NUMERA 6:2 - Buka Helaga (Hiri Motu) 1993

² “Israela taudia dekenai inai taravatu do oi henia: Bema tau ta o hahine ta ese do ia gwauhamata, Nasiri taudia edia mauri dalana do ia badinaia bona Lohiabada dekenai do ia helaga neganai,

NUMERA 6:2 Iomraidhean Croise

ESODO 33:16

Bema oi ese ai do oi bamoa lasi neganai, edena bamona idau bese taudia do idia diba oi ese lau bona oiemu orea taudia oi ura henia? To bema oi be ai danu ita lao neganai, idau bese taudia do idia diba namonamo, ai be bese idauna momokani, tanobada besedia ibounai edia huanai.”

AONEGA HEREVADIA 18:1

Ia sibona ia noho, turana lasi tauna, ese sibona ena ura mo ia tahua noho. Ia ese taunimanima haida edia laloa namodia ia ura lasi.

IEREMIA 35:6

To idia be idia haere, idia gwau, “Ai ese uaina do ai inua lasi, badina be aiemai sene tauna Ionadaba Rekaba ese ai dekenai ia oda henia, ia gwau, ‘Uaina do umui inua lasi, umui bona emui tubudia ibounai danu, ia lao bona hanaihanai.

LEVITIKO 20:26

“Do umui helaga, bona lau sibona egu bese taudia do umui lao. Badina be, lau be Lohiabada, bona lau be helaga. Lau ese bese idauidau edia huanai dekena amo umui lau abia hidi vadaeni, egu bese korikori do umui lao totona.

LEVITIKO 27:2

“Israela taudia do oi hamaoroa, bema tau ta ese ia gwauhamata, sibona o taunimanima ta Lohiabada dekenai do ia henia neganai, hoia lou davadia be inai:

NUMERA 30:3

“Bema kekeni ta, iena tamana ena ruma dekenai do noho, ese Lohiabada dekenai ia gwauhamata, gau ta do ia henia, o Lohiabada ena vairanai ia gwauhamata kara ta do ia karaia,

NUMERA 6:1

Lohiabada ese Mose ia hereva henia, ia gwau,

LUKA 1:15

Badina be Lohiabada ena vairana dekenai ia be do tau badana ta. Ia be uaina o kekero muramura do ia inua lasi, bona iena sinana ena bogana dekenai ia noho neganai Lauma Helaga ese do ia abia.

APOSETOLO EDIA KARA 18:18

Paulo ese dina momo Korinto lalonai ia noho, gabeai Keristani taudia dekenai ia bamahuta, lagatoi ta dekenai ia guia, ia lao Suria. Prisikila bona Akwila ia danu idia lao. Lagatoi do ia guia lasi neganai, Paulo ese gwauhamata ia karaia dainai, Kenekrea dekenai iena huina ia utua.

ROMA 1:1

Lau inai Paulo, lau be Iesu Keriso ena hesiai tauna. Lau be iena aposetolo, badina be ia ese ia boiboi vadaeni lau dekenai. Ia ese lau ia abia hidi, Dirava ena Sivarai Namona do lau harorolaia hedinarai totona.

2 KORINTO 6:16

Dirava ena dubu helaga bona kaivakuku be edena bamona idia hakapua tamona diba? Badina ita be Mauri Dirava ena dubu helaga! Dirava ese inai bamona ia hereva, ia gwau: “Lau be lauegu bese taudia danu do lau noho, bona idia edia huanai do lau raka. Bona lau be edia Dirava do lau lao, bona idia be lauegu bese taudia do lau halaodia.”

GALATIA 1:15

To lau be do vara lasi neganai, Dirava ese iena hariharibada dekena amo lau ia abia hidi. Lau dekenai ia boiboi, iena hesiai gaukara do lau karaia totona. Unai boiboi ena nega ia laloa neganai,

HEBERU 7:27

Ia be Hahelagaia Taudia Badadia haida bamona lasi. Idia ese dina ibounai boubou gaudia idia henia, idia sibona edia kara dika totona guna, gabeai taunimanima edia kara dika totona. To Iesu be inai bamona ia karaia lasi. Ia ese boubou gauna tamona ia henia, nega tamona sibona. Badina be ia ese iena mauri be Dirava dekenai ia henia.

GUNALAIA TAUDIA 13:14

Vain ena anina ta do ia ania lasi, uaina o kekero muramurana ta do ia inua lasi, bona aniani mirona ta do ia ania lasi. Lau hamaoroa gaudia ibounai do ia badinaia.”

GUNALAIA TAUDIA 13:4

Unai dainai do oi naria namonamo, uaina o kekero muramura do oi inua lasi, bona gau mirona ta do oi ania lasi.

GUNALAIA TAUDIA 13:5

Badina be do oi rogorogo, mero ta do oi abia. Iena kwarana huina do oi utua lasi, badina be unai mero be iena vara dinana dekena amo do ia helaga, Dirava ena, ia be Nasiri orea tauna. Ia ese Israela do ia hamauria hamatamaia Pilistia taudia edia siahu dekena amo.”

GUNALAIA TAUDIA 16:17

Unai dainai Samson ese hereva momokani ibounai ia hadibaia, ia gwau, “Nega ta lauegu huina lau utua lasi, badina be lauegu sinana ena bogana dekena amo lau be helaga vadaeni, Dirava ena Nasiri tauna ta. To bema lauegu huina idia utua neganai, lauegu goada ese lau do ia rakatania, bona do lau manoka, taunimanima ibounai hegeregere.”

1 SAMUELA 1:28

Unai dainai harihari Lohiabada dekenai lau henia. Iena mauri dinadia ibounai lalonai ia be Lohiabada ena.” Vadaeni Samuela ese Lohiabada ia tomadiho henia unuseni.