NUMERA 8:16 - Buka Helaga (Hiri Motu) 1993

¹⁶ Badina be Israela taudia edia huana dekena amo oi ese lau dekenai oi henidia, lauegu. Lau ese idia lau abia, idia ese Israela taudia edia vara guna natudia edia gabu idia abia vadaeni.

NUMERA 8:16 Iomraidhean Croise

ESODO 13:2

“Guna idia vara mero ibounai lau dekenai do umui hahelagaia. Israela edia vara guna mero, ia tau o ubua gauna, vadaeni ia be lauegu.”

NUMERA 3:12

“Kamonai, lau ese Israela taudia edia huana dekena amo Levi taudia lau abia hidi vadaeni. Hari idia be lauegu. Lau ese Levi taudia lau abia, idia ese Israela taudia edia vara guna natudia edia gabu do idia abia.

NUMERA 3:13

Badina be Aigupito taudia edia vara guna natudia ibounai lau alaia mase dinana dekenai lau ese Israela taudia edia vara guna natudia lau abia siri, lauegu, taunimanima edia vara guna ibounai, bona mauri gaudia edia vara guna ibounai danu. Idia be helaga, lauegu. To hari inai Israela taudia edia vara guna natudia edia gabu, lau sibona egu, be Levi taudia ese idia abia vadaeni. Lau ese Levi taudia lau abia hidi, idia be lauegu. Lau inai Lohiabada.”

NUMERA 3:45

“Levi taudia do oi abia, idia be lauegu do idia lao, idia ese Israela ena vara guna natudia edia gabu do idia abia. Ma danu Levi taudia edia boromakau bona mamoe do oi abia, idia ese Israela taudia edia vara guna boromakau bona mamoe edia gabu do idia abia.

NUMERA 3:6

“Levi taudia do oi hakaua mai, hahelagaia tauna Arona ena vairana dekenai do idia gini, bona iena hesiai gaukara do idia karaia.

NUMERA 3:9

“Levi taudia be Arona, mai ena natuna tau dekenai do oi henia. Israela taudia ibounai edia huana dekena amo, Levi taudia sibona ese Arona ena hesiai gaukara do idia karaia.