NUMERA 5:18 - Buka Helaga (Hiri Motu) 1993

¹⁸ “Unai neganai hahelagaia tauna ese hahine ena huina do ia ruhaia, bona unai paraoa, mama totona boubouna, bona kerere laloa gauna, be hahine ena imana dekenai do ia atoa. To hahelagaia tauna ese inai mamina dika ranu, dika ia havaraia gauna, be ia sibona ena imana dekenai do ia dogoatao noho.

NUMERA 5:18 Iomraidhean Croise

AONEGA HEREVADIA 5:4

to gabeai, unai hahine ena mamina oi dekenai, be dika, mamina dika muramura bamona, mai matana momokani, isena ruaosi idia segea tuari kaia bamona.

HADIBAIA TAUNA 7:26

Vadaeni gau ta ena mamina ena dika, ese mase ena mamina ena dika ia hanaia. Unai gau be hahine ta, ia ese lalokau ia henia gwauraia, to ia be tarapu, o reke ta bamona. Bona iena imana ese oi do idia rosia, seini ese oi do ia kwatua bamona. Tau ta bema ia ese Dirava ia hamoalea neganai, ia ese unai hahine dekena amo do ia heau mauri. To kara dika tauna, be unai hahine ese do ia abia, bona guia.

ISAIA 38:17

Momokani, oi ese lau do oi hanamoa totona, hisihisi bada lau dekenai ia vara. To oi Lohiabada ese emu lalokau dainai, lau oi hamauria vadaeni, mase ena guri dekena amo, badina be oi ese egu kara dika ibounai oi gwauatao vadaeni.

IEREMIA 2:19

Oiemu kara dika ese oi do ia panisia. Oiemu Dirava rakatania kara ese, oi do ia gwauraia kerere. Do oi laloa bona do oi diba, Lohiabada oi rakatania neganai, kerere ena mamina do oi abia momokani, badina lau dekenai gari henia kara, be oiemu lalona dekenai ia noho lasi. Lau Lohiabada, Siahu Ibounai Dirava, ese lau hereva vadaeni.”

LEVITIKO 13:45

“Lepera tauna be dabua gunadia, darea gaudia do ia karaia, bona iena huina do ia duaria lasi, bona iena vairana ena henuna kahana be dabua dekenai do ia koua, do ia boiboi, do ia gwau, ‘Miro, miro!’

NUMERA 5:15

“Unai bamona daradara ia noho neganai, tau ese iena hahine be hahelagaia tauna dekenai do ia hakaua lao. Ia ese danu bali paraoa ena metau kilogaram ta do ia abia lao. To olive dehoro o bonana namona muramura do ia abia lao lasi. Badina inai be paraoa boubou gauna, mama totona gauna, bona inai boubou ena badina, be momokani bona maoromaoro do ia hedinarai totona.

NUMERA 5:17

Hahelagaia tauna ese raro disi dekenai ranu helaga do ia bubua, bona tano kahuna sisina Palai Dubu lalona dekena amo be ranu dekenai do ia udaia.

NUMERA 5:19

“Vadaeni hahelagaia tauna ese hahine do ia oda henia inai gwauhamata do ia abia dae, hahelagaia tauna ena gwauhamata be inai: Bema oiemu adavana oi koia lasi, tau ta danu oi heudahanai lasi, inai mamina dika ranu, dika ia havaraia gauna, be oi dekenai dika ta do ia havaraia lasi,

NUMERA 5:22

Momokani, inai ranu be oiemu bogana dekenai ia diho neganai, oiemu bogana do ia gudu bona oiemu mamuna ruaosi do idia mase. “Hahine ese inai gwauhamata deke-nai do ia haere henia, do ia gwau, ‘Inai gwauhamata be lau abia dae, Lohiabada ese unai bamona do ia karaia be namo.’

1 KORINTO 11:15

To hahine ena huina ia lata be hairai gauna, ani? Badina be Dirava ese huina lata ia henia, iena kwarana do ia koua totona.

1 KORINTO 11:6

Bema hahine ese kwara gauna ia karaia lasi neganai, iena huina do idia utua kwadogi. To bema idia utua kwadogi o utua kebere be mai hemaraina, vadaeni guriguri gabuna lalonai kwara gauna do ia karaia.

DEUTERONOMI 29:18

“Do umui naria namonamo, hari dina umui emui huanai tau ta, o hahine ta, o bese ta, o iduhu ta ese Lohiabada, iseda Dirava do idia rakatania, bona unai idau bese edia dirava do idia tomadiho henia garina. Inai kara be mase huahuana ta ena ramu, huahua mai ena poisini dekenai ia tubu bamona.

HEBERU 13:4

Headava kara be taunimanima ibounai ese do idia matauraia be namo. Tatau mai edia hahine e, emui headava do umui naria, ia be goevagoeva Dirava ena vairana dekenai. Do ia miro lasi. Badina be Dirava ese heudahanai taudia bona headava hadikaia taudia edia kerere davana do ia henia momokani.

1 SAMUELA 15:32

Vadaeni Samuela ia gwau, “Agaga, Amaleka edia king, be lau dekenai do oi mailaia.” Vadaeni Agaga, mai gari lasi danu ia mai. Ia laloa, “Mase ena hisihisi be ia ore vadaeni.”