NUMERA 6:5 - Buka Helaga (Hiri Motu) 1993

⁵ “Nasiri tauna danu ese iena helaga dinadia ibounai lalonai iena huina, iena kwarana dekenai, o iena vairana dekenai, do ia utua lasi. Lohiabada dekenai ia gwauhamata dinadia ibounai be Nasiri tauna ena huina be do ia lata noho. Inai be Lohiabada dekenai ia helaga ena toana.

NUMERA 6:5 Iomraidhean Croise

ESEKIELA 44:20

“Hahelagaia taudia ese edia kwaradia edia huina do idia kakasia lasi, bona edia huina do idia halataia lasi. Edia kwaradia huina do idia utua kwadogi sibona.

NUMERA 6:4

Nasiri tauna ese, iena helaga dinadia ibounai lalonai vain edia anina, edia nadinadina ela bona edia kopina, be do ia ania lasi.

APOSETOLO EDIA KARA 18:18

Paulo ese dina momo Korinto lalonai ia noho, gabeai Keristani taudia dekenai ia bamahuta, lagatoi ta dekenai ia guia, ia lao Suria. Prisikila bona Akwila ia danu idia lao. Lagatoi do ia guia lasi neganai, Paulo ese gwauhamata ia karaia dainai, Kenekrea dekenai iena huina ia utua.

GUNALAIA TAUDIA 13:5

Badina be do oi rogorogo, mero ta do oi abia. Iena kwarana huina do oi utua lasi, badina be unai mero be iena vara dinana dekena amo do ia helaga, Dirava ena, ia be Nasiri orea tauna. Ia ese Israela do ia hamauria hamatamaia Pilistia taudia edia siahu dekena amo.”

GUNALAIA TAUDIA 16:17

Unai dainai Samson ese hereva momokani ibounai ia hadibaia, ia gwau, “Nega ta lauegu huina lau utua lasi, badina be lauegu sinana ena bogana dekena amo lau be helaga vadaeni, Dirava ena Nasiri tauna ta. To bema lauegu huina idia utua neganai, lauegu goada ese lau do ia rakatania, bona do lau manoka, taunimanima ibounai hegeregere.”

GUNALAIA TAUDIA 16:19

Unai neganai Delila ese iena mamuna dekenai Samson ena kwarana ia atoa, ia hamahutaia. Bona tau ta ia boiria, ia ese Samson ena huina ibounai hatua hebou kahana 7 gaudia ia utua oho. Vadaeni Delila ese Samson ia gadara henia hamatamaia, ia kirikirilaia, badina be iena goada ia rakatania vadaeni.

1 SAMUELA 1:11

Bona ia gwauhamata, ia gwau, “Siahu Ibounai Lohiabada e, lau, oiemu hesiai hahine, lauegu hisihisi bada mani do oi itaia, lau do oi laloa, lau do oi laloaboio lasi, to lau dekenai natuna mero do oi henia. Bema lau dekenai oi henia neganai, lau ese oi Lohiabada dekenai do lau henia lou, bona iena huina do lau utua lasi, iena mauri dinadia ibounai lalonai.”