1 JOHAN 2:12 - Pathien Lekhabu Inthieng (BSI)

¹² Nauhai, ama hming leiin in suolhai ngaidam a ni tâk leiin in kuomah ka ziek a ni hi.

1 JOHAN 2:12 Iomraidhean Croise

INPÂKNA HLABU 106:8

Chuong sa khawm chun ama hming leiin anni chu a sandam ta a, A thilthawtheina ropuitak chu ân hriettir theina dingin.

INPÂKNA HLABU 25:11

Aw Lalpa, i hming leiin, Ka rîtlona ngaidam la, nasatak a ni si a.

JEREMIA 14:7

Kan suolnahai chun keini a mi hêk khawma, Aw Lalpa, i hming leiin nangin sin thaw la, kan hnungtawlnahai chu a tam hle ta si a; i chunga chun thil kan lo suksuol ta a nih.

LUKA 24:47

ama hmingin simna thu le suol ngaidamna thu Jerusalema inthawkin hnam tin kuoma hril nîng a tih,’ tiin.

LUKA 5:20

Chun, an ringzie chu a lo hmuin, a kuomah, “Mihriem, i suolhai ngaidam a ni tah ie,” a ta.

THILTHAWHAI 10:43

“Tûkhawm ama ring taphawt chu a hming leiin suolhai ngaidamin um an tih ti hieng a chanchin hi zâwlneihai po poin an inhriettir hlak kha a nih,” a ta.

THILTHAWHAI 13:38

“Chuongchun, unauhai, hre ro; ama lei chun, suol ngaidamna thu in kuomah hril a ni hi;

THILTHAWHAI 4:12

Mi dang tu kuoma khawm sandamna a um nawh; vânkhuphnuoia mihriem isak lai, a mi sandam ding hming dang hrim a um nawh,” a ta.

1 KORINTH 6:11

Chun, nangni ṭhenkhat chuong ang mi in ni hlak kha; nisienlakhawm, Lalpa Isu Krista hminga le ei Pathien Thlaraua sâwpfai in ni ta a, sukthieng in ni ta a, thiemchang in ni tah.

EPHESI 1:7

A thisen leiin amaa chun ei intlanna ei nei a nih a lunginsietna hauzie ang peia ei bawsietnahai ngaidamna chu.

EPHESI 4:32

Chun, inlunginsiet tuoa, lainatna neiin um unla, Pathienin Kristaa a ngaidam ang bawk cheuin inngaidam tuo ro.

KOLOSSA 1:14

amaa chun ei intlanna ei hmu a nih-ei suolhai ngaidamna chu

1 JOHAN 1:4

Chuongchun, kan lâwm a famkim theina dingin hieng thuhai hi in kuomah kan ziek a ni hi.

1 JOHAN 1:7

Amiruokchu, ama chu vara a um angin eini khawm vara um ei ni chun, ei inpâwl tlâng a nih, chun, a Naupa Isu thisenin ei suol po po a mi sâwpfai pêk hlak a nih.

1 JOHAN 1:9

Ei suolhai thupha ei chawi chun, ei suolhai ngaidam ding le, ei felnawna po po sâwpfai dingin ama chu ring a umin a fel a nih.

1 JOHAN 2:1

Ka nauhai, thil in suksuol nâwna dingin hieng thu hi in kuomah ka ziek a ni hi. Tûkhawmin thil a suksuol chun, Pa kuoma mi hrilpuitu Isu Krista mi fel chu ei nei.

1 JOHAN 2:21

Thutak thu in hriet naw leiin ka ziek a ni naw a, in hriet lei le, thutakah khêl iengkhawm a suok ngai naw leiin ka ziek lem a nih.

1 JOHAN 2:7

Dittakhai, thupêk thar chu in kuomah ka ziek naw a; thupêk hlui a tira inthawka in nei kha, ka ziek lem a nih. Chu thupêk hlui chu in thu hriet ta hnung kha a nih.