NUMERA 8:11 - Buka Helaga (Hiri Motu) 1993

¹¹ Arona ese Levi taudia Lohiabada dekenai do ia henia. Idia be Israela taudia edia harihari gauna lau dekenai, lauegu gaukara do idia karaia totona.

NUMERA 8:11 Iomraidhean Croise

ESODO 29:24

Vadaeni inai vamu bona paraoa gaudia be Arona bona iena natuna tau dekenai do oi henia, edia imadia dekenai do idia dogoatao, lau Lohiabada egu vairanai inai boubou gaudia do idia davea.

LEVITIKO 7:30

Sibona ena imana dekenai unai aniani boubouna Lohiabada dekenai do ia mailaia. Ia ese unai vamu ena digara bona ena kemena Lohiabada dekenai do ia henia.

LEVITIKO 7:34

Boubou gauna ena kemena be harihari gauna ta, aena idibana danu be henia gauna ta. Idia be Israela taudia edia maino karaia bouboudia dekena amo lau Dirava ese lau abia gaudia. Bona Israela taudia ese inai kemena bona aena be Arona bona iena tubuna taudia dekenai do idia henia ela bona hanaihanai.

LEVITIKO 8:27

Mose ese inai aniani ibounai Arona bona ena natuna tau edia imadia dekenai ia atoa, bona idia ese Lohiabada ena vairanai idia davea, ia dekenai idia henia ena toana.

LEVITIKO 8:29

Vadaeni Mose ese mamoe ena kemena ia abia, bona ia davea, Lohiabada dekenai ia henia ena toana. Unai kemena be Mose ena gaukara davana, hahelagaia boubou dekena amo ia abia. Mose ese gau ibounai ia karaia, Lohiabada ese ia dekenai ia hadibaia hegeregerena.

NUMERA 6:20

“Vadaeni hahelagaia tauna ese unai aniani gaudia do ia abia lou, bona idia be Lohiabada ena vairanai do ia davea, ia henia ena toana. Unai kara murinai idia be helaga, bona idia be hahelagaia tauna ena aniani. Mamoe ena kemena, ia davea gauna, bona mamoe ena aena, ia abia isi gauna danu do ia abia, badina be Lohiabada ena taravatu dekenai, idia be hahelagaia tauna ena aniani. Unai kara murinai, Nasiri tauna ese uaina do ia inua lou diba.

DEUTERONOMI 10:8

Unai neganai Lohiabada ese Levi iduhuna ia abia hidi. Levi taudia ese Lohiabada ena Taravatu Maua do idia huaia, bona Lohiabada ena vairana dekenai do idia gini, iena gaukara do idia karaia, bona Lohiabada ena ladana do idia hanamoa, ia mai bona hari dina.