1 JOHAN 2:5 - Pathien Lekhabu Inthieng (BSI)

⁵ Tûkhawm a thu pawm taphawt chu amaa chun Pathien a hmangaina a famkim takzet tah a nih. Amaah ei um ti hitaka hin ei inhriet a nih.

1 JOHAN 2:5 Iomraidhean Croise

INPÂKNA HLABU 105:45

A thuruothai chu an zâwm thei a, A dânhai chu an vawngṭhat theina dingin. Lalpa chu inpâk ro.

INPÂKNA HLABU 106:3

Rorêlna vawng ṭhahai chu an hamṭha ie, Ieng lai khawma feltaka thawtu leh.

INPÂKNA HLABU 119:146

Ka ko hlak che a, mi sandam rawh; Chuongchun, i thuinhriettirhai chu ka zâwm ding annâwm.

INPÂKNA HLABU 119:2

A thuinhriettirhai zâwmtuhai chu an hamṭha, Lungril po poa zawngtuhai chu.

INPÂKNA HLABU 119:4

Nangin i thununna thuhai chu thupêkin i mi pêk a, Ṭhahnemngaitaka kan zâwm theina dingin.

THUVARHAI 28:7

Tukhawm dân vawngtu chu naupa var a nih, Mi hnukinrâwl inruolpuitu ruok chun a pa a sukzak.

THUVARHAI 8:32

Chuleiin, tuhin, ka naupasalhai mi lo ngai unla, Ka lampui hrawtuhai chu mi hamṭha an ni si a.

THUHRILTU 8:5

Tukhawm thupêkhai pawmtu chun thil ṭha naw tuok naw nih; mi var lungril chun hun indik le a kawnglam a hriet.

EZEKIEL 36:27

Nangnia chun ka thlarau sieng ka ta, ka thuruothai chu inhrawtir ka ti cheu a, ka thupêkhai chu zâwm in ta, thaw bawk in tih.

LUKA 11:28

Ama ruok chun, “Anih, nisienlakhawm, Pathien thu hrea zâwmhai hi mi hamṭha an ni lem,” a ta.

JOHAN 14:21

Tukhawm ka thupêkhai nei a, zâwm chu a mi hmangaitu a nih; tûkhawm a mi hmangai chu, ka Pain hmangai a tih, kei khawmin ama chu hmangai ka tih, a kuomah inlâr rawp ka tih,” a ta.

JOHAN 14:23

Isûn a dawn a, a kuomah, “Mîn a mi hmangai chun ka thu zâwm a ta; ka Pain ama chu hmangai a ta, a kuomah hung kan ta, a kuomah um zing kan tih.

JOHAN 15:5

Kei grêp hrui chu ka nih, nangni a kâuhai chu in nih, tûkhawm keimaa a um zing a, kei khawm amaa ka um zingna chu, ama chu tamtakin a ra hlak; ka ṭhang naw chun iengkhawm in thaw thei si nawh.

JOHAN 6:56

Tûkhawm ka taksa faa, ka thisen dâwn chu, keimaah a um zing hlak, kei khawm amaah ka um zing hlak.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:1

Chuongchun, tuhin chu Krista Isua umhai ta ding chun thiemnaw inchangtirna hrim a um ta nawh.

1 KORINTH 1:30

Nangni ruok chu ama zârah, Krista Isua chun in um a nih; ama chu Pathien kuoma inthawka ei ta dinga varnaa siem a nih, felnaa dâm, inthiengnaa dâm, intlannaa dâm leh.

2 KORINTH 5:17

Chuleichun, tûkhawm Kristaa a um chun thilsiem thar a hung ni ta a; thil hluihai chu a bo ta a, ngai ta u, a hung thar tah.

2 KORINTH 5:21

Amaa chun Pathien felna ei hung ni theina dingin suol hrim hrim hre lo chu Pathienin eini leiin suolah a siem a.

JAKOB 2:22

Ringna chun a thilthaw leh a thaw hmunkhat a, chun, thilthaw leiin a ringna chu a famkim tah ti i hriet.

1 JOHAN 3:24

A thupêkhai zâwm chu amaah a um zing a, ama khawm chu amaah a um zing bawk a nih. Chun, hitaka hin ama chu einiah a um zing ti ei hriet, Thlarau a mi pêka hin.

1 JOHAN 4:17

Hitaka hin ei chungah hmangaina a famkim tah; rorêl nia ṭi lova ei um theia hin; ama um anga khawvêla hin ei um leiin.

1 JOHAN 4:18

Hmangainaa chun ṭitna hrim a um nawh; hmangaina famkimin ṭitna a hnawt suok lem hlak a nih, ṭitnaa chun hremna a um si a; a ṭitu chu hmangainaah a la famkim naw a nih.

1 JOHAN 5:2

Hitaka hin Pathien nauhai ei hmangai ti ei hriet, Pathien ei hmangai a, a thupêkhai ei zâwm hin.

1 JOHAN 5:20

Pathien Naupa chu a hung a. Mi Indiktak chu hre thei dingin hriettheina a mi pêk ti ei hriet bawk a; chun, eini, a Naupa Isu Kristaa ei um hin Mi Indiktaka chun ei um a nih. Ama chu Pathien indiktak a na, chatuona hringna khawm a nih.

2 JOHAN 1:6

Chun, hi hi hmangaina a nih, ama thupêk ang peia ei um hi. Thupêk a tîra inthawka in ihriet ang chu hi hi a nih, hmangainaa chun um ro, ti hi.

THUPUONGSUO 12:17

Chuongchun, dragon chu nuhmei chunga chun a hung lunginsen a, a thla la um Pathien thupêkhai zâwm a, Isu inhriettirna thu pawmhai chu do dingin a fe ta a.

THUPUONGSUO 14:12

Hitaka hin mi inthieng Pathien thupêkhai le Isu ringna thu zâwmtuhai selna inlang theina a um.