi, ngaituo nia chun i tuor nêk chun Sodom ram tuor ding chu a dân um lem a tih,” a ta.

MATTHAI 12:36

Chun, ka hril cheu hi, mihaiin thu teplo an hril taphawt, chuong thu chanchin chu ngaituo nia chun hril an tih.

JOHAN 15:20

‘Suok a pu nêkin a ropui nawh,’ ti thu ka hril ta cheu kha hre zing ro. Annîn kei an mi suknawmna ta chun, nangni khawm suknawmnâng an ti cheu; ka thu an zâwm ta chun nangni thu khawm zâwm an tih.

JOHAN 17:22

Chun, nangin ropuina i mi pêk kha keiin an kuomah ka pêk tah; anni chu pumkhat an nina dingin, eini pumkhat ei ni ang bawk hin;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:29

A hrietlâwkhai chu ama Naupa ang taka um dingin a ruot lâwk si a, a Naupa chu unau tamtak laia nau lutîr a hung ni theina dingin.

HEBRAIHAI 9:27

Chun, mihriem ta dingin vawi khat thi ruot a nih, chu hnunga chun rorêlna um a tih;

JAKOB 2:13

Mi chunga lunginsietna nei naw chu, lunginsietna ṭhang lova rorêl pêkin um a tih, lunginsietna chu rorêlna chunga chun ân suong hlak a nih.

JAKOB 2:22

Ringna chun a thilthaw leh a thaw hmunkhat a, chun, thilthaw leiin a ringna chu a famkim tah ti i hriet.

2 PETER 2:9

Lalpa chun, ama ngaisaktuhai chu thlêmnaa inthawka sansuok dân le, fel nawhai chu rorêl nia dingin hrem puma khêk dân a hriet;

2 PETER 3:7

nisienlakhawm, tuta vânhai le hnuoi umhai hi chu thu bawk lei chun Pathien ngaisak naw mihai rorêl le bohmang nia dingin khêkin, meia dinga inkhâwl khâwm a ni tah.

1 JOHAN 2:28

Chuongchun, nauhai, amaah um zing ro; chuongchun, ama chu hung inlâr sien khawm, a hungin a hmaah inzak lovin huoitakin um thei ei tih.

1 JOHAN 2:5

Tûkhawm a thu pawm taphawt chu amaa chun Pathien a hmangaina a famkim takzet tah a nih. Amaah ei um ti hitaka hin ei inhriet a nih.

1 JOHAN 2:6

“Amaah ka um zing hlak,” titu chu, ama a um ang bawk khan a um ve ding a nih.

1 JOHAN 3:1

Ngai ta u, Pain a mi hmangaina chu a va nasa de! “Pathien nauahai,” a mîn bûk ta chu; chuong ang chu ei ni hrim a nih. Hi hi lei hin khawvêlin a mi hriet naw a nih, ama chu an hriet naw leiin.

1 JOHAN 3:3

Tûkhawm ama chunga chu beiseina nei taphawt chu ama ân thieng angin ân sukthieng hlak.

1 JOHAN 3:7

Nauhai, tû ihlêm khawmin um naw ro; felna thawtu chu a fel a nih, ama a fel ang bawkin.

1 JOHAN 4:12

Tûkhawmin ienglai khawmin Pathien an hmu ngai nawh. Ei inhmangai tuo chun Pathien einiah um zing a ta, a hmangaina khawm einiah famkim bawk a tih.