NUMERA 6:25 - Buka Helaga (Hiri Motu) 1993

²⁵ Lohiabada ese iena vairana ena diari, be umui dekenai do ia henia, bona iena hariharibada danu umui dekenai do ia henia.

NUMERA 6:25 Iomraidhean Croise

SALAMO 80:19

Lohiabada e, Siahu Ibounai Diravana e, oi ese ai do oi hakaua lou. Ai dekenai oiemu bogahisihisi do oi hedinaraia, oi ese ai do oi hamauria.

SALAMO 119:135

Lohiabada e, mani lau kahirakahira do oi noho. Oiemu taravatu lau dekenai do oi hadibaia, bona oi ese lau do oi hanamoa.

SALAMO 31:16

Lau, oiemu hesiai tauna, be mai emu bogahisihisi danu do oi itaia noho. Oiemu noho hanaihanai lalokauna dainai, lau do oi hamauria.

SALAMO 67:1

Dirava e, ai dekenai do oi bogahisihisi, bona oi ese ai do oi hanamoa. Mani ai dekenai do oi laloa, bona ai do oi durua.

DANIELA 9:17

“Aiemai Dirava e, mani lauegu guriguri bona lauegu noinoi oi kamonai henia. Oiemu Dubu Helaga, ia makohia noho gauna mani do oi haginia lou, vadaeni taunimanima do idia diba oi be Dirava.

SALAMO 80:7

Siahu Ibounai Dirava e, ai do oi abia dae lou! Ai dekenai do oi bogahisihisi, bona ai do oi durua, vadaeni mauri do ai davaria!

ESODO 33:19

Lohiabada ia haere, ia gwau, “Lauegu kara namona ibounai be oi dekenai do lau hedinaraia, bona lauegu ladana helagana, Lohiabada, be oiemu vairana dekenai do lau gwauraia. Kamonai, bema lau ura tau ta do lau bogahisihisi henia neganai, unai tau do lau bogahisihisi henia.

MALAKI 1:9

Umui hahelagaia taudia e, umui ese Dirava umui noia, ia ese ita do ia hanamoa, bona ia ese ita do ia bogahisihisi henia totona. To ia ese umui emui guriguri do ia kamonai lasi, emui boubou gaudia umui karaia kerere dainai.

GENESE 43:29

Vadaeni Iosepa ese iena matana ia negea, iena tadina Beniamina ia itaia, iena tadina korikori. Vadaeni ia gwau, “Umui emui tadina, gabeai ia vara tauna be unai, a, vanegai ena sivarai umui gwauraia tauna?” Ma Beniamina dekenai ia gwau, “Natugu e, Dirava do ia bogahisihisi henia oi dekenai.”

IOANE 1:17

Badina be Dirava ese Mose dekena amo taravatu ia henia, to hariharibada bona kara momokani be Iesu Keriso ese ia mailaia vadaeni.

SALAMO 86:16

Lau dekenai do oi laloa, bona lau dekenai do oi bogahisihisi henia. Lau do oi hagoadaia, bona lau do oi hamauria. Badina be lau ese oiemu hesiai gaukara lau karaia noho, egu sinana ese ia karaia guna bamona.

SALAMO 21:6

Momokani, Lohiabada e, oi ese king oi hanamoa bada vadaeni, bona inai hanamoa, be do idia noho ela bona hanaihanai. Oi be ia dekenai oi noho dainai, ia moale bada noho.

ROMA 1:7

Umui Roma dekenai noho taudia, Dirava ese umui ia lalokau henia, bona iena bese lalonai umui noho totona umui ia boiria vadaeni, umui dekenai inai revareva lau torea inai. Lau ura be Dirava iseda Tamana bona Lohiabada Iesu Keriso ese bogahisihisi bona maino umui dekenai do idia henia.

SALAMO 4:7

To oi ese moale bada, be lau dekenai oi henia vadaeni, bona egu moale ese, uiti bona uaina momo idia davaria taudia, edia moale ia hereaia momokani.