NUMERA 8:12 - Buka Helaga (Hiri Motu) 1993

¹² “Levi taudia ese edia imana be boromakau tau ruaosi edia kwarana latanai do idia atoa. Boromakau ta be kara dika boubouna totona, bona boromakau ta be gabua ore boubouna totona, Levi taudia edia kara dika davana karaia totona.

NUMERA 8:12 Iomraidhean Croise

ESODO 29:10

“Vadaeni, boromakau tau do oi hakaua lao, Palai Dubu ena vairana dekenai. Arona bona iena natuna tau ese edia imadia be boromakau ena kwarana dekenai do idia atoa.

LEVITIKO 1:4

“Unai tau ese iena imana be boromakau ena kwarana dekenai do ia atoa, bona Lohiabada ese inai boubou do ia abia dae, unai tau ena kara dika gwauatao totona.

LEVITIKO 14:22

“Manu ta ladana kerea rua o pune natuna rua, iena moni hegeregerena gaudia, danu do ia mailaia, ta be kara dika boubouna, bona ta be gabua ore boubouna.

LEVITIKO 16:11

“Arona be inai bamona do ia karaia danu: Boromakau tau be boubou totona do ia alaia mase, ia sibona ena kara dika dainai, bona iena famili taudia edia kara dika dainai.

LEVITIKO 16:21

Arona ese iena imana ruaosi nani ena kwarana dekenai do ia atoa, bona Israela edia kara dika ibounai, bona edia kara kerere ibounai do ia gwauraia hedinarai. Unai dika ibounai be nani ena kwarana latanai do ia atoa. Vadaeni taunimanima idia noho lasi gabuna dekenai unai nani do ia siaia lao. Tau ta unai gaukara totona idia abia hidi tauna ese unai nani do ia hakaua lao, bona taunimanima lasi gabuna dekenai do ia ruhaia.

LEVITIKO 16:6

“Arona ese sibona ena kara dika totona bona iena famili totona boromakau ta do ia alaia, do ia bouboulaia.

LEVITIKO 4:15

Orea ena gunalaia taudia ese edia imadia be boromakau ena kwarana dekenai do idia atoa, bona unai gabu dekenai boromakau do idia alaia mase.

LEVITIKO 4:20

Unai kara dika gwauatao boubouna totona ena boromakau dekenai ia karaia kara hegeregerena, ia ese inai hari boromakau danu do ia karaia. Inai bamona dala dekenai Israela orea taudia edia kara dika dainai, boubou do ia karaia, bona edia kara dika be Lohiabada ese do ia gwauatao.

LEVITIKO 4:35

Unai murinai mamoe ena digarana ibounai do ia kokia, maino karaia boubouna totona mamoe ena digarana idia kokia hegeregerena. Bona boubou patana ena latanai unai digara do ia gabua ore, Lohiabada dekenai idia henia aniani bouboudia danu. “Inai dala dekenai hahelagaia tauna ese unai tau ena kara dika ena davana do ia karaia, bona Lohiabada ese unai tau ena kara dika do ia gwauatao.”

LEVITIKO 4:4

Iena boromakau tau be Palai Dubu, Lohiabada ena vairana dekenai do ia mailaia, iena imana be boromakau ena kwarana dekenai do ia atoa, bona Palai Dubu ena iduara ena badibadinai do ia alaia mase.

LEVITIKO 5:7

Bema tau ta be moni lasi dainai mamoe o nanigosi ia hoia diba lasi neganai, ia ese Lohiabada dekenai manu edia ladana kerea rua, o pune rua do ia mailaia. Ta be kara dika totona boubouna, ma ta be gabua ore boubouna.

LEVITIKO 8:14

Vadaeni Mose ese boromakau tau ia mailaia, kara dika gwauatao boubouna totona gauna. Arona bona iena natuna tau danu ese edia imadia be boromakau ena kwarana dekenai idia atoa.

LEVITIKO 8:15

Vadaeni Mose ese boromakau ia alaia mase, boromakau ena rarana haida ia abia, bona iena imana kwakikwakina dekena amo boubou patana ena doa 4 be rara dekenai ia dahua, vadaeni boubou patana ena miro ia hagoevaia. Bona boromakau ena rara orena, be boubou patana ena badinai ia bubua. Inai kara dekenai Mose ese boubou patana ia hahelagaia.

LEVITIKO 8:18

Ma inai murinai Mose ese mamoe tau, gabua ore boubouna totona gauna, ia hakaua mai. Arona bona iena natuna tau ese edia imadia be mamoe ena kwarana dekenai idia atoa.

LEVITIKO 8:34

Hari dina ita karaia karadia be Lohiabada ese ia oda vadaeni, emui kara dika ena davana karaia totona.

LEVITIKO 9:7

Mose ese danu Arona ia hamaoroa, ia gwau, “Boubou patana dekenai oi lao, oiemu kara dika boubouna, bona oiemu gabua ore boubouna do oi alaia mase. Inai bouboudia be oiemu kara dika bona oiemu bese taudia edia kara dika edia davana karaia totona. Israela taudia edia kara dika davana karaia totona boubouna danu do oi karaia, Lohiabada ese ia oda henia hegeregerena.”

NUMERA 6:14

Ia ese Lohiabada dekenai mauri gaudia toi do ia mailaia, bero o toto lasi gaudia, mamoe natuna tau ta, lagani tamona gauna, gabua boubouna totona, mamoe natuna hahine ta, lagani tamona gauna, kara dika gwauatao totona gauna, bona mamoe tau ta, Dirava danu maino do ia karaia totona.

NUMERA 6:16

“Vadaeni hahelagaia tauna ese Lohiabada ena vairanai inai boubou ibounai do ia atoa. Ia ese kara dika boubouna bona gabua boubouna Lohiabada dekenai do ia henidia.

NUMERA 8:13

“Levi taudia be lau Lohiabada dekenai do oi henidia, harihari gauna idauna ta totona. Vadaeni Arona bona iena natuna tau ese unai Levi taudia do idia biagua.

NUMERA 8:8

Unai neganai idia ese boromakau natuna tau ta do idia abia, mai ena paraoa boubouna, paraoa namo herea, olive dehoro dekenai mikisi gauna. Boromakau natuna tau ma ta danu do oi abia, kara dika boubouna totona.

HEBERU 9:22

Oibe, Taravatu ena hereva hegeregerena, gau momo herea be rara ese ia hagoevaia. Bona bema rara idia bubua lasi neganai, kara dika be idia gwauatao diba lasi.