NUMERA 5:25 - Buka Helaga (Hiri Motu) 1993

²⁵ “To guna, unai hahelagaia tauna ese paraoa boubouna be hahine ena imana dekena amo do ia abia. Ia ese Lohiabada ena vairanai paraoa do ia davea, vadaeni boubou patana dekenai do ia abia lao.

NUMERA 5:25 Iomraidhean Croise

ESODO 29:24

Vadaeni inai vamu bona paraoa gaudia be Arona bona iena natuna tau dekenai do oi henia, edia imadia dekenai do idia dogoatao, lau Lohiabada egu vairanai inai boubou gaudia do idia davea.

LEVITIKO 8:27

Mose ese inai aniani ibounai Arona bona ena natuna tau edia imadia dekenai ia atoa, bona idia ese Lohiabada ena vairanai idia davea, ia dekenai idia henia ena toana.

NUMERA 5:15

“Unai bamona daradara ia noho neganai, tau ese iena hahine be hahelagaia tauna dekenai do ia hakaua lao. Ia ese danu bali paraoa ena metau kilogaram ta do ia abia lao. To olive dehoro o bonana namona muramura do ia abia lao lasi. Badina inai be paraoa boubou gauna, mama totona gauna, bona inai boubou ena badina, be momokani bona maoromaoro do ia hedinarai totona.

NUMERA 5:18

“Unai neganai hahelagaia tauna ese hahine ena huina do ia ruhaia, bona unai paraoa, mama totona boubouna, bona kerere laloa gauna, be hahine ena imana dekenai do ia atoa. To hahelagaia tauna ese inai mamina dika ranu, dika ia havaraia gauna, be ia sibona ena imana dekenai do ia dogoatao noho.

NUMERA 5:24

Bona gabeai ia ese unai mamina dika ranu be hahine dekenai do ia henia, vadaeni unai dika ia havaraia ranuna be hahine do ia inua, iena bogana dekenai do ia diho.

NUMERA 5:26

Vadaeni ia ese imana dekena amo paraoa haida do ia abia, Lohiabada dekenai henia ena toana, bona boubou patana ena lahi dekenai do ia gabua ore. Unai murinai ia ese hahine do ia hamaoroa unai mamina dika ranu do ia inua.