1 JOHAN 2:13 - Pathien Lekhabu Inthieng (BSI)

¹³ Pahai, ama, a tira inthawka um zing chu in hriet leiin in kuomah ka ziek a nih. Ruoltharhai, mi suol chu in hne tâk leiin in kuomah ka ziek a ni hi.

1 JOHAN 2:13 Iomraidhean Croise

INPÂKNA HLABU 148:12

Nunghâk le tlangvâlhai, Putar le naupanghai; Lalpa chu inpâk ro.

INPÂKNA HLABU 90:2

Tlânghai insieng hmaa, Leihnuoi le khawvêl în ngîr hma khawm khan, Chatuona inthawka chatuon chenin nang chu Pathien i nih.

INPÂKNA HLABU 91:14

Ka chungah a hmangaina ân nghat tlat leiin sanhim ka ta, Ka hming a hriet leiin hmun insângah dawm kai ka tih.

THUVARHAI 20:29

Tlangvâlhai ropuina chu an hrâtna hi a na, Mi upahai mawina chu an lu inṭuok hi a nih.

JOEL 2:28

“Chu hnunga chun mi po po chungah ka thlarau buok ka ta; chuongchun, in naupasalhaiin, in naunuhmeihaiin ka thu hril an ta, in tarhaiin mangah mang an ta, in tlangvâlhaiin inlârnahai hmûng an ta:

ZEKARIA 9:17

A ṭhatna chu a va nasa lâwm lâwmin, a mawina chu a va nasa lâwm lâwm de aw! bu chun tlangvâlhai chu sukhlim a ta, uoin thar chun nunghâkhai chu sukhlim a tih.

MATTHAI 11:27

Ka pain thil iengkim a mîn kawltir tah; Pa naw chun Naupa hi tukhawmin an hriet nawh. Chun, Naupa le Naupain a puong nuomnahai chau naw chun tukhawmin Pa chu an hriet bawk nawh.

MATTHAI 13:19

Tukhawmin ram thu chu naa a lo hriet a, a ngaina a hriet si naw chun, mi suol chu a hung a, a lungrila the sa chu a lâkpêk hlak. Chu chu lampui sîra the chu a nih.

MATTHAI 13:38

Lo chu khawvêl hi a na; chi ṭhahai chu Ram nauhai an na; bu tehlêmhai chu suol nauhai an nih.

MATTHAI 5:37

‘A nih,’ in ti chu ‘a nih,’ ni sienla, ‘A ni nawh’ in ti chu ‘a ni nawh’ ni el raw se, chuonghai bâk chu suola inthawka suok a nih.

LUKA 10:22

Ka Pain iengkim a mîn kawltir tah, Naupa chu tû am a na, Pa naw chun tukhawmin an hriet nawh; Pa khawm chu tû am a ni Naupa le an kuomah Naupain a phuong nuomnahai chau naw chun tukhawmin an hriet nawh,” a ta.

JOHAN 14:7

Kei mi hrie ni unla chu, ka Pa khawm in hriet ta ding bah; tuta inthawk chu ama in hriet tah, ama in hmu ta bawk,” a ta.

JOHAN 14:9

Isûn a kuomah, “Philip, hi chen rau hi in kuomah ka um a, chuong khawm chun in mi la hriet naw ta rawp maw? Tûkhawm a mi hmu chu Pa hmu a nih. ‘Pa chu mîn hmutir rawh,’ ieng ti tia ti am i na?

JOHAN 16:3

Chuong thil chu thâwng an tih, Pa le kei an mi hriet naw leiin.

JOHAN 16:33

Hieng thu hi in kuomah ka hril ta hi, keimaa in thlamuongna dingin. Khawvêla hin rinumin in um hlak; nisienlakhawm, thlamuongtakin um ro, keiin khawvêl ka hne tah,” a ta.

JOHAN 17:21

Pa, nang keimaa i um le, kei nangmaa ka um ang bawk hin, anni khawm einia an umna dingin: nangin i mi tir ti khawvêlin an awi theina dingin.

JOHAN 17:3

Hi hi chatuona hringna a nih: nang Pathien tak chau le i tir Isu Krista hriet hi.

JOHAN 8:19

Chun, anni chun a kuomah, “I pa khâwlai am?” an ti a. Isûn “Nangnîn kei in mi hriet nawh, ka Pa khawm in hriet nawh; kei mi hrie ni unla chu, ka Pa khawm hrieng in tih,” a ta.

2 KORINTH 4:6

Isu Krista hmêla chun, Pathien ropuizie hrietna var chu mi pe dingin, “Inthima inthawkin var varsuok a tih,” titu Pathien chun kan lungrilhai hi a sunvar ta si a.

1 TIMOTHE 5:1

Putar deuhai chu hal naw la, pa angin thlêm lem rawh; tlanglakhai chu unau angin;

TITA 2:6

Chuong ang bawkin la tlangvâl deuhai chu lungril feltak put dingin infui bawk rawh.

1 JOHAN 1:1

Hringna Thu a tîra inthawka um kha, kan nâhaiin kan ihriet kha, kan mithaiin kan ihmu kha, kan en zinga kan kuthaia kan them kha, chu chu chanchin chu;

1 JOHAN 2:1

Ka nauhai, thil in suksuol nâwna dingin hieng thu hi in kuomah ka ziek a ni hi. Tûkhawmin thil a suksuol chun, Pa kuoma mi hrilpuitu Isu Krista mi fel chu ei nei.

1 JOHAN 2:12

Nauhai, ama hming leiin in suolhai ngaidam a ni tâk leiin in kuomah ka ziek a ni hi.

1 JOHAN 2:14

Nauhai, Pa chu in hriet leiin in kuomah ka ziek a ni kha. Pahai, ama a tîra inthawka um zing chu in hriet leiin in kuomah ka ziek a ni kha. Ruoltharhai, in hrât a, Pathien thu nangniah a um zing a, mi suol chu in hne tâk leiin in kuomah ka ziek a ni kha.

1 JOHAN 3:12

Kaina mi suol laia mi, mani unau thattu ang khan um lovin. Iengleiin am a that a? Ama thilthawhai a suol a, a unau thilthawhai a fel leiin.

1 JOHAN 4:4

Nauhai, Pathiena inthawk in na, chuong chu in hne tah, nangnia um chu khawvêla um nêk chun a ropui lem leiin.

1 JOHAN 5:18

Tûkhawm Pathien inei chun thil a suk suol zing ngai nawh ti ei hriet; Pathien inei khan ama chu a hum zing a; Mi suol chun a tâwk thei nawh.

1 JOHAN 5:20

Pathien Naupa chu a hung a. Mi Indiktak chu hre thei dingin hriettheina a mi pêk ti ei hriet bawk a; chun, eini, a Naupa Isu Kristaa ei um hin Mi Indiktaka chun ei um a nih. Ama chu Pathien indiktak a na, chatuona hringna khawm a nih.

THUPUONGSUO 12:11

Berâmte thisen lei le an inhriettirna thu leiin, ama chu an hne a nih; thi ngam khawpin an hringna an ngainêp bawk a.

THUPUONGSUO 2:7

Thlarauin kohranhai kuoma thu a hril hi na nei chun hre raw se. A hnetu taphawt chu Pathien Paradisa Hringna Thinga chu infâktir ka tih,’ tiin.