NUMERA 9:5 - Buka Helaga (Hiri Motu) 1993

⁵ Vadaeni hua ginigunana ena dina namba 14 adorahi neganai, Pasova aria idia karaia, Sinai tano kaukau dekenai. Israela taudia ese gau ibounai idia karaia, Lohiabada ese Mose ia oda henia hegeregerena.

NUMERA 9:5 Iomraidhean Croise

GENESE 6:22

Bona Noa ese unai bamona ia karaia, Dirava ena hereva ibounai hegeregere.

GENESE 7:5

Bona Noa ese Lohiabada ena hereva gauna ibounai ia karaia.

ESODO 12:50

Israela taudia ibounai ese unai bamona idia karaia, Mose bona Arona dekenai Lohiabada ese ia hereva henidia hegeregerena.

ESODO 39:32

Palai Dubu, Lohiabada ia noho ena toana gabuna haginia gaukara be ia ore momokani. Israela taudia ese gaukara ibounai idia karaia vadaeni, Lohiabada ese Mose ia hamaoroa hegeregerena.

ESODO 39:42

Israela taudia ese gaukara ibounai idia karaia vadaeni, Lohiabada ese Mose ia oda henia hegeregerena.

NUMERA 1:54

Israela taudia ese unai bamona idia karaia, Lohiabada ese Mose dekenai ia hadibaia hegeregerena.

NUMERA 29:40

Mose ese inai hereva ibounai be Israela taudia dekenai ia hamaoroa, Lohiabada ese ia dekenai ia oda henia hegeregerena.

NUMERA 8:20

Inai kara dekena amo Mose bona Arona bona Israela taudia ibounai ese Levi taudia idia hahelagaia, Lohiabada ese Mose ia oda henia hegeregerena.

NUMERA 9:4

Unai dainai, Mose ese Israela taudia ia oda henia, Pasova do idia karaia.

MATAIO 28:20

Bona idia dekenai do umui hadibaia, umui dekenai lau henia hereva ibounai be do idia badinaia. Bona do umui kamonai bona laloa noho, lau be hanaihanai umui danu ita noho ela bona tanobada dokona.”

IOANE 15:14

Lauegu taravatu do umui badinaia, unai dekena amo lauegu turana do umui lao.

APOSETOLO EDIA KARA 26:19

“Unai dainai, king Agripa e, guba dekena amo lau dekenai ia hedinaraia gauna ena sisiba dekenai lau kamonai henia lasi, a? Lasi momokani,

DEUTERONOMI 1:3

To Israela taudia Aigupito idia rakatania murinai, lagani 40 idia lao ore vadaeni. Bona unai lagani 40 ena hua 11 ena dina ginigunana neganai, Mose ese Israela taudia dekenai ia haroro, Lohiabada ese ia henia oda ibounai idia dekenai ia hadibaia.

DEUTERONOMI 4:5

“Umui laloa, Lohiabada, lauegu Dirava ese lau dekenai ia henia oda bona taravatu be umui dekenai lau hadibaia vadaeni. Do umui raka vareai bona abia tano dekenai, unai oda bona taravatu do umui badinaia.

HEBERU 11:8

Aberahamo ese Dirava ia abidadama henia. Unai dainai Dirava ese Aberahamo ia boiria, vadaeni Aberahamo ese Dirava ena hereva ia kamonai henia. Iena hanua ia rakatania, Dirava ese ia ura do ia henia tanona dekenai do ia lao totona. Aberahamo be ia lao gwauraia gabuna ia diba lasi. To ia abidadama henia, vadaeni ia lao.

HEBERU 3:5

Mose ese gaukara namona ia karaia, Dirava ena bese ia naria totona, to ia be hesiai tauna sibona. Ia ese danu vaira neganai Dirava do ia gwauraia gaudia ia herevalaia guna.

IOSUA 5:10

Israela taudia be Gilegala dekenai idia noho neganai, idia ese Pasova aria idia karaia. Hua ena dina 14, adorahi neganai idia karaia, Ieriko tano palaka dekenai.