1 JOHAN 2:19 - Pathien Lekhabu Inthieng (BSI)

¹⁹ Anni chu eini laia inthawkin an suok a, nisienlakhawm, eini mi tak an ni nawh; eini mi tak ni hai sienla, eini kuomah an um ve pei ding a ni si a. Nisienlakhawm, an rêngin eini mi tak an ni naw vawng ti ân lang fel theina dingin an mi suoksan ta a nih.

1 JOHAN 2:19 Iomraidhean Croise

JOB LEKHABU (THE BOOK OF JOB) 17:9

Mi fel chun a lampui chu chel zing a ta, Kut faihai neitu chu hung hrât deu deu a tih.

INPÂKNA HLABU 37:28

Lalpa chun rorêlna fel a ngaina si a, A mi inthienghai chu a fesan ngai naw a. Kumkhuoa dinga vawngṭhatin an um hlak a, Mi rilo thlahai ruok chu sukbohmangin um an tih.

INPÂKNA HLABU 41:9

Anih, ka ruol pâwlngei, ka ringtak, ka bei fâkpui ngei chun, A kekhawng chu ka chungah ân let ta a.

MATTHAI 24:24

Krista tehlêm le zâwlnei tehlêmhai an hung suok ding a ni si a; thei hai sien la chu, thlanghai rau khawm an hlêm theina dingin inchikna le thilmak ropuitakhai thâwng an tih.

MARKA 13:22

Krista tehlêm le zâwlnei tehlêmhai an hung suok ding a ni si a; chuonghai chun inchikna le thilmak tak tak thâwng an tih, thei hai sienla, thlanghai rau khawm an hlêm theina dingin.

LUKA 8:13

Chun, pielthlêng chunga mi chu hieng hi an nih; an hriet phingleh thu chu lâwmtaka pawmhai hi; nisienlakhawm, zung hrim an nei nawh, sâwt nawtê chau an awi a, thlêma an um phaleh an bânsan nâwk hlak.

JOHAN 15:2

Ka zawmpui kâu ra naw taphawt chu a peihâwn hlak; a ra taphawt chu a sukthieng hlak, a ra tam nâwk zuolna dingin.

JOHAN 4:14

tûkhawm an kuoma ka pêk ding tui dâwn taphawt ruok chu, kumkhuoin dangchâr naw ni hai, keiin an kuoma tui ka pêk ding chu, an sûngah tuihnâr hung um a ta, chatuona hringna chenin inchik dawk a tih,” a ta.

THILTHAWHAI 15:24

“Kan pâwl laia mi tuhai amaniin thu hrilin an sukbuoi cheu a, in lungril an suklungzîng ti kan hriet a, an kuomah thu iengkhawm kan pêk si nawh.

THILTHAWHAI 20:30

Nangni laia mi khawm, inchûktirhai an kuoma inkawptir dingin thu hran hril la hung um an tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:6

Nisienlakhawm, Pathien thu chu iengkhawm ni lo anga um ta a ni naw a. Israelhai chu Israel mi an ni vawng chuong nawh.

1 KORINTH 11:19

Nangni laia a taktakhai chu an inlang theina dingin nangni lai awi dân tum khawm a um ding hrim a nih.

DÂN PAHNINA 13:13

nangni laia mi dukdaklo ṭhenkhat hung suokin, chu khawpuia mihai chu in hriet ngai lo pathien danghai be dingin an ṭhuoi hmang ti thu hril in hriet chun,

2 TIMOTHE 2:10

Chuleiin, Krista Isua um sandamna chu, chatuona ropuina leh an hmu ve theina dingin, thlanghai lei chun iengkim ka tuor hlak.

2 TIMOTHE 2:19

Nisienlakhawm, Pathien lungphûm nghet chu a la ngîr zing a, hi inchikna hi a nei a, “Lalpa chun ama tahai chu a hriet,” ti le, “Lalpa hming lam taphawt chun suol fe san raw se,” ti hi.

2 TIMOTHE 3:9

Nisienlakhawm, chu chau chu thaw naw ni hai, an invêtzie mi po po kuomah a hung inlang ding a ni si a, Janni le Jambri invêtzie ân lang ang khan.

HEBRAIHAI 10:39

Nisienlakhawm, eini chu bohmang dinga hnungtawl pâwla mi ei ni naw a, hringna humhim dinga ringna nei pâwla mi ei ni lem.

2 JOHAN 1:7

Hlêmtu tamtak Isu Krista chu tisain a hung ti ṭan nawtuhai kha khawvêla hin an hung suok ta si a. Chuong ang mi chu an nih, hlêmtu le Krista kaltu chu.

JUDA 1:1

Juda, Isu Krista suok le Jakob unau chun: koa um Pa Pathiena dittak, Isu Kristaa vênghima umhai kuoma chun:

JUDA 1:19

Chuong mihai chu tisa mi, Thlarau neinaw, pâwl tumhai siemtu chu an nih.