NUMERA 9:19 - Buka Helaga (Hiri Motu) 1993

¹⁹ Nega haida ori ese nega daudau Dubu ia koua, to Israela taudia ese Lohiabada ena oda idia laloa, idia toreisi lasi kamepa dekena amo.

NUMERA 9:19 Iomraidhean Croise

ESODO 40:37

To bema unai ori ese Dubu ia koua neganai, unai gabu idia rakatania lasi, ela bona ori ese Dubu ia rakatania.

LEVITIKO 8:35

“Dina 7 bona hanuaboi 7 be Palai Dubu ena iduara dekenai do umui noho, bona Lohiabada ia gwauraia oda do umui karaia, do umui mase garina. Unai bamona be Lohiabada ese lau ia oda henia vadaeni.”

SEKARAIA 3:7

“Siahu Ibounai Lohiabada ese inai bamona ia hereva noho, ia gwau: Bema egu dala dekenai oi raka, bona egu oda hereva oi badinaia neganai, egu ruma, Dubu Helaga, do oi biagua, bona egu magudia ese idia hagegea gabudia ibounai do oi naria, unai neganai lau ese oiemu guriguri do lau kamonai, egu vairanai idia noho aneru edia guriguri lau kamonai noho hegeregerena.

NUMERA 3:8

Idia ese Palai Dubu lalonai noho kohu ibounai do idia naria, bona Israela taudia durua totona, Palai Dubu naria gaukara do idia karaia.

NUMERA 9:18

Inai bamona dala dekenai Lohiabada ena oda hegeregerena Israela taudia idia karaia. Iena oda dekenai idia toreisi, bona iena oda dekenai idia kamepa. Ori ese Dubu ia koua negana ibounai lalonai, idia be kamepa dekenai idia noho.

NUMERA 9:20

Nega haida ori ese dina momo lasi Dubu ia koua. Vadaeni nega ibounai, Israela taudia idia noho o idia toreisi, Lohiabada ena oda hegeregerena.