1 JOHAN 3:12 - Pathien Lekhabu Inthieng (BSI)

¹² Kaina mi suol laia mi, mani unau thattu ang khan um lovin. Iengleiin am a that a? Ama thilthawhai a suol a, a unau thilthawhai a fel leiin.

1 JOHAN 3:12 Iomraidhean Croise

INṬANNA 4:25

Chun, Adam chun a nuhmei chu a pâwl nâwk a; chuongchun, ama chun naupasal a nei nâwk a, a hmingah Seth a sak a: “Pathienin Abel aiah chi thla dang a mi ruotpêk tah; Kaina chun ama a that ta si a,” a ti a.

2 SAMUEL 13:22

Chun, Absalom chun Amnon kuoma chun a sie a ṭha, iengkhawm a hril nuom naw a; Absalom chun a farnu Tamar chu a lo suollui lei chun Amnon chu a theida hle a nih.

INPÂKNA HLABU 37:12

Mi rilo chun mi fel a phierrûk a, A ha a râwt khum hlak.

INPÂKNA HLABU 38:20

Thil ṭha thil suola thung hlaktuhai hi, Thil ṭha ka hnawt leiin a mi dotuhai an nih.

THUVARHAI 27:4

Lunginsenna hi a suol a, lungawi nawna hi a phulliem a; Amiruokchu, tu am îtthîkna hmaa chun ngîr thei a ta?

THUVARHAI 29:10

Mi feltak chu thisen insuo inhâwk mi chun a theida a, Mi tluong ruok chun a hringna ding a zawng.

THUVARHAI 29:27

Mi indik naw chu mi fel ta dingin tirdakum a ni a, Mi tluong chu mi khawhlo ta dingin tirdakum a ni ve thung.

MATTHAI 13:19

Tukhawmin ram thu chu naa a lo hriet a, a ngaina a hriet si naw chun, mi suol chu a hung a, a lungrila the sa chu a lâkpêk hlak. Chu chu lampui sîra the chu a nih.

MATTHAI 13:38

Lo chu khawvêl hi a na; chi ṭhahai chu Ram nauhai an na; bu tehlêmhai chu suol nauhai an nih.

MATTHAI 23:35

Chuongchun, Abel mi feltak thisena inthawkin Pathien biekin le maichâm inkâra Baraki naupa Zakari in ithat a thisen chen khan, hnuoi chunga mi fel thisen an insuo po po chu nangni chungah la hung tlung thei a tih.

MATTHAI 27:23

Chun, ama chun, “Iengdingin am ie? Ieng am a suksuol leh?” a ta. Nisienlakhawm, anni rawi chun “Krawsah inhemdêtir rawh,” tiin an khêk rak rak a.

MATTHAI 5:37

‘A nih,’ in ti chu ‘a nih,’ ni sienla, ‘A ni nawh’ in ti chu ‘a ni nawh’ ni el raw se, chuonghai bâk chu suola inthawka suok a nih.

LUKA 11:51

Abel thisen suoka inthawk, Zakaria maichâm le biekin inkâra thi, thisen suok chena mi kha.’ Anih, ka hril cheu hi, tulai ruoltharhai chunga hin phuba lâng an tih.

JOHAN 10:32

Chun, Isûn anni chu a biek a, “Pa kuoma inthawka suok sinthaw ṭha tamtak kân entir cheu a, khâng sinthawhai laia ieng sinthaw lei khan am a ni lunga in mi dêng ding hi?” a ta.

JOHAN 8:40

Nisienlakhawm, tuhin mi that in tum si. Pathien kuoma inthawka thutak ka ihriet hriltu cheu ka nih in sawnnaw; Abraham chun hieng hin a thaw naw kha.

JOHAN 8:41

Nangni chun chu in pa thil chu in thaw hlak,” a ta. Anni chun a kuomah, “Uire naua pieng kan ni naw ie, Pa pakhat chau kan nei, Pathien chu,” an ta.

THILTHAWHAI 7:52

In thlatuhaiin zâwlnei lai an suknawmnat naw tu am an um a? Mi feltak hung ding thu hril lâwktuhai kha an sukhlum a; tuhin nangni ama inmantirtu le sukhlumtuhai in hung ni tah.

1 THESSALONIKA 2:14

Nangni unauhai, Judai rama Pathien kohran, Krista Isua umhai inchûktu in lo ni kha; anni chun Judahai laia an tuor angin nangni khawmin nangni rama mihai laia inthawkin in tuor ve bawk si a.

HEBRAIHAI 11:4

Ringnain Abel chun Kaina nêkin inthâwina ṭha lem Pathien kuomah ân hlân a, chu lei chun mi fel a nih ti inhriettirna a hlaw a, Pathienin a thilpêkhai kawnga chun thu ân hriettir a, chun, chu ringna lei chun ama chun thi ta hnungin thu a la hril ta rawp a nih.

HEBRAIHAI 12:24

Isu thuthlung thar palai kuom dâm, thisen the, Abel thisen nêka ṭha lem hriltu kuom dâm tlung in ni lem.

1 PETER 4:4

Chuonga chun anni inhawitir taluo anga in um ve ta naw hi mak an ta, an hrilsiet hlak cheu a nih.

1 JOHAN 3:8

Thil suksuoltu chu Diebola suok a nih; Diebol chun a tîra inthawkin thil a suksuol si a, Pathien Naupa hung inlang san tak chu Diebol sinthawhai a sukbohmang theina dingin a nih.

JUDA 1:11

An chung a rik ie! Kaina lampui chu an hraw a, hlaw hmu dingin Balaam suol lampuia chun an tlân rak rak a. Kora helnaa chun an bohmang ta kha.

THUPUONGSUO 17:6

Chun, chu nuhmei chu mi inthienghai thisen le Isu martarhai thisena inruiin ka hmu a. Ka hmu phingleh mak ka ti bêk bêk a.