1 JOHAN 2:7 - Pathien Lekhabu Inthieng (BSI)

⁷ Dittakhai, thupêk thar chu in kuomah ka ziek naw a; thupêk hlui a tira inthawka in nei kha, ka ziek lem a nih. Chu thupêk hlui chu in thu hriet ta hnung kha a nih.

1 JOHAN 2:7 Iomraidhean Croise

LEVI DÂN 19:18

Phuba i lâk ding a ni naw a, i chipuihai theidâna i pâi ding a ni bawk naw a, nang le nang în hmangai angin i tuolbâwm chu i hmangai ding a ni lem: Kei hi Lalpa chu ka nih.

LEVI DÂN 19:34

Ram dang mi nangni laia khawsahai chu in ta dingin a ram mi ang hrim an ni ding a nih; nangma i înhmangai angin i hmangai ding a nih; nangni khawm Aigupta rama khan ram dang mi in ni kha: Kei hi Lalpa in Pathien chu ka nih.

MATTHAI 5:43

“ ‘I vênghai hmangai la, i hmêlma theida rawh,’ an tih ti in hriet tah.

JOHAN 13:34

“Thupêk thar ka pêk cheu hi, inhmangai tuo unla; keiin ka hmangai ang cheu hin, nangni khawm inhmangai tuo ro.

THILTHAWHAI 17:19

Chun, ama chu an chel a, Areopagia chun an hung ṭhuoi a, a kuomah, “Hi inchûktirna thar i hril hlak hi mîn hriettir thei i ti?

DÂN PAHNINA 6:5

Lalpa in Pathien chu in lungril po poin, in lungvar po poin, in hrâtna po poin in hmangai ding a nih.

HEBRAIHAI 6:9

Nisienlakhawm, dittakhai, chuong ang chun hril inlang khawm, nangni chun, thil ṭha lem sandamnaa ṭhang thilhai chu in thaw kan ring tlat cheu a nih.

1 JOHAN 2:24

Nangni chun chu, a tira inthawka in hriet kha, nangniah inumtir zing ro. Chu a tîra inthawka in hriet chu nangniah a um zing chun, nangni khawm Naupaa le Paa chun um zing in tih.

1 JOHAN 3:11

Hi hi a tira inthawka thuincha in ihriet kha a ni si a, ei inhmangaituo seng ding a nih, ti hi;

1 JOHAN 3:2

Dittakhai, tuhin Pathien nauhai ei na, iengtin am ei um ding ti chu a lân lang hri naw a; ama a hung inlang pha chun ama angin ei um ding a nih ti chu ei hriet, ama chu a um pângngai angtakin ei hmu ding a ni si a.

1 JOHAN 3:21

Dittakhai, ei lungrilin thiemnaw a mîn changtir naw chun, Pathien tieng ei huoi a nih,

1 JOHAN 3:23

A thupêk chu hi a nih, a Naupa Isu Krista hming awi inla, amain thu a mi pêk angin inhmangai tuo bawk inla.

1 JOHAN 4:1

Dittakhai, thlarau nazawng chu ring naw ro, amiruokchu, thlarauhai chu Pathiena inthawk an ni le ni naw infie ro; thuhriltu tehlêm tamtak khawvêlah an hung suok ta leiin.

1 JOHAN 4:11

Dittakhai, Pathienin chuong ang lâwma a mi hmangai chun, eini khawm ei inhmangai tuo seng ding a nih.

1 JOHAN 4:21

Ama kuoma inthawkin hi thupêk hi ei nei “Tukhawmin Pathien a hmangai chun a unau khawm a hmangai bawk ding a nih,” ti hi.

1 JOHAN 4:7

Dittakhai, inhmangai tuo seng ei tiu; hmangaina hi Pathiena inthawka suok a ni si a; mi tin, hmangaina nei taphawt chu Pathien inei an ni ta a, Pathien an hriet bawk a.