NUMERA 5:2 - Buka Helaga (Hiri Motu) 1993

² “Israela taudia do oi hamaoroa, lepera gorere taudia ibounai, bona hura ia bubua noho gorere taudia, bona mase taudia edia tauanina idia dogoatao taudia dainai idia miro taudia ibounai be kamepa ena murimurinai do idia siaia lao.

NUMERA 5:2 Iomraidhean Croise

2 KING TAUDIA 7:3

Lepera taudia 4 be hanua ikoukou ena murimurinai idia noho, idia herevahereva, idia gwau, “Iniseni ita helai noho ela bona ita mase ena anina be dahaka?

LEVITIKO 13:45

“Lepera tauna be dabua gunadia, darea gaudia do ia karaia, bona iena huina do ia duaria lasi, bona iena vairana ena henuna kahana be dabua dekenai do ia koua, do ia boiboi, do ia gwau, ‘Miro, miro!’

LEVITIKO 13:46

Lepera tauna ena gorere dinadia ibounai lalonai be do ia miro noho. Ia be sibona do ia noho. Taunimanima dekena amo do ia noho siri, kamepa ena murimurina dekenai.”

LEVITIKO 13:8

Vadaeni hahelagaia tauna ese do ia itaia, toutou be momokani ia bada lou, bona ia ese unai tau do ia gwauraia miro, ia be lepera tauna.

LEVITIKO 14:8

“Vadaeni ia goeva vadaeni tauna ese iena dabua do ia huria, bona iena huina ibounai do ia kakasia ore, bona do ia digu. Unai neganai do ia goeva. Unai murinai ia be kamepa lalonai do ia raka vareai diba, to iena palai ruma ena murimurinai do ia noho ela bona dina 7 idia ore.

LEVITIKO 21:1

Bona Lohiabada ese Mose ia hamaoroa, ia gwau, “Hahelagaia taudia, Arona ena natuna tau taudia do oi oda henia, idia ta ese iena hanua mase tauna hahelagaia totona gaukara ia karaia neganai, unai mase tauna do ia dogoatao lasi. Ia ese sibona do ia hamiroa lasi, mase tauna ena miro dekenai garina.

LEVITIKO 23:29

Tau ta bema aniani ia ania unai dina dekenai, ia be Dirava ena bese dekena amo do lau negea.

NUMERA 12:10

Ori be Palai Dubu dekena amo ia daekau neganai, Miriama be lepera gorere ia abia. Iena kopina be kurokuro, sinou bamona. Arona ese Miriama ia itaia ia be lepera gorere ia abia vadaeni.

NUMERA 12:14

To Lohiabada ese Mose ia haere henia, ia gwau, “Bema Miriama ena tamana ese Miriama ena vairana dekenai bema ia kanudia, Miriama be mai hemarai danu do ia noho dina 7, ani? Unai dainai Miriama be dina 7 kamepa ena murimuri dekenai do ia noho, unai murinai do idia hakaua vareai lou.”

NUMERA 31:19

“Bona umui ese taunimanima umui alaia mase, o mase taudia dekenai umui kamokau taudia ibounai be dina 7 lalonai kamepa ena murimurinai do umui noho. Dina namba 3, bona dina namba 7 dekenai umui sibona do umui hagoevaia, bona umui abia mauri kekeni bona ulato danu do umui hagoevaia.

NUMERA 5:1

Lohiabada ese Mose ia hamaoroa, ia gwau,