NUMERA 4:5 - Buka Helaga (Hiri Motu) 1993

⁵ Palai Dubu do idia naria namonamo totona, Lohiabada ese Mose ia hadibaia inai bamona: “Kamepa do umui kokia gwauraia neganai, Arona mai ena natuna tau ese Palai Dubu do idia raka vareai, Taravatu Maua vairanai ia noho koua dabua helagana do idia abia diho, bona ia dekena amo Taravatu Maua do idia koua.

NUMERA 4:5 Iomraidhean Croise

1 SIVARAI 15:15

Vadaeni Levi taudia ese Dirava ena Taravatu Maua mai ena huaia audia be edia pagadia dekenai idia huaia, Mose ese Lohiabada ena hereva dekena amo ia gwauraia dalana hegeregerena.

1 SIVARAI 23:26

Unai dainai Levi taudia ese Palai Dubu, bona iena gaukara kohu, do idia huaia lou lasi.”

2 SIVARAI 3:14

Solomona ese Helaga Herea Gabuna ena koua dabua be dabua bulu, kakakaka sisina, bona kakakaka momokani, bona dabua aukana dekena amo ia karaia.

ESODO 36:35

Koua dabua helagana danu idia karaia, Palai Dubu ena lalonai gauna. Inai dabua be mamoe huina dekenai idia karaia, iena kala be bulu, kakakaka momokani, bona kakakaka sisina. Bona kerubi aneru edia laulau be dabua ena latanai idia turia namonamo.

ESODO 40:3

Palai Dubu lalonai be Taravatu Maua, bona Maua ena lalonai be Dirava ena Taravatu 10 idia noho. Maua hunia totona koua dabua helagana be Maua ena vairanai do umui taua dae.

ESODO 40:5

“Muramura patana, golo gauna, mai bonana namona muramura pauda gabua ena patana be Taravatu Maua kahirakahira do umui atoa, to koua dabua helagana ena murimurinai. Bona Palai Dubu ena iduara dekenai koua dabua do umui taua dae.

ISAIA 25:7

Inai ororo dekenai, Lohiabada ese, bese idauidau ibounai edia latanai ia noho laloa daradara, idia ia koua noho, dabua badana bamona gauna, do ia kokia, bona inai metau do ia haorea momokani.

LEVITIKO 16:2

“Oiemu kakana Arona do oi hamaoroa, ia be nega ibounai Helaga Herea Gabuna, koua dabua helagana murinai gabuna do ia vareai lasi. To lau ese lau gwauraia negana sibona do ia vareai. Badina lau be ori lalonai lau hedinarai noho, Taravatu Maua ena koua gauna ena atai dekenai. Bema unai Gabu ia vareai kava neganai do lau alaia mase.

NUMERA 10:14

Iuda iduhu taudia be idia raka guna edia pepe henunai, mai edia iduhu tuari orea toi: Iuda iduhu tuari orea, edia gunalaia tauna be Nasona Aminadaba.

NUMERA 4:15

“Arona mai ena natuna danu be inai Helaga Gabuna mai ena kohu helagadia ibounai idia koua namonamo murinai, bona Israela taudia ese edia palai ruma do idia huaia gwauraia neganai, Kohata iduhu taudia ese unai helaga gaudia huaia totona do idia raka mai. To idia ese unai helaga gaudia ta do idia dogoatao lasi, do idia mase garina. “Inai gaudia ibounai be Kohata iduhu taudia ese do idia huaia lao, Palai Dubu idia kokia negadia ibounai.

NUMERA 4:4

Kohata iduhu taudia edia gaukara be, helaga bada gaudia do idia naria.”

NUMERA 7:9

To Kohata iduhu taudia dekenai Mose ese gau ta ia henia lasi, badina be edia gaukara be idia ese idia naria gau helagadia, be edia pagana dekenai do idia huaia gaudia.

MATAIO 27:51

Unai neganai Dubu Helaga ena koua dabua helagana badana be ia darea, ataiai dekena amo ia diho mai bona henuna dekenai, kahana rua ia lao. Tano danu ia mareremarere, nadi badadia danu idia makohia,

DEUTERONOMI 31:9

Mose ese Lohiabada ena Taravatu ia torea, vadaeni Levi helaga taudia bona Israela tau badadia dekenai ia henia. Unai Levi taudia ese Lohiabada ena Taravatu Maua idia naria noho.

HEBERU 10:20

Iesu ese dala matamata, mauri dalana, ia kehoa vadaeni ita dekenai. Ia ese unai koua dabua helagana ia hanaia vadaeni. Unai koua dabua helagana be Keriso ena tauanina bamona.

HEBERU 9:3

Inai daiutu ruaosi edia huanai, be koua dabua helagana ta ia noho, ena ladana be, koua dabua iharuana. Inai dabua ena murina kahanai, be daiutu iharuana ia noho, ena ladana idia gwauraia be, “Helaga Herea Gabuna.”

1 SAMUELA 6:19

Lohiabada ese Bete Semese taudia ibounai 70 ia alaia mase, badina be Taravatu Maua ena lalona be matana dekenai idia itaia dainai. Bona hanua taudia idia taitai, badina be Lohiabada ese unai ala-ala badana be idia edia huanai ia karaia dainai.