NUMERA 6:23 - Buka Helaga (Hiri Motu) 1993

²³ “Arona mai ena natuna taudia do oi hamaoroa, Israela taudia dekenai idia hanamoa neganai, inai bamona hereva do idia gwauraia:

NUMERA 6:23 Iomraidhean Croise

GENESE 24:60

Idia ese Rebeka idia hanamoa, idia gwau: “Aiemai taihuna e, oi be dohore taunimanima momo herea edia sinana. Oiemu natudia ese do idia kwalimu, tuari taudia ese edia hanua idia tuari henia neganai.”

GENESE 47:10

Unai neganai Iakobo ese ia hanamoa lou Farao dekenai, vadaeni ia rakatania.

GENESE 47:7

Iosepa ese iena tamana Iakobo ia hakaua vareai, Farao ena vairana dekenai. Vadaeni Iakobo ese ia hanamoa Farao dekenai.

GENESE 48:20

Unai dainai unai dina dekenai Iakobo ese hanamoa ia henia idia dekenai, ia gwau: “Israela taudia ese Dirava dekenai do idia noinoi, ia ese idia do ia hanamoa, umui ia hanamoa hegeregere. Dohore idia gwau, ‘Dirava ese Eparaima bona Manase bamona, umui do ia halaoa namo.’ ” Inai bamona dala dekenai Eparaima ia atoa guna, Manase ia atoa gabeai.

1 KING TAUDIA 8:55

Unuseni ia gini, bona ia ese unuseni idia gini Israela taudia ibounai ia hanamoa, mai boiboi bada danu.

1 SIVARAI 23:13

Amarama ena natuna tau be Arona bona Mose. Arona bona iena bese taudia be Lohiabada ese ia abia hidi, idia ese Dubu ena helaga herea gaudia do idia hahelagaia, boubou gaudia Lohiabada dekenai do idia henia, bona muramura mai bonana namona Lohiabada ena vairanai do idia gabua, ela bona hanaihanai. Ma idia ese Lohiabada ena tomadiho gaukara do idia karaia, bona Lohiabada ena ladana dekenai taunimanima do idia hanamoa.

2 SIVARAI 30:27

Vadaeni hahelagaia taudia bona Levi taudia be idia toreisi, Lohiabada idia noia, ia ese taunimanima do ia hanamoa. Unai neganai, iena gabu guba dekena amo, Dirava ese edia noinoi ia kamonai, bona ia abidia dae.

ESODO 39:43

Mose ese inai gaudia ibounai ia itaia namonamo, bona ia diba gau ibounai idia karaia vadaeni namo herea, Lohiabada ese Mose ia oda henia hegeregerena. Vadaeni Mose ese unai Israela taudia ia hanamodia.

NUMERA 6:22

Lohiabada ese Mose dekenai ma ia hereva, ia gwau,

ROMA 1:7

Umui Roma dekenai noho taudia, Dirava ese umui ia lalokau henia, bona iena bese lalonai umui noho totona umui ia boiria vadaeni, umui dekenai inai revareva lau torea inai. Lau ura be Dirava iseda Tamana bona Lohiabada Iesu Keriso ese bogahisihisi bona maino umui dekenai do idia henia.

1 KORINTO 1:3

Iseda Tamana Dirava bona Lohiabada Iesu Keriso ese hariharibada bona maino umui ibounai dekenai do idia henia.

2 KORINTO 13:14

Lohiabada Iesu Keriso ena hari-haribada, Dirava ena lalokau, bona Lauma Helaga ena turana kara be umui ibounai dekenai do idia noho.

DEUTERONOMI 10:8

Unai neganai Lohiabada ese Levi iduhuna ia abia hidi. Levi taudia ese Lohiabada ena Taravatu Maua do idia huaia, bona Lohiabada ena vairana dekenai do idia gini, iena gaukara do idia karaia, bona Lohiabada ena ladana do idia hanamoa, ia mai bona hari dina.

DEUTERONOMI 21:5

“Unai neganai hahelagaia taudia, Levi taudia, be do idia raka mai. Lohiabada, emui Dirava ese Levi taudia ia abia hidi vadaeni, idia ese heai bona heatu ibounai do idia tahua bona hamaoromaoroa. Idia ese danu Lohiabada ena hesiai gaukara do idia karaia, bona Lohiabada ena ladana dainai hanamoa hereva do idia gwauraia.

DEUTERONOMI 33:1

Vadaeni Dirava ena hesiai tauna Mose ese Israela taudia ia hanamoa, ia do mase lasi neganai. Iena hanamoa hereva be inai:

HEBERU 7:1

Inai Melekisedeka be Salema ena king, bona ia be Ataiai Momokani Diravana ena hahelagaia tauna. Gunaguna Aberahamo ese king haida ia tuari henia, ia aladia mase. Vadaeni iena hanua dekenai ia giroa lou neganai, Melekisedeka be ia danu idia hedavari. Unai neganai Melekisedeka ese Aberahamo ia hanamoa henia.

HEBERU 7:7

Bona ita diba vadaeni hanamoa ia henia tauna be bada, bona hanamoa ia abia tauna be maragi, ani?

IOSUA 8:33

Vadaeni Israela taudia ibounai, mai edia gunalaia taudia, edia lohia taudia, bona edia kota biagudia, bona idau bese taudia edia huanai noho taudia, be Taravatu Maua kahana kahana dekenai idia gini, hahelagaia taudia, Levi taudia edia vairana dekenai. Taravatu Maua be Levi taudia ese idia huaia. Taunimanima kahana be Gerisima Ororo ena vairanai idia gini, ma taunimanima kahana be Ebala Ororo ena vairanai idia gini. Inai be Mose, Lohiabada ena hesiai tauna ena oda hegeregerena, Israela taudia hanamoa totona hereva ia gwauraia neganai.

1 PETERO 1:2

Tamana Dirava ese idaunegai umui ia abia hidi, iena Lauma Helaga ese umui ia hahelagaia vadaeni, Iesu Keriso ena rarana ese umui do ia huria totona. Vadaeni Iesu Keriso do umui kamonai henia, bona do umui goevagoeva momokani. Hariharibada bona maino umui ese do umui abia badabada be namo.

2 IOANE 1:3

Namona be Tamana Dirava, bona Tamana ena Natuna, Iesu Keriso ese hariharibada, bogahisihisi bona maino ita dekenai do idia henia, mai hereva momokani, bona mai lalokau danu.