1 JOHAN 1:3 - Pathien Lekhabu Inthieng (BSI)

³ chu kan ihriet le kan ihmu chu in kuomah kan hril ve cheu a ni hi, nangni khawma in mi pâwl ve theina dingin; anih, keini pâwlna chu Pa le a Naupa Isu Krista pâwlna a nih.

1 JOHAN 1:3 Iomraidhean Croise

JOB LEKHABU (THE BOOK OF JOB) 13:1

“Ngai ta, hi po po hi ka mit chun a hmu a nih, Ka na chun a hriet a, a ngâina khawm ka hriet tah.

INPÂKNA HLABU 2:7

Thuruot chu ka hril ding a nih: Lalpa chun ka kuomah, “Nang chu ka naupa i nih; Vawisûn hin ka nei che a nih.

INPÂKNA HLABU 22:22

Ka unauhai kuomah i hming hril ka ta, Inkhâwmhai laia chun inpâk ka ti che.

ISAI 66:19

Chun, anni lai chun inchikna inumtir ka ta, chuongchun, anni laia hremna khêltuhai taphawt chu hnam tin kuomah Tarsis dâm, Pul dâm, thalngul kuoihai Lud kuoma dâm, Tubal le Javan mihai dâm, thlierkâr hlatak, ka hminginthang la hre ngai lova ka ropuina la hmu ngai lohai kuoma chun tir ka tih; chuongchun, hnam tin lai chun ka ropuina thu hril an tih.

NAMBAR 10:32

Keini leh i fe ve chun, Lalpain thil ṭha a mi thawpêk ang peiin thawpêk vêng kan ti che,” a ta.

JOHAN 17:11

Chun, kei chu khawvêlah um ta naw ning, hienghai hi chu khawvêlah um an tih, kei chu i kuomah ka hung ding a ni tah. Pa Inthieng, anni chu I hmingin hum rawh, I hming mi pêk khan, eini ang bawka pumkhat an ni theina dingin.

JOHAN 17:21

Pa, nang keimaa i um le, kei nangmaa ka um ang bawk hin, anni khawm einia an umna dingin: nangin i mi tir ti khawvêlin an awi theina dingin.

JOHAN 17:25

Aw Pa feltak, khawvêl chun an hriet naw che a, kei ruok chun ka hriet che kha, hienghai khawm hin nangin kei i mi tir ti an hriet kha.

JOHAN 17:3

Hi hi chatuona hringna a nih: nang Pathien tak chau le i tir Isu Krista hriet hi.

JOHAN 19:35

A hmutu chun ân hriettir tah (a thu inhriettir chu ân dik a nih, a hril indik ti khawm a hriet,) nangni khawmin in ringna dingin.

THILTHAWHAI 13:32

Keini khawmin thlatuhai kuomah thutiem kha a chanchin lâwmum kan hung hril cheu hi,

THILTHAWHAI 13:41

‘Hmusittuhai en ta u, Makti unla, bohmang ro; In dam sûng hin thil kawng khat ka thaw hi, Chu thil chu miin hril hai sienla cheu khawm, Awi tawp naw ti niu,’ a ti kha,” a ta.

THILTHAWHAI 2:42

Chun, tirkohai inchûktirin, inpâwlin, bei khawiin, ṭawngṭaiin ṭhahnemngaitakin an um zing a.

THILTHAWHAI 20:27

Pathien thiltum po po arêngin in kuoma hril kân tîm naw a.

THILTHAWHAI 4:20

Keini chu thil kan hmu le kan hriethai kha hril lovin kan um thei nawh,” an ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:27

Anih, lungnitaka an thaw a nih, an kuomah an bat hrim bawk a; Jentailhaiin an thlarau tieng thilah an in ṭâwmpui si chun, khawvêl tieng thilin anni sawmdâwl ve thung a ṭûl hrim a nih.

1 KORINTH 1:30

Nangni ruok chu ama zârah, Krista Isua chun in um a nih; ama chu Pathien kuoma inthawka ei ta dinga varnaa siem a nih, felnaa dâm, inthiengnaa dâm, intlannaa dâm leh.

1 KORINTH 1:9

Pathien a Naupa ei Lalpa Isu Krista pâwlnaa ko lûttu cheu kha ring a um a nih.

1 KORINTH 15:1

Chun, unauhai, Chanchin Ṭha ka hril cheu kha inhriettir nâwk ka ti cheu; chu Chanchin Ṭha chu in lâwm a, chutaka bawk chun in ngîr a;

2 KORINTH 13:14

Lalpa Isu Krista lunginsietna dâm, Pathien hmangaina dâm, Thlarau Inthieng pâwlna dâm chu in rênga kuomah um raw se.

EPHESI 3:6

Chu chu hi hi a nih: Chanchin Ṭha leiin, Krista Isua chun Jentailhai hi rohluopuihai, taksa pêngpuihai, thutiem dawngpuihai an ni hi.

PHILIPPI 1:7

Nangni po po tienga chuong ang lungril put chu keia ta ding chun a âwm hrim a nih, lungrila ka vawn cheu leiin; ka kawl bunnahai, Chanchin Ṭha thiemna thu ka hrilna le ka sukdetnahaia khawm in rêngin lunginsietna chu a mîn ṭâwmpuituhai in ni si a.

PHILIPPI 2:1

Chuongchun, Kristaah lungmuongna hrim hrim dâm, hmangai thlamuongna hrim hrim dâm, Thlarau pâwlna hrim hrim dâm, lainatna le lunginsietna hrim hrim dâm a um chun,

PHILIPPI 3:10

Krista le a thonâwkna thilthawtheina chu ka hriet chieng theina ding le a tuornahai inṭawmpuia, a thinaa ama ang ka hung ni theina dingin;

KOLOSSA 1:13

Ama chun inthim thuneinaa inthawka mi sansuokin, a Naupa hmangaitak rama chun a mîn kai tir ta a,

1 THESSALONIKA 1:10

a Naupa mithi laia inthawka a ikeitho, lunginsenna hung tlung dinga inthawka a mi sansuoktu Isu kha vâna inthawka hung lo nghâk dinga in nghatsanzie khawm kha an inhriettir bawk hlak a nih.

1 TIMOTHE 6:2

Chun, ringtu pu neihai chun, unau an ni leiin ngainêp naw raw hai se; amiruokchu, ṭhathnemna hmutuhai chu ringtu le dittakhai an ni leiin an rawng bâwlpêk zuol lem raw hai se. Hieng thu hi inchûktir la, infui rawh.

HEBRAIHAI 2:12

“Ka unauhai lai i hming hril ka ta, Um khâwmhai laia chun, Hla sakin inpâk ka ti che,”tiin.

HEBRAIHAI 3:1

Chuongchun, unau inthieng vân kona chang vehai, ei thuringa Tirko le Thiempu Laltak, Isu chu ngaituo ro;

HEBRAIHAI 3:14

Krista changtuhai ei lo ni ta si a, ei ring san phutna kha a tâwp chena dettaka ei chel tlat phawt chun,

1 PETER 5:1

Chuongchun, nangni laia kohran upahai chu, kei, in upatpui, Krista tuornahai hretu, ropuina hung inlang ding chang vetu ding hin kân fui cheu.

2 PETER 1:16

Ei Lalpa Isu Krista thilthawthei zie le a hung nâwkna thu chu kan inhriettir lai cheu khan, tienami vartaka ngaituo suok elhai zâwm kan ni naw a, a ropuina hmutuhai kan ni lem in sâwnnaw.

1 JOHAN 1:1

Hringna Thu a tîra inthawka um kha, kan nâhaiin kan ihriet kha, kan mithaiin kan ihmu kha, kan en zinga kan kuthaia kan them kha, chu chu chanchin chu;

1 JOHAN 1:5

Chun, thuincha a kuoma inthawka kan hriet a, in kuoma kan hril sâwng ding cheu chu hi hi a nih: Pathien chu var a nih, amaa chun inthimna hrim a um nawh.

1 JOHAN 1:7

Amiruokchu, ama chu vara a um angin eini khawm vara um ei ni chun, ei inpâwl tlâng a nih, chun, a Naupa Isu thisenin ei suol po po a mi sâwpfai pêk hlak a nih.