1 JOHAN 3:5 - Pathien Lekhabu Inthieng (BSI)

⁵ Ama chu suolhai la hmang dingin a hung inlang tah ti in hriet; amaa chun suol iengkhawm a um si naw a.

1 JOHAN 3:5 Iomraidhean Croise

HOSEA 14:2

Thu chawi pumin Lalpa kuom tieng kîr nâwk la, A kuoma chun hieng ang hin hril rawh, “Rîtlona po po chu la hmang la, A ṭha taphawt chu pawm la, Chuongchun, kan hmûr rahai chu, Bâwngchal aiah hung inhlân kan tih.

MATTHAI 1:21

Naupasal nei a ta, a hmingah Isu sak i tih; ama chun a mihai an thil suksuolnaa inthawkin a sandam ding a ni si a”, a ta.

LUKA 23:41

Eini chu ei tuor âwm tak hrim tuor ei nih, ei thilthaw man indiktak hmu ei ni lem; ama ruok hin chu iengkhawm a suksuol si nawh,” a ta.

LUKA 23:47

Chun, sipai za hotu chun thil umzie chu a hmu chun, “Hi mipa hi matheilovin mi feltak a ni phawt el,” a ta. Pathien ân pâk ta a.

JOHAN 1:29

Chun, a zînga chun Johanin Isu a kuoma hung ding a hmu a. Chun, a hril a, “En ta u, Pathien Berâmte khawvêl suol fepuitu ding saw!

JOHAN 1:31

Ama chu ka lo hriet si nawh; nisienlakhawm, Israelhai kuoma a hung inlangna dingin, tuia baptis-in ka hung a nih,” a ta.

JOHAN 14:30

In kuomah thu hril nâwk mang ta naw ning, khawvêl lal a hung ding a ni si a, ama chun keimaah iengkhawm a nei nawh,

JOHAN 8:46

Nangni lai tûin am suol kawngah thiemnaw mîn changtir a ta? Thutak ka hril khawmin nangnîn iengdinga in mi ring naw am a na?

2 KORINTH 5:21

Amaa chun Pathien felna ei hung ni theina dingin suol hrim hrim hre lo chu Pathienin eini leiin suolah a siem a.

1 TIMOTHE 1:15

“Krista Isu mi suolhai sandam dingin khawvêla hin a hung,” ti hi ring a umin, pawm tlâk tak a nih; anni laia mi suol tak ka ni hi.

1 TIMOTHE 3:16

Chun, Pathien ngaisakna thurûk chu sêl ruol lovin a ropui a nih: “Ama, taksaa hung inlang, Thlaraua thiem chang, Vântirkohai ihmu, Hnamhai laia tlânginsampui, Khawvêla mihai iawi, Ropuinaa zuk ṭhuoi ta chu,”

TITA 2:14

Ama chun bawsietna po poa inthawka a mîn tlan theina dingin le, chi thlang bîk, thil ṭha thawa ṭhahnemngaia, ama ta dinga a sukthieng theina dingin ei aiin ân pêk kha.

HEBRAIHAI 1:3

Ama chu a Pathien ropuina var le, a tak angpui ngei leh, ama thilthawtheina thuah iengkim tungdingtu niin, suolhai a sukthieng hnungin chung tienga Ropuitak changtienga khin a hang ṭhung a.

HEBRAIHAI 4:15

Thiempu Laltak ei hrâtnawnahai mi hrietpui phâk lo nei ei ni si naw a. Eini anga kawng tinrênga thlêmna tuok tah, suol ruok chu suol lo nei ei ni lem.

HEBRAIHAI 7:26

Chuong ang, Thiempu Laltak, mi inthieng, sawisêlbo, inthieng nawna kai lo, mi suolhai laia inthawka a tuma um, vânhai nêka chunghnung lema siem ta chu ei ta dingin a âwm hrim si a.

HEBRAIHAI 9:26

chuongchu ni naw sienla leilung insieng tira inthawk vawi tamtak a tuor ta ding a na; nisienlakhawm, tulai hun tâwpa hin inthâwina dinga inhmang fâwmin, suol sukbona dingin vawi khatah a hung inlang ta nghâl a nih.

HEBRAIHAI 9:28

chuong ang bawkin Krista khawm mi tamtakhai suol fepui dinga vawi khat inhlâna um tain, sandamna hmu dinga ama lo nghâktuhai kuoma chun, suol ṭhang lovin vawi hninaah hung inlang nâwk a tih.

1 PETER 1:18

In thlatuhai ipêk sâwng, in um dân ieng ni barlova inthawk chu, thil se thei, tangka le rângkachaka intlan in ni naw a,

1 PETER 1:20

Ama chu leilung insieng hmain ruot lâwkin a um ngei el, nisienlakhawm, hun nuhnunga hin nangni leiin suklangin a um;

1 PETER 2:22

Ama chun thil hrim a suksuol naw a, a bauah zâwrna hrim a um bawk nawh.

1 PETER 2:24

Suol tiengahai thi tain felna tienga ei hring theina dingin, ama ngeiin a taksain thinga khan ei suolhai a phur a, ama vuokna invuolhai chun sukdamin in um ta a.

1 PETER 3:18

Pathien kuoma a mi ṭhuoi theina dingin Krista chun suolhai leiin vawikhat a tuor bawk si a, mi fel chun mi fel naw aiin a tuor a, taksaa sukhlumin a um a, thlaraua ruok chun sukhringin a um tah.

1 JOHAN 1:2

(chu hringna chu a hung inlang ta a, kan lo hmu a, kan inhriettir bawk a, chu chatuon hringna, Pa kuoma um, kan kuoma hung inlang chu, kan hril cheu a ni hi);

1 JOHAN 1:7

Amiruokchu, ama chu vara a um angin eini khawm vara um ei ni chun, ei inpâwl tlâng a nih, chun, a Naupa Isu thisenin ei suol po po a mi sâwpfai pêk hlak a nih.

1 JOHAN 2:1

Ka nauhai, thil in suksuol nâwna dingin hieng thu hi in kuomah ka ziek a ni hi. Tûkhawmin thil a suksuol chun, Pa kuoma mi hrilpuitu Isu Krista mi fel chu ei nei.

1 JOHAN 2:2

Ama chu ei suolhai thuphachawina a nih; eini suol chau ni lovin, khawvêl po po suol thuphachawina khawm a nih.

1 JOHAN 2:29

Ama chu mi fel a nih ti in hriet chun, mi tûkhawm felna thaw chu ama inei a ni ti in hriet.

1 JOHAN 3:8

Thil suksuoltu chu Diebola suok a nih; Diebol chun a tîra inthawkin thil a suksuol si a, Pathien Naupa hung inlang san tak chu Diebol sinthawhai a sukbohmang theina dingin a nih.

THUPUONGSUO 1:5

Isu Krista, thu hretu ringumtak, mithi laia inthawka tho hmasatak le hnuoia lalhai rorêltu kuoma inthawk dâm chun, lunginsietna le inremna in kuomah um raw se. A mi hmangai a, a thisenin ei suolhaia inthawkin a mîn tlan suok a,