Biblia Todo Logo
Bìoball air-loidhne

- Sanasan -




NUMERA 7:89 - Buka Helaga (Hiri Motu) 1993

89 Mose ese Palai Dubu dekenai ia raka vareai, Lohiabada dekenai do idia herevahereva totona. Ia ese Lohiabada ena gadona ia kamonai. Taravatu Maua ena koua gauna, kara dika gwauatao gabuna, ena ataiai dekena amo, Lohiabada ese Mose dekenai ia hereva henia. Unai be kerubi aneru ruaosi edia huana dekenai gabuna.

Faic an caibideil Dèan lethbhreac




NUMERA 7:89
15 Iomraidhean Croise  

Helaga Herea Gabuna lalonai, mai hanina aneru gaudia rua, ladana kerubi, be olive audia dekena amo idia koroa. Edia ataiai latana be 4.4 mita.


Israela ena Naria Tauna e, do oi kamonai. Oi ese Israela taudia oi hakaua noho, mamoe naria tauna ese iena mamoe ia hakaua bamona. Aiemai noinoi mani do oi kamonai. Oi be oiemu terona dekenai oi helai noho, aneru edia ataiai dekenai.


Lohiabada be King! Tanobada ena bese idauidau idia heudeheude noho. Lohiabada be iena terona dekenai ia helai noho, kerubi edia huanai. Tanobada ia mareremarere noho.


Vadaeni ori ese Palai Dubu ia koua hagegea, bona Lohiabada ena diaridiari ese Dubu ia hahonua.


Unai dainai Mose be dala lasi Palai Dubu do ia raka vareai, badina be ori ese ia koua, bona Lohiabada ena diaridiari ese Dubu ia hahonua.


Palai Dubu, Lohiabada ia noho ena toana dekena amo Lohiabada ese Mose ia hereva henia, ia gwau,


Israela taudia ese Aigupito idia rakatania murinai lagani iharuana, ena hua iharuana, bona hua ena dina ginigunana dekenai Lohiabada ese Mose dekenai ia hereva, Sinai ena taunimanima noho lasi gabuna dekenai, Palai Dubu lalonai. Lohiabada ia gwau,


Vadaeni lau be do lau diho, umui dekenai do lau hereva unuseni. Bona oi dekenai lau henia siahuna ena kahana do lau abia lou, idia dekenai do lau henia. Vadaeni Israela besena naria gaukara be oi danu do idia karaia, maduna do umui huaia hebou, oi sibona do oi huaia lasi.


Unai dainai ia danu ai herevahereva neganai, lauegu uduna dekenai lau hereva, iena uduna dekenai ia hereva, ai hereva hunia lasi. Lau Lohiabada egu laulau toana korikori be Mose ese iena matana dekena amo ia itaia vadaeni. Umui ruaosi be edena bamona lauegu hesiai tauna Mose dekenai umui maumau? Umui gari lasi, a?”


Lohiabada ese Mose ia hamaoroa, ia gwau,


Unai dainai mai gari lasi danu, Dirava ena bogahisihisi ia noho helai gabuna dekenai ita raka kahirakahira lao, be namo. Vadaeni ia ese ita do ia bogahisihisi henia, bona ia ese hariharibada bona durua ita dekenai do ia henia, iseda metau hegeregerena.


Dirava ese idia dekenai ia hedinaraia, edia gaukara be idia edia namo totona idia karaia lasi. Lasi, to umui emui namo totona unai gaukara idia karaia. Oibe, idia edia hereva, be harihari Sivarai Namona ena haroro taudia ese umui dekenai idia haroro henia vadaeni. Lauma Helaga guba dekena amo Dirava ese ia siaia diho dainai, unai Sivarai Namona idia harorolaia noho. Inai kara bona Sivarai Namona, be aneru danu idia ura dikadika do idia itaia bona diba.


Unai dainai Israela taudia ese hesiai taudia idia siaia lao Silo dekenai. Unai gabu dekena amo Lohiabada ena Taravatu Maua idia abia lao. Eli ena natuna ruaosi Hopini bona Pineha danu be Dirava ena Taravatu Maua danu idia lao.


Lean sinn:

Sanasan


Sanasan