NUMERA 4:32 - Buka Helaga (Hiri Motu) 1993

³² Palai Dubu ia hagegea koua dabua badana ena du, du edia maua, ikoko bona varo, bona inai gaudia haginia gaukara karaia totona gaudia ibounai danu. Merari iduhu taudia ta ta dekenai dahaka bona dahaka do idia huaia do oi hadibaia, vadaeni inai be Merari iduhu sibona ena gaukara.

NUMERA 4:32 Iomraidhean Croise

1 SIVARAI 9:29

Ma Levi taudia haida ese Dubu ena kohu, bona gau helagadia ibounai, bona paraoa, uaina, olive dehoro, bona muramura mai bonana namona, idia gabua gaudia, bona pauda muramura namodia idauidau danu idia naria.

ESODO 25:9

Inai Palai Dubu, bona ena lalonai noho gaudia, be lau ese do lau hadibaia bamona do umui karaia.

ESODO 27:9

“Palai dubu koua hagegea totona, koua dabua badana do umui karaia, dabua namodia dekena amo. Diho kahana dekenai koua dabua ena lata be 44 mita.

ESODO 38:17

Koua hagegea koua dabua badana ena du ibounai idia gini lalonai maua be auri laboralabora dekena amo karaia gaudia, bona kimai, ba, bona du edia kwarana, be siliva dekena amo idia koua. Palai Dubu ia koua hagegea koua dabua badana ena du ibounai, be siliva ba, toadia namo gaudia dekena amo idia kapaia hagegea.

ESODO 38:21

Gaukara taudia ese Lohiabada ena Palai Dubu karaia totona golo, bona siliva, bona auri laboralabora edia metau idia duahia. Inai Palai Dubu lalonai be nadi palaka rua, bona idia edia latanai, Dirava ena Taravatu 10, torea vadaeni gaudia, idia noho. Unai golo, siliva bona auri laboralabora edia bada bona metau be Mose ese ia oda dainai, Levi taudia ese buka dekenai idia torea. Inai Levi taudia be Itamara ena henunai idia gaukara. Itamara be Arona, hahelagaia tauna ena natuna.

NUMERA 3:36

Merari iduhu taudia edia gaukara be inai: Palai Dubu ena haba turia, reirei latadia, du, du edia henunai idia atoa maua ibounai, bona unai gau edia kohu ibounai do idia naria. Inai gaudia naria totona gaukara ibounai be Merari iduhu taudia ese do idia karaia.

NUMERA 3:8

Idia ese Palai Dubu lalonai noho kohu ibounai do idia naria, bona Israela taudia durua totona, Palai Dubu naria gaukara do idia karaia.

NUMERA 4:31

Merari iduhu taudia edia gaukara be, inai gaudia do idia huaia: Palai Dubu ena haba turia, reirei latadia, du, du edia henunai maua ibounai,

NUMERA 4:33

“Inai gaukara ibounai be Merari iduhu taudia ese do idia karaia, Palai Dubu naria namonamo totona. Idia edia gaukara be hahelagaia tauna Arona ena natuna Itamara ese do ia naria bona hadibaia.”

NUMERA 4:49

Lohiabada ese Mose ia oda henia hegeregerena, inai tatau ta ta ibounai dekenai gaukara ta ta ia henia, bona maduna ta ta ia henia. Bona unai tatau ibounai be Mose ese edia ladana ia torea, bona ia duahia, Lohiabada ese ia oda henia hegeregerena.

NUMERA 7:1

Mose ese Lohiabada ena Palai Dubu ia haginia vadaeni dinana dekenai, ia ese Dubu mai ena kohu ibounai dekenai dehoro helagana ia atoa, ia hahelagaia. Boubou patana danu, mai ena kohu, be dehoro helagana dekena amo Mose ia hahelagaia.

NUMERA 7:8

Ma treila 4 bona boromakau 8 be Merari iduhu taudia dekenai ia henia. Unai taudia edia gaukara ibounai be hahelagaia tauna Arona ena natuna Itamara ese ia biagua.