1 JOHAN 4:12 - Pathien Lekhabu Inthieng (BSI)

¹² Tûkhawmin ienglai khawmin Pathien an hmu ngai nawh. Ei inhmangai tuo chun Pathien einiah um zing a ta, a hmangaina khawm einiah famkim bawk a tih.

1 JOHAN 4:12 Iomraidhean Croise

INṬANNA 32:30

Chun, Jakobin chu hmun hminga chun Peniel ân bûk a, “Pathien chu a hmaihma ngeiah ka hmua chu ka hringna hi hla a ni si a,” tiin.

FESUOKNA 33:20

Nisienlakhawm, Ka hmêl chu hmu thei naw ti nih, tukhawm ka hmêl hmu chu an hring ding a ni si naw a,” a ti a.

NAMBAR 12:8

ama le chun chu thurûk um lovin bauin tlangtakin inbieng kan ta; Lalpa hmêl khawm hmûng a tih. Chuleiin, ka siehlaw Mosie hi iengtiziea hrilse ngam am in ni leh?” a lo ti a.

JOHAN 1:18

Tukhawmin ienglai khawmin Pathien an hmu nawh; a Naupa khât nei sun, Pa ângsûnga um ngei khan a chanchin a hril tah a nih.

1 KORINTH 13:13

Chuongchun, hienghai pathum, ringna dâm, beiseina dâm, hmangaina dâm hi um zing a tih; chun, a hi poa a ropuitak chu hmangaina hi a nih.

1 TIMOTHE 1:17

Laltak chatuona um, se thei lo, hmu thei lo Pathien tak chau chu chatuona chawimawi le ropuiin um raw se. Amen.

1 TIMOTHE 6:16

Ama chau chun thi thei nawna a nei a, var hnai thei ruol lova chun a um a, ama chu tûkhawmin an hmu ngai naw a, hmu khawm an hmu thei naw bawk a, ama kuoma chun chatuona chawimawina le thilthawtheina chu um raw se. Amen.

HEBRAIHAI 11:27

Ringnain lal lunginsenna chu ṭi lovin Aigupta ram a mâksan a, hmu thei naw Pathien chu a hmu leiin a tuor fan fan a nih.

1 JOHAN 2:5

Tûkhawm a thu pawm taphawt chu amaa chun Pathien a hmangaina a famkim takzet tah a nih. Amaah ei um ti hitaka hin ei inhriet a nih.

1 JOHAN 3:24

A thupêkhai zâwm chu amaah a um zing a, ama khawm chu amaah a um zing bawk a nih. Chun, hitaka hin ama chu einiah a um zing ti ei hriet, Thlarau a mi pêka hin.

1 JOHAN 4:16

Pathienin einia hmangaina a inei chu ei hriet a, ei awi bawk a nih. Pathien chu hmangaina a nih, hmangainaa um zing chu Pathienah a um zing a, Pathien khawm amaah a um zing a nih.

1 JOHAN 4:20

Miin, “Pathien ka hmangai,” tiin a unau theida si sienla, ama chu khêlinhlip a nih; a unau a ihmu zing ta hman a hmangai naw chun, Pathien a ihmu ngai naw chu iengtin am hmangai thei a ta?

1 JOHAN 4:6

Eini Pathiena inthawk ei na; Pathien hretu chun ei thu a ngai hlak a, Pathiena inthawka mi ni lo chun ei thu a ngai ngai nawh. Chuonga chun thlarau indiktak le indiknaw ei hriet a nih.