NUMERA 9:13 - Buka Helaga (Hiri Motu) 1993

¹³ To bema tau ta ia miro lasi, o ia laolao lasi, to Pasova aria ia karaia lasi, unai tau be iena bese dekena amo do umui negea, badina be ia ese Lohiabada ena boubou ia henia lasi, henia ena nega korikori dekenai. Unai tau ese iena kerere ena davana be ia sibona do ia karaia.

NUMERA 9:13 Iomraidhean Croise

GENESE 17:14

Bema emui tau ta be kopina utua kara ia abia lasi, ia be iena bese taudia dekena amo do umui atoa siri, badina be lau dekenai gwauhamata taravatuna ia badinaia lasi dainai.”

ESODO 12:15

“Dina 7 lalonai paraoa gabua gaudia, hatubua lasi gaudia, do umui ania. Dina ginigunana dekenai hatubua muramura ibounai be emui ruma dekena amo do umui atoa siri murimuri dekenai, badina be dina 1 ia lao bona dina 7 lalonai hatubua paraoa do ia ania tauna be Israela ena bese dekena amo do umui negea momokani.

ESODO 12:19

Dina 7 lalonai, paraoa hatubua ena muramura do ia noho lasi umui emui ruma dekenai, badina be hatubua paraoa do ia ania tauna, bema ia idau tauna, o Israela tauna momokani, be Israela ena hebou dekena amo do umui negea momokani.

ESODO 12:47

Israela ena bese taudia ibounai be dohore idia ania.

ESODO 30:33

Bema tau ta ese dehoro ia hegeregerena do ia karaia, o bema hahelagaia tauna lasi tauna ta dekenai ia gaukaralaia, unai tau be egu bese dekena amo do idia negea murimuri dekenai.’ ”

ESODO 30:38

Bema tau ta ese muramura pauda inai bamona do ia karaia ia sibona ena, unai tau be egu bese dekena amo do idia negea murimuri dekenai.”

ESEKIELA 23:49

Umui tadikaka hahine ruaosi e, emui lebulebu, bona emui kara dika, kaivakuku umui tomadiho henia karadia dainai davana do umui abia. Unai neganai do umui diba lau be Dirava, Lohiabada.”

LEVITIKO 17:10

“Bema Israela tauna ta o idau bese tauna, Israela dekenai ia noho, ese vamu mai ena rara danu do ia ania, lau ese unai tau do lau badu henia, ia be iena bese dekena amo do lau atoa siri.

LEVITIKO 17:4

to Palai Dubu ena iduara dekenai ia mailaia lasi, bona Lohiabada ena vairana dekenai unai boubou ia henia lasi, unai tau ese taravatu ia utua vadaeni. Ia ese rara ia habubua kava dainai, iena bese taudia dekena amo unai tau do lau atoa siri.

LEVITIKO 20:20

“Bema tau ta ese iena tamana o sinana edia tadikaka edia adavana dekenai ia sihari henia, ia ese iena tamana maragi o iena vavana ia matauraia lasi unai. Bona unai dainai unai tau bona unai hahine ese edia kerere davana do idia abia, idia ruaosi ese natuna ta do idia abia lasi.

LEVITIKO 22:9

“Hahelagaia taudia ibounai ese lauegu oda do idia kamonai henia. Bema inai oda idia utua neganai, idia be kerere, bona edia kerere lalonai do idia mase, badina taravatu helagadia idia badinaia lasi dainai. Lau be Lohiabada, bona lau ese idia lau hahelagaia vadaeni.

LEVITIKO 24:15

“Israela taudia dekenai do oi hadibaia danu, Dirava do ia hereva dika henia tauna ese iena kerere davana do ia davaria.

NUMERA 19:13

“Bema tau ta ese mase tauna ena tauanina do ia dogoatao, bona sibona ia hagoevaia lasi neganai, ia be ia miro noho, badina unai miro hagoevaia totona ranuna be ia dekenai idia do bubua lasi. Unai tau ese Lohiabada ena Palai Dubu ia hamiroa noho, bona unai dainai Israela besena dekena amo unai tau do umui atoa siri.

NUMERA 19:20

“To bema miro tauna ta ese sibona ia hagoevaia lasi neganai, ia be Israela taudia dekena amo do umui atoa siri, badina be ia ese Lohiabada ena Palai Dubu ia hamiroa noho. Badina unai miro hagoevaia ranuna be ia dekenai idia bubua lasi dainai unai tau be ia miro noho.

NUMERA 5:31

Bona unai tau be mai ena kerere ta lasi, to unai hahine, bema ia kerere neganai, ia ese iena kerere davana do ia abia.”

NUMERA 9:7

“Ai be miro, badina mase tauna ta ai dogoatao vadaeni. Badina be dahaka ai ese Lohiabada ena boubou do ai karaia lasi, nega korikori dekenai, Israela taudia ibounai danu?”

HEBERU 12:25

Umui naria namonamo, umui dekenai ia hereva noho Diravana ena hereva do umui negea garina. Gunaguna Dirava ese Israela taudia dekenai ia hereva goada, vadaeni iena hereva idia kamonai henia lasi. Unai neganai idia be dala lasi edia kara dika davana dekena amo idia heau mauri diba. Harihari Dirava be guba dekena amo ita dekenai ia hereva goada noho. Bema iena hereva ita negea, edena bamona iseda dika davana dekena amo do ita heau mauri diba, a? Lasi momokani.

HEBERU 2:3

Vadaeni, edena bamona ita heau mauri diba, bema Lohiabada ena hamauria ita negea neganai? Lohiabada sibona ese inai hamauria ia gwauraia, bona inai iena hereva idia kamonai taudia ese ita dekenai idia gwauraia gauna, be ita diba ia momokani.

HEBERU 6:6

Inai bamona taudia bema edia abidadama idia rakatania neganai, idia be mai edia dala edia lalona do idia giroa lou, a? Lasi momokani. Idia ese sibodia edia kara dika dekena amo, Dirava ena Natuna satauro dekenai idia hamasea lou. Idia ese Keriso be taunimanima edia vairana dekenai idia hahemaraia lou.

HEBERU 9:28

Unai bamona danu Keriso ese nega tamona sibona iena mauri Dirava dekenai ia henia, taunimanima momo edia kara dika kokia totona. To gabeai, nega iharuana do ia mai hedinarai lou. Unai be kara dika kokia totona do ia mai lasi, to ia idia naria noho taudia do ia hamauria totona do ia mai.