NUMERA 5:7 - Buka Helaga (Hiri Motu) 1993

⁷ Ia ese iena kara dika do ia gwauraia hedinarai, bona iena kara dika dekena amo ia hadikaia tauna dekenai davana do ia henia, mai atoa kau moni danu. Atoa kau moni ena bada be davana korikori bema karoa 5, ena karoa ta. Unai karoa ta be ma do idia atoa kau, vadaeni davana be karoa 6.

NUMERA 5:7 Iomraidhean Croise

SALAMO 32:5

Unai neganai lauegu kara dika, be oi dekenai lau gwauraia hedinarai. Lauegu kerere lau hunia lasi. Lau gwau, “Lauegu kerere, be Lohiabada ena vairanai do lau gwauraia hedinarai,” vadaeni oi ese lauegu kara dika oi gwauatao.

AONEGA HEREVADIA 28:13

Bema oiemu kara dika oi hunia noho neganai, namo ta do oi davaria lasi. Oiemu kara dika do oi gwauraia hedinarai, bona dika do oi rakatania, unai neganai Dirava ese oi do ia bogahisihisi henia.

LEVITIKO 26:40

“To umui emui natudia bona tubudia ese edia kara dika do idia gwauraia hedinarai, edia tamadia edia kara dika danu, bona edia dagedage bona kamonai henia lasi lau dekenai karadia danu do idia gwauraia hedinarai.

LEVITIKO 26:41

Unai kara dikadia dainai lau badu henidia, bona idia dekenai idia tuari taudia edia tano dekenai lau siaidia. To gabeai idia edia hekokoroku do idia negea, bona edia kamonai lasi bona edia kara dika ena davana do idia karaia.

LEVITIKO 5:15

“Bema tau ta do ia kerere, Lohiabada ena helaga gauna henia kara ta ia karaia maoro lasi, ia diba namonamo lasi dainai, ia ese inai dika ena davana karaia totona mamoe tau o nanigosi tau Lohiabada dekenai do ia mailaia. Unai mamoe o nanigosi be bero o toto lasi gauna, bona iena moni davana be hahelagaia tauna ese do ia gwauraia, Helaga Gabuna ena sikele hegeregerena.

LEVITIKO 5:16

Unai tau ese unai gaukara helagana ia hakererea ena davana momokani danu do ia henia, bona unai davana ena latanai atoa kau moni ma do ia henia. Unai atoa kau moni be inai: Davana korikori be karoa 5 neganai karoa ta be atoa kau moni, bona henia lou neganai karoa 6 do ia henia. Unai moni be unai tau ese hahelagaia tauna dekenai do ia henia. Unai neganai hahelagaia tauna ese unai tau ena kerere davana do ia karaia, kara dika totona ena mamoe dekena amo. Bona Lohiabada ese unai tau ena kara dika do ia gwauatao.

LEVITIKO 5:5

Unai bamona karadia dainai idia kerere taudia ese edia kara dika do idia gwauraia hedinarai.

LEVITIKO 7:7

Kara dika totona boubouna bona kerere totona boubouna edia taravatu be tamona: Boubou ena vamuna be unai boubou helaga ia karaia hahelagaia tauna ena, do ia ania diba.

NUMERA 5:8

“To bema ia hadikaia vadaeni tauna ia mase vadaeni, bona unai tau be mai ena varavara ta lasi, unai moni do ia abia totona, unai moni be Lohiabada dekenai do ia henia, hahelagaia tauna ena. Kerere tauna ese inai davana, bona iena kerere ena davana karaia totona mamoe tau ta danu be hahelagaia tauna dekenai do ia henia.

LUKA 19:8

To Sakaio ia toreisi, ia gini, Lohiabada dekenai ia hereva, ia gwau, “Egu kohu haida be ogogami taudia dekenai do lau henia. Bona ena kohu lau abia kava tauna, be nega 4 do lau henia lou.”

IOSUA 7:19

Vadaeni Iosua ese Akana dekenai ia hereva, ia gwau, “Egu natuna e, Lohiabada, Israela ena Dirava dekenai hairai bona hanamoa do oi henia. Lohiabada ena vairanai oiemu kerere do oi gwauraia. Oiemu kara dika be lau dekenai do oi hamaoroa, do oi hunia lasi.”