NUMERA 9:14 - Buka Helaga (Hiri Motu) 1993

¹⁴ “Bema idau bese tauna ta, iena tano dekena amo ia mai, umui emui huanai ia noho, bona ia ura Lohiabada ena Pasova aria do ia ania neganai, ia ese Pasova ena taravatu ibounai do ia badinaia guna. Pasova ena taravatu be tamona, idau bese taudia bona Israela taudia dekenai, taravatu be tamona, idau lasi.”

NUMERA 9:14 Iomraidhean Croise

ESERA 6:21

Israela taudia, Babulonia ena abia mauri dekena amo, Iuda dekenai idia giroa mai taudia ese Pasova idia ania. Ma idau bese taudia haida, Iuda dekenai idia noho, danu ese Pasova idia ania, badina idia ese edia tano ena kara mirodia idia rakatania vadaeni, Lohiabada, Israela ena Dirava do idia tomadiho henia totona.

ESODO 12:43

Lohiabada ese Mose bona Arona ia hereva henidia, ia gwau, “Pasova aria ena taravatu be inai: Idau tauna ta do ia ania lasi.

ESODO 12:47

Israela ena bese taudia ibounai be dohore idia ania.

LEVITIKO 19:10

Umui emui vain ena anina danu do umui gogoa ore momokani lasi. Kaia ia misi gaudia, bona tano dekenai idia moru gaudia do umui gogoa lasi. Umui rakatania, badina idia be ogogami taudia, bona idau bese taudia edia. Lau inai Lohiabada, emui Dirava.

LEVITIKO 22:25

“Bona unai bamona mai berodia mauri gaudia be idau bese taudia dekena amo do umui abia lasi, Dirava dekenai do umui henia, boubou totona. Lohiabada ese unai gaudia do ia abia dae lasi, edia tauanina be mai edia dika dainai.”

LEVITIKO 24:22

“Israela dekenai idia noho idau bese taudia bona Israela taudia korikori dekenai inai taravatu be tamona. Lau Lohiabada be umui emui Dirava.”

LEVITIKO 25:15

“Oiemu badibadinai tauna ena tano oi hoia neganai, do oi laloa, Iubili ena murinai lagani hida idia lao vadaeni, bona ia ese danu do ia laloa tano ena anina utua negadia hida idia noho ela bona Iubili.

NUMERA 15:15

Umui bona umui emui huanai idia noho idau bese, umui ibounai dekenai taravatu be tamona, hari ela bona nega ibounai. Lohiabada ena vairana dekenai umui bona idia be tamona.

NUMERA 15:16

Taravatu bona oda ibounai be tamona, umui, bona umui dekenai noho idau bese taudia emui latanai.’ ”

DEUTERONOMI 29:11

Bona emui natudia, emui adavadia, bona idau bese taudia, emui kamepa dekenai idia noho, bona emui au utua, bona ranu huaia taudia danu.

DEUTERONOMI 31:12

Taunimanima ibounai do umui haboua, tau bona hahine, memero bona kekeni, bona idau taudia, emui hanua dekenai idia noho danu. Vadaeni do idia kamonai, edia lalona be do idia kehoa, bona Lohiabada emui Dirava do idia gari henia. Bona inai Taravatu ena hereva ibounai do idia badinaia, bona edia kara do idia karaia.