1 JOHAN 4:16 - Pathien Lekhabu Inthieng (BSI)

¹⁶ Pathienin einia hmangaina a inei chu ei hriet a, ei awi bawk a nih. Pathien chu hmangaina a nih, hmangainaa um zing chu Pathienah a um zing a, Pathien khawm amaah a um zing a nih.

1 JOHAN 4:16 Iomraidhean Croise

INPÂKNA HLABU 31:19

Aw i ṭhatna, nangma ṭituhai ta dinga în khâwl chu a va nasa de; Mihriem nauhai mithmuha nangmaa ringna innghattuhai ta dinga i thawpêk chu.

ISAI 64:4

Tienlaia inthawk tah mihaiin, nangma chau naw chu, anni nghâktuhai ta ding thawpêk hlaktu Pathien an hriet ngai si naw a, nain an hriet ngai naw a, mit khawma an hmu ngai bawk nawh.

JOHAN 6:69

Nang Pathien mi inthieng chu i nih ti kan awi ta a, hriet khawm kan hriet ie,” a ta, a dawn a.

JOHAN 9:3

Isûn, “Hi mipa hin a suksuol nawh, a nu le a pain an suksuol bawk nawh, Pathien sinthaw a chunga ân langna dingin a ni lem.

1 KORINTH 2:9

“Mita hmu ngai naw le naa hriet ngai naw, Mihriem lungrila lût ngai naw, Pathienin ama hmangaituhai ta dinga A buotsai taphawt chu,” ti ziek ang lem khan.

1 JOHAN 3:1

Ngai ta u, Pain a mi hmangaina chu a va nasa de! “Pathien nauahai,” a mîn bûk ta chu; chuong ang chu ei ni hrim a nih. Hi hi lei hin khawvêlin a mi hriet naw a nih, ama chu an hriet naw leiin.

1 JOHAN 3:16

Hitaka hin hmangaina chu ieng am a ni ei hriet, ama chun ei ta dingin a hringna a pêk ta leiin, eini khawmin unauhai ta dingin ei hringna ei pêk ve ding a nih.

1 JOHAN 3:24

A thupêkhai zâwm chu amaah a um zing a, ama khawm chu amaah a um zing bawk a nih. Chun, hitaka hin ama chu einiah a um zing ti ei hriet, Thlarau a mi pêka hin.

1 JOHAN 4:7

Dittakhai, inhmangai tuo seng ei tiu; hmangaina hi Pathiena inthawka suok a ni si a; mi tin, hmangaina nei taphawt chu Pathien inei an ni ta a, Pathien an hriet bawk a.