1 JOHAN 3:1 - Pathien Lekhabu Inthieng (BSI)

¹ Ngai ta u, Pain a mi hmangaina chu a va nasa de! “Pathien nauahai,” a mîn bûk ta chu; chuong ang chu ei ni hrim a nih. Hi hi lei hin khawvêlin a mi hriet naw a nih, ama chu an hriet naw leiin.

1 JOHAN 3:1 Iomraidhean Croise

2 SAMUEL 7:19

Aw Lalpa PATHIEN, chuong khawm chu nanga mithmua chun thil chîn tham el chu a na, nisienlakhawm, i siehlaw sûngkuo hung umdân ding chu kum tamtak sûnga khan i lo hril ta bawk a, Aw Lalpa PATHIEN, hienghai khawm hi mihriemhai thaw dân ang bawk a na.

INPÂKNA HLABU 31:19

Aw i ṭhatna, nangma ṭituhai ta dinga în khâwl chu a va nasa de; Mihriem nauhai mithmuha nangmaa ringna innghattuhai ta dinga i thawpêk chu.

JEREMIA 3:19

“Kei chun, ‘hnamhai laia chun sie cheuin, ram inhawitak chu pe cheuin, hnamhai sipai pâwlhai rochan ṭhataka chun sie cheu ka lo lungril hlak a; chun, nangin, Pa, mi hung tîng i ta, i mi zuinaa inthawk hin fe hmang ta naw ti ni’ ka lo ti hlak a.

HOSEA 1:10

Nisienlakhawm, Israel mipuihai chu tuipuia phaiphin, inkhi ruol lo le tiem ruol lo zât nîng an ta; chun, an kuomah, “Ka mihai in ni nawh” tina hmun ngeia chun “Pathien hring nauhai in nih,” ti nîng a tih.

LUKA 20:36

thi khawm thi nâwk thei ta naw ni hai, vântirkohai tlukin an um ding a ni si a; thonâwkna nauhai an ni leiin Pathien nauhai nîng an tih.

JOHAN 1:12

Nisienlakhawm, ama lo lâwma a hming ringtu taphawthai kuomah chun, Pathien nauhai ni theina ding a pêk.

JOHAN 11:52

Chuhai chihai ai chau chun a ni nawh, Pathien nau khawvêla indarhai po po pâwl khata a ṭhuoi khâwmna dingin a ni bawk.)

JOHAN 15:21

Nisienlakhawm, hieng thil po po hi ka hming leiin in chungah thâwng an tih, keia mi tirtu an hriet naw leiin.

JOHAN 16:3

Chuong thil chu thâwng an tih, Pa le kei an mi hriet naw leiin.

JOHAN 17:25

Aw Pa feltak, khawvêl chun an hriet naw che a, kei ruok chun ka hriet che kha, hienghai khawm hin nangin kei i mi tir ti an hriet kha.

JOHAN 3:16

Pathienin khawvêl a hmangai bêk bêk a, chuongchun, a Naupa khât nei sun chu a pêk a, ama chu tûkhawm a ring taphawt chu an bohmang naw a, chatuona hringna an nei lemna dingin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:8

Nisienlakhawm, Pathien chun a mi hmangaina chu inpâk tlâkin ân langtir a, mi suolhai ei la ni laia Krista eini aia a thinaa khan.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:19

Thilsiemhai chun beiseitakin Pathien nauhai hung inlangna chu an nghâkhla hle si a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:21

Beiseina neiin thilsiemhai po po khawm chu sietna suoka inthawka insuoin um an ta, Pathien nauhai zalênna ropuia chun an lût ding a ni si a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:32

Ama naupa ngei khawm hla lova, ei rênga aia petu chun, thil dang po po khawm a thlâwnin a mi pêk sa naw ding am a nih?

2 KORINTH 6:18

In ta dingin Pa nîng ka ta, Nangni khawm keia ta dingin naunu naupa ning in tih,” Lalpa iengkimthawthei chun a tih.

GALATI 3:26

Isu Krista ring leiin Pathien nauhai in ni vawng si a.

GALATI 3:29

Chun, Krista ta in ni chun, Abraham thla, thutiem anga rohluotu dinghai in nih.

DÂN PAHNINA 14:1

“Lalpa in Pathien nauhai in ni a, mithi leiin in inât ding a ni naw a, in mit inkâr mithmul in vâw kawl ding a ni bawk nawh,

KOLOSSA 3:3

In thi ta a, in hringna chu Pathiena chun Krista kuomah thupin a um si a.

1 JOHAN 3:10

Hitaka hin Pathien nauhai le Diebol nauhai ân hriet a nih; tûkhawm felna thaw naw chu Pathiena inthawka suok a ni naw a, a unau hmangai naw khawm chu Pathiena inthawka suok a ni bawk nawh.

1 JOHAN 3:2

Dittakhai, tuhin Pathien nauhai ei na, iengtin am ei um ding ti chu a lân lang hri naw a; ama a hung inlang pha chun ama angin ei um ding a nih ti chu ei hriet, ama chu a um pângngai angtakin ei hmu ding a ni si a.

1 JOHAN 4:17

Hitaka hin ei chungah hmangaina a famkim tah; rorêl nia ṭi lova ei um theia hin; ama um anga khawvêla hin ei um leiin.

THUPUONGSUO 21:7

Hnetu taphawt chun chuong chu hluong an tih, kei an Pathien nîng ka ta, anni chu ka nauhai nîng an tih.