NUMERA 9:8 - Buka Helaga (Hiri Motu) 1993

⁸ Mose ese idia dekenai ia haere, ia gwau, “Do umui naria ela bona do lau kamonai, Lohiabada be edena bamona lau dekenai do ia hereva umui dainai.”

NUMERA 9:8 Iomraidhean Croise

2 SIVARAI 20:17

Iuda bona Ierusalema taudia e, inai tuari dekenai be do umui tuari lasi. To emui gabu dekenai do umui gini, bona naria noho sibona, vadaeni Lohiabada ena kwalimu umui dainai do umui itaia. Do umui gari lasi, bona do umui laloa manoka lasi, kerukeru be idia tuari henia totona do umui lao, bona Lohiabada be umui danu do ia noho.”

SALAMO 25:14

Lohiabada idia gari henia taudia, be Lohiabada ese idia dekenai, iena hunia gaudia ia hadibaia noho. Lohiabada ese danu idia dekenai, iena gwauhamata taravatuna ena anina ia hadibaia noho.

SALAMO 85:8

Lohiabada Dirava ena hereva lau kamonai noho. Ia gwau ia ese maino be ai dekenai, iena bese korikori taudia dekenai, do ia henia, bema ai ese guna ai karaia kavakava karadia, be do ai karaia lou lasi.

ESODO 14:13

To Mose ia gwau, “Umui gari lasi, umui gini auka masemase, Lohiabada ena hamauria kara do umui itaia, hari dina umui dekenai do ia hamauria, badina be Aigupito taudia harihari umui itaia, be do umui itaia lou lasi, lasi bona lasi momokani.

ESODO 18:15

Mose ia haere, ia gwau, “Lau be inai bamona lau karaia badina be taunimanima be lau dekenai idia mai, Dirava ena ura do idia diba totona.

ESEKIELA 2:7

Sedira oi dekenai do idia kamonai henia lasi momokani, to do oi hesiku lasi, oi ese idia dekenai lauegu hereva do oi gwauraia noho. Do oi laloaboio lasi, idia be dagedage taudia.

ESEKIELA 3:17

“Tanobada tauna e, lau ese Israela bese ena naria tauna be oi do lau halaoa. Oi dekenai lau henia sisiba be idia dekenai do oi hamaoroa.

LEVITIKO 24:12

Vadaeni unai tau idia kwatua, bona gabu ta dekenai idia koua, ela bona Lohiabada ese iena ura idia dekenai do ia hedinaraia.

NUMERA 15:34

Vadaeni idia guia, bona gabu ta dekenai idia koua, ela bona Lohiabada ese iena ura idia dekenai do ia hedinaraia.

NUMERA 27:5

Mose ese idia edia noinoi Lohiabada dekenai ia hamaoroa.

NUMERA 9:7

“Ai be miro, badina mase tauna ta ai dogoatao vadaeni. Badina be dahaka ai ese Lohiabada ena boubou do ai karaia lasi, nega korikori dekenai, Israela taudia ibounai danu?”

NUMERA 9:9

Vadaeni Lohiabada ese Mose ia oda henia, ia gwau,

IOANE 17:8

Badina be lau dekenai oi henia herevadia lau henia vadaeni idia dekenai, vadaeni idia ese idia abia dae, bona idia diba momokani, lau be oi dekena amo lau mai, ma idia hamomokania danu oi ese lau oi siaia.

IOANE 7:17

Tau ta bema ia ura Dirava ena ura ia karaia neganai, ia ese lauegu hadibaia herevadia do ia diba, Dirava dekena amo idia mai, o lau sibona dekena amo.

APOSETOLO EDIA KARA 20:27

Badina be Dirava ena ura ibounai umui dekenai lau hamaoroa, gau ta lau hunia lasi.

1 KORINTO 11:23

Badina be Lohiabada dekena amo lau abia hadibaia hereva, bona umui dekenai lau hamaoroa dalana be inai: Hanuaboi, ia idia samania neganai, Lohiabada Iesu ese paraoa ia abia.

1 KORINTO 4:4

Momokani lau diba lasi egu kerere ta ia noho o lasi. To unai dainai lau be maoromaoro momokani, a? Lasi, Lohiabada sibona ese lau do ia kota henia.