NUMERA 8:17 - Buka Helaga (Hiri Motu) 1993

¹⁷ “Israela taudia edia vara guna natudia ibounai be lauegu, taunimanima edia natudia vara guna, bona ubua gaudia edia vara guna danu. Badina be Aigupito tano dekenai, Aigupito taudia edia vara guna natudia lau alaia mase neganai, be emui vara guna natudia ibounai lau hahelagaia, lauegu.

NUMERA 8:17 Iomraidhean Croise

SALAMO 105:36

Bona Dirava ese Aigupito edia famili ibounai, edia vara guna natuna tau ia alaia mase.

SALAMO 135:8

Aigupito dekenai Lohiabada ese vara guna natudia ia alaia mase, taunimanima edia vara guna natudia, bona edia ubua gaudia edia vara guna natudia danu.

SALAMO 78:51

Aigupito taudia edia vara guna natudia tau ibounai, be Dirava ese ia aladia mase, Hamo bese ena vara guna natudia tau ibounai.

ESODO 12:29

Vadaeni unai hanuaboi huana dekenai, Lohiabada ese vara guna memero ibounai Aigupito tano ibounai dekenai ia alaia mase, Farao, ena vara guna merona ia lao bona dibura ruma dekenai idia koua tauna ena vara guna merona, bona boromakau edia vara guna natudia danu.

ESODO 13:2

“Guna idia vara mero ibounai lau dekenai do umui hahelagaia. Israela edia vara guna mero, ia tau o ubua gauna, vadaeni ia be lauegu.”

ESODO 29:44

“Vadaeni lau ese Palai Dubu bona boubou patana do lau hahelagaia, bona Arona mai ena natuna tau danu be do lau hahelagaia, hahelagaia taudia edia gaukara totona,

ESEKIELA 20:12

Inai danu, egu Sabati Dina idia dekenai lau henia, toa ta do ia lao, lau bona idia, aiemai huana dekenai. Sabati Dina dekena amo do idia diba lau Lohiabada ese idia lau hahelagaia noho.

LEVITIKO 27:26

“Mauri gaudia edia vara guna natudia be Lohiabada ena. Unai dainai tau ta ese unai bamona ta Lohiabada dekenai ia hahelagaia diba lasi. Boromakau natuna vara guna, bona mamoe natuna vara guna ibounai be Lohiabada ena.

NUMERA 3:13

Badina be Aigupito taudia edia vara guna natudia ibounai lau alaia mase dinana dekenai lau ese Israela taudia edia vara guna natudia lau abia siri, lauegu, taunimanima edia vara guna ibounai, bona mauri gaudia edia vara guna ibounai danu. Idia be helaga, lauegu. To hari inai Israela taudia edia vara guna natudia edia gabu, lau sibona egu, be Levi taudia ese idia abia vadaeni. Lau ese Levi taudia lau abia hidi, idia be lauegu. Lau inai Lohiabada.”

NUMERA 8:18

“To Israela taudia edia vara guna natudia edia gabu dekenai lau ese Levi taudia lau abia vadaeni.

LUKA 2:23

Lohiabada ena taravatu dekenai ia torea hegeregerena, ia gwau, “Vara guna mero ibounai be idia helaga, Lohiabada ena.”

IOANE 10:36

Dirava ese lau ia abia hidi, bona lau ia siaia tanobada dekenai. Ia siaia tauna be umui gwau henia, umui gwau, ‘Oi be Dirava ena ladana oi hadikaia,’ badina be lau gwau, ‘Lau be Dirava ena Natuna,’ a?

IOANE 17:19

Bona idia durua totona lau sibona egu mauri lau henia inai, oi dekenai lau helaga, idia danu be oi dekenai do idia helaga momokani totona.

HEBERU 10:29

Edena bamona umui laloa? Dirava ena Natuna do ia negea tauna be edena bamona? Dirava ena gwauhamata taravatuna ena rarana ese unai tau ia hagoevaia vadaeni. To unai tau ese unai gwauhamata taravatu ena rarana, be anina lasi gauna bamona ia halaoa. Bona unai tau ese Dirava ena Hariharibada Laumana ia hereva dika henia. Unai bamona tauna ena kerere davana ena bada be edena bamona?

HEBERU 11:28

Mose ese Dirava ia abidadama henia dainai, Pasova ia badinaia, bona iduara edia latanai rara ia atoa. Vadaeni alaia aneruna ese Israela edia vara guna memero ia alaia lasi.

IAMESI 1:18

Ia sibona ena ura dainai, Dirava ese iena hereva momokani dekena amo, ita dekenai mauri matamata ia henia, vadaeni iena vara guna natuna taudia ita lao. Momokani, Dirava ia karaia taudia ibounai edia huanai, ita be iena vara guna natuna taudia.