NUMERA 8:7 - Buka Helaga (Hiri Motu) 1993

⁷ Inai dala dekenai idia do oi hagoevaia: Ranu helagana be idia dekenai do oi negea lao, bona idia do oi hamaoroa, edia tauanina ena huina ibounai do idia kakasia ore, bona edia dabua do idia huria namonamo. Unai dekena amo do idia goeva.

NUMERA 8:7 Iomraidhean Croise

GENESE 35:2

Unai dainai, Iakobo ese iena orea taudia ibounai dekenai ia hereva, ia gwau, “Idau dirava umui dekenai idia noho gaudia umui negea, umui sibona umui hagoevaia, dabua miro lasi umui karaia.

SALAMO 51:2

Egu dika mani do oi huria ore, bona egu kerere dekena amo lau do oi hagoevaia.

SALAMO 51:7

Lauegu kara dika do oi kokia, vadaeni do lau goeva. Mani oi ese lau do oi huria, vadaeni lau be kurokuro, sinou ena kurokuro do lau hereaia.

ESODO 19:10

Vadaeni Lohiabada ese Mose dekenai ia hereva, ia gwau, “Israela taudia dekenai oi lao, oi hamaorodia hari dina bona kerukeru be edia lalona do idia karaia hegaegae, tomadiho totona. Edia dabua danu do idia huria.

ISAIA 52:15

To gabeai, bese idauidau momo, be ia dekenai do idia hoa, bona king taudia ese ia idia itaia neganai, hereva ta do idia gwauraia lasi, badina be tau ta ese ia diba guna lasi gaudia do idia itaia, bona nega ta idia kamonaia lasi gauna, be do idia diba.”

IEREMIA 4:14

Ierusalema e, oiemu kudouna dekena amo, dika do oi huria ore. Unai neganai mauri do oi davaria diba. Oiemu lalona dekenai laloa dikadia do idia noho, ela bona edena negai?

ESEKIELA 36:25

Bona lau ese ranu goevagoeva do lau abia, umui dekenai do lau bubua, do umui goeva totona. Lau ese umui do lau hagoevaia emui dirava koikoi bona emui miro dekena amo.

LEVITIKO 15:27

“Unai gaudia do ia dogoatao tauna danu be do ia miro, bona iena dabua do ia huria, bona do ia digu, bona do ia miro noho ela bona dina do ia diho.

LEVITIKO 15:6

“Gorere tauna ena helai gaudia dekenai do ia helai tauna danu ese iena dabua do ia huria, bona do ia digu, bona do ia miro noho ela bona dina do ia diho.

LEVITIKO 16:28

Ia gabudia ore tauna ese iena dabua do ia huria, bona ia be do ia digu. Unai murinai ia be kamepa dekenai ma do ia raka vareai diba.

LEVITIKO 8:6

Vadaeni Mose ese Arona bona iena natuna tau taudia ia abia mai, ranu dekena amo ia hadigudia.

NUMERA 19:13

“Bema tau ta ese mase tauna ena tauanina do ia dogoatao, bona sibona ia hagoevaia lasi neganai, ia be ia miro noho, badina unai miro hagoevaia totona ranuna be ia dekenai idia do bubua lasi. Unai tau ese Lohiabada ena Palai Dubu ia hamiroa noho, bona unai dainai Israela besena dekena amo unai tau do umui atoa siri.

NUMERA 31:20

Emui dabua ibounai danu, bona kopina dekenai karaia gaudia ibounai, bona nanigosi ena huina, bona au dekena amo karaia gaudia, ibounai do umui hagoevaia.”

NUMERA 8:21

Levi taudia ese sibodia idia hagoevaia, bona edia dabua idia huria. Bona Arona ese idia ia hahelagaia, vadaeni Levi taudia be harihari gauna idauna ta Lohiabada dekenai. Arona ese danu Levi taudia hagoevaia totona, edia kara dika davana ia karaia.

HEBERU 9:10

Unai boubou karadia edia badina be, aniani gaudia bona inuinu gaudia hagoevaia totona, bona taunimanima edia tauanina hagoevaia totona sibona. Taunimanima ese inai boubou karadia edia taravatu do idia badinaia noho, ia mai bona Dirava ese dala matamata do ia haginia.

HEBERU 9:13

Bema taunimanima edia tauanina idia helaga lasi neganai, nanigosi bona boromakau tau edia rarana bona boromakau natuna idia gabua ena kahu be hahelagaia tauna ese unai taudia edia latanai ia negea lao. Vadaeni unai murinai edia tauanina be helaga bona goeva Dirava ena vairanai.

IAMESI 4:8

Dirava dekenai do umui raka kahirakahira lao, vadaeni ia ese umui dekenai do ia raka kahirakahira mai. Kara dika taudia e, emui imana do umui huria. Keristani koikoi taudia e, laloa rua dekena amo umui emui kudouna do umui hagoevaia.

1 PETERO 3:21

Unai ranu be bapatiso ena toana bamona, bona bapatiso ese harihari umui ia hamauria noho. Iseda tauanina ena miro be bapatiso ese ia huria lasi. Lasi, to bapatiso ena anina be, Dirava dekenai gwauhamata ita henia, mai laloa maoromaoro danu, do ita noho goeva. Dirava ese umui dekenai mauri ia henia, Iesu Keriso ese mase dekena amo ia toreisi lou dainai.

APOKALUPO 7:14

Vadaeni lau haere, lau gwau, “Tau badana e, oi diba, to lau diba lasi.” Ma ia ese lau ia hamaoroa, ia gwau, “Inai taudia be dagedage taudia ese idia hisihisi henia bada herea. To unai dagedage idia hanaia vadaeni, mai mauri danu. Bona idia ese edia dabua idia huria vadaeni Mamoe ena Natuna ena rarana lalonai, vadaeni edia dabua be kurokuro bona goeva momokani.