NUMERA 8:8 - Buka Helaga (Hiri Motu) 1993

⁸ Unai neganai idia ese boromakau natuna tau ta do idia abia, mai ena paraoa boubouna, paraoa namo herea, olive dehoro dekenai mikisi gauna. Boromakau natuna tau ma ta danu do oi abia, kara dika boubouna totona.

NUMERA 8:8 Iomraidhean Croise

ESODO 29:1

Lohiabada ma ia hereva, ia gwau, “Arona bona iena natuna tau do oi hahelagaia egu hahelagaia taudia edia gaukara totona, bona inai bamona do oi karaia: Boromakau tau ta bona mamoe tau rua, edia tauanina namo herea sibona gaudia, do oi abia.

ESODO 29:3

Inai beredi bona bisikesi be bosea ta dekenai do oi udaia, bona unai boromakau bona mamoe be boubou totona oi henia neganai, beredi bona bisikesi danu be lau dekenai do oi henia.

ISAIA 53:10

Lohiabada ia gwau, “Lauegu Hesiai Tauna ena hisihisi be lauegu ura, badina iena mase be boubou ta, taunimanima edia kara dika ena gwauatao do idia abia totona. Unai dainai ia ese iena tubuna taudia do ia itaia, bona iena mauri dinadia be do daudau herea. Lau Lohiabada, egu ura ena anina be do ia vara momokani, egu Hesiai Tauna dekena amo.

LEVITIKO 1:3

Ma Mose ese Dirava ena hereva taunimanima ia hamaoroa, ia gwau, “Bema tau ta ena boubou, gabua ore gauna, be iena boromakau orea dekena amo do ia abia neganai, ia ese boromakau tau namona momokani, toto o bero lasi gauna do ia abia. Inai boromakau be Palai Dubu ena iduara dekenai do ia atoa, Lohiabada ese ia do ia abia dae totona.

LEVITIKO 16:3

“To Arona be Helaga Herea Gabuna ia raka vareai neganai, ia be inai bamona do ia karaia: Boromakau ena natuna tau ta do ia mailaia, kara dika kokia boubouna totona. Bona mamoe tau ta do ia mailaia, ia gabua boubouna totona.”

LEVITIKO 2:1

Ma Dirava ese Mose ia oda henia, Israela taudia dekenai do ia gwau: “Bema tau ta ese paraoa boubouna Lohiabada dekenai ia henia gwauraia neganai, ia be paraoa namo herea momokani do ia mailaia. Ia ese paraoa ena latanai olive dehoro do ia bubua, bonana namona muramura ena pauda danu paraoa dekenai do ia atoa.

LEVITIKO 4:14

unai edia kerere ia hedinarai neganai, Israela taudia ese boromakau natuna tau be boubou gauna totona do idia mailaia. Lohiabada ena Palai Dubu dekenai do idia mailaia.

LEVITIKO 4:3

“Bema Hahelagaia Tauna Badana ese ia kara dika, bona iena dika ese iena orea taudia edia latanai kerere ia atoa neganai, ia ese boromakau natuna tau, bero o toto lasi gauna be Lohiabada dekenai do ia henia. Iena kara dika gwauatao totona boubouna be unai.

LEVITIKO 8:2

“Arona bona iena natuna tau taudia be egu Palai Dubu ena iduara dekenai do oi hakaudia mai. Edia dabua helagadia, dehoro helagana, boromakau tau bona mamoe tau ruaosi, bona bosea ta, mai ena hatubua lasi beredi danu do oi mailaia.

ROMA 8:3

Iseda tauanina ena ura dikadia ita karaia dainai, ita be manoka. Unai dainai Taravatu ese iseda mauri ia hanamoa diba lasi. To Taravatu ese ia karaia diba lasi gauna be Dirava ese ia karaia diba. Ia ese sibona ena Natuna ia siaia mai, kara dika kokia totona. Ia mai neganai, iena tauanina be ita kara dika taudia iseda tauanina hegeregerena. Bona Keriso dekena amo, Dirava ese taunimanima edia kara dika ia gwauraia be dika momokani.

2 KORINTO 5:21

Keriso be kara dika lasi momokani, to Dirava ese dika ia karaia Tauna dekenai ia halaoa vadaeni ita dainai. Vadaeni bema Keriso lalonai ita noho neganai, Dirava ena kara maoromaoro do ita abia.