1 JOHAN 2:22 - Pathien Lekhabu Inthieng (BSI)

²² Isu chu Krista a nih ti awinawtu nêka khêlinhlip tu am um an ta? Tûkhawm Pa le Naupa awinaw chu Krista kaltu a nih.

1 JOHAN 2:22 Iomraidhean Croise

MATTHAI 24:24

Krista tehlêm le zâwlnei tehlêmhai an hung suok ding a ni si a; thei hai sien la chu, thlanghai rau khawm an hlêm theina dingin inchikna le thilmak ropuitakhai thâwng an tih.

MATTHAI 24:5

Mi tamtakin, ‘Krista chu ka nih,’ tiin keia hming sâlin hung an ta, mi tamtak an hlêm ding a ni si a.

JOHAN 8:44

Nangni chu in pa Diebola inthawka suok in na, in pa dit zâwng thaw in nuom a nih. Ama chu a tîra inthawk tuolthattu a nih, thutakah a ngîr ngai nawh, a sûngah thutak hrim a um naw leiin. Khêl thu a hrilin a mizie dungzuiin a hril hlak, khêlhlip a ni si; thukhêl pa khawm a nih.

1 JOHAN 1:6

Inthima um siin, “Ama ka pâwl,” ei ti chun khêl ei hril a nih, thutak khawm chu ei zâwm nawh.

1 JOHAN 2:18

Nauhai, hun nuhnung tak chu a ni tah, Krista kaltu hung a tih ti in hriet ang khan, tu khawm hin Krista kaltu tamtak an hung suok tah; chuleichun, hun nuhnung tak a ni tah ti ei hriet.

1 JOHAN 2:23

Tûkhawm Naupa awinaw chun Pa khawm a pawm chuong nawh; Naupa awitu ruok chun Pa khawm a pawm a nih.

1 JOHAN 2:4

A thupêkhai pawm si lovin, “Ama ka hriet,” titu chu mi khêlhlip a nih, thutak amaah a um nawh.

1 JOHAN 4:20

Miin, “Pathien ka hmangai,” tiin a unau theida si sienla, ama chu khêlinhlip a nih; a unau a ihmu zing ta hman a hmangai naw chun, Pathien a ihmu ngai naw chu iengtin am hmangai thei a ta?

1 JOHAN 4:3

Chu chu Krista kaltu thlarau, a hung ding in hriet kha a nih; tu khawm hin khawvêlah a um zing tah a nih.

1 JOHAN 5:1

Tûkhawm Isu hi Krista a ni ti ring chu Pathien inei a nih; tûkhawm a neitu hmangai chun a inei khawm a hmangai hlak.

2 JOHAN 1:7

Hlêmtu tamtak Isu Krista chu tisain a hung ti ṭan nawtuhai kha khawvêla hin an hung suok ta si a. Chuong ang mi chu an nih, hlêmtu le Krista kaltu chu.

JUDA 1:4

Mi tuhai amanih arûka lût an um si a; chuonghai chu Pathien ngaisak naw mihai an na, Pathien lunginsietna chu hurnaah an inchangtir a, ei hotu le ei Lalpa neisun Isu Krista chu, an awi naw bawk a. Chuong ang mihai thiemnaw chang ding zie chu tienlaia inthawk tah ziek a nih.

THUPUONGSUO 3:9

Ngai ta, Setan inkhâwmna inhai laia mi, Juda tak ni lova, khêl hrila Juda intihai laia mi chu, ka tir ding a nih, ngai ta, i ke bulah chibai hung inbûktir ka ta, ka hmangai che ti inhriettir bawk ka tih.