NUMERA 4:16 - Buka Helaga (Hiri Motu) 1993

¹⁶ “Hahelagaia tauna Arona ena natuna Eleasara ese do ia naria gaudia be inai: Lamepa ena oela, bona bonana namona muramura, bona boubou edia paraoa, bona dehoro helagana. Ia ese danu Palai Dubu mai ena kohu helagadia ibounai, bona Helaga Gabuna mai ena kohu helagadia ibounai do ia itaia namonamo.”

NUMERA 4:16 Iomraidhean Croise

ESODO 25:6

lamepa ena oela, mai bonana namona muramura, dehoro helaga totona, bona idia gabua muramura ena pauda danu.

ESODO 30:22

Lohiabada ese Mose ia hamaoroa, ia gwau,

ESODO 31:11

Ma dehoro helagana, bona mai bonana namona muramura ena pauda, Helaga Gabuna dekenai gaukaralaia gaudia danu be do idia karaia. Inai gaudia idia karaia neganai, oi dekenai lau oda vadaeni hegeregerena momokani do idia karaia.”

ESODO 37:29

Bona ia ese dehoro helagana ia karaia, Dirava dekenai idia helaga taudia edia kwarana dekenai idia bubua dehoro be unai. Ma ia ese mai bonana namona muramura pauda, idia gabua gauna, ia mikisi namonamo.

LEVITIKO 24:1

Lohiabada ese Mose ia hamaoroa, ia gwau,

LEVITIKO 24:2

“Israela taudia do oi oda henia, olive au huahua ena dehoro, goevagoeva momokani, lamepa ena oela gauna, oi dekenai do idia henia, Palai Dubu ena lamepa be do idia gabua hanaihanai totona.

LEVITIKO 6:20

Arona o iena natuna tau ese iena dagi helagana ia abia dinana dekenai, ia ese paraoa ena metau kilogaram ta Lohiabada dekenai do ia mailaia. Inai paraoa ena metau, be paraoa boubouna, nega ibounai idia henia gauna ena metau hegeregerena. Inai paraoa kahana be dabai do idia henia, bona kahana be adorahi neganai do idia henia.

NUMERA 3:32

Eleasara, hahelagaia tauna, Arona, ena natuna, be Levi taudia ibounai edia gunalaia tauna, bona ia ese Helaga Gabuna dekenai idia gaukara taudia edia gaukara ia naria.

NUMERA 4:17

Vadaeni Lohiabada ese Mose bona Arona ia hamaoroa, ia gwau,

LUKA 4:18

“Lohiabada ena Lauma ese lau ia hahonua. Ia ese lau ia abia hidi vadaeni, Sivarai Namona ogogami taudia dekenai do lau haroro henia. Lau ia siaia vadaeni, idia guia taudia do lau ruhaia totona, bona matakepulu taudia edia matana kehoa hereva do lau gwauraia, bona mai edia bero taudia dekenai mauri do lau henia.

APOSETOLO EDIA KARA 20:28

Umui sibona do umui naria namonamo, bona mamoe orea ibounai danu. Inai orea naria taudia Lauma Helaga ese umui ia halaoa vadaeni. Dirava ena ekalesia, iena lalokau Natuna ena rarana dekena amo ia hoia orea taudia, do umui ubua.

1 KORINTO 4:1

Namona be umui laloa ai be Keriso ena hesiai taudia, bona ai ese Dirava ena hunia hereva ai naria namonamo taudia.

1 TIMOTEO 2:5

Badina be Dirava be tamona, Dirava bona taunimanima ia hakapudia tauna danu be tamona. Unai tauna be Keriso Iesu.

HEBERU 3:1

Unai dainai, lauegu Keristani varavara taudia e, umui be Dirava ese ia abia hidi vadaeni. Lau ura Iesu do umui laloa, ia be Dirava ese ia siaia vadaeni, iseda abidadama ena Hahelagaia Tauna Badana do ia lao.

HEBERU 3:6

To Keriso be Dirava ena Natuna korikori. Unai dainai ia be Dirava ena bese ena kwarana tauna momokani. Ia ese unai bese ia naria noho, iena Tamana ena ura hegeregerena. Ita be Dirava ena bese taudia, bema mai abidadama, moale, bona laloa goada danu Lohiabada ena mauri hanaihanai ita naria noho neganai.

1 PETERO 2:25

Badina be gunaguna umui be mamoe idia boio bamona, emui dala umui diba lasi. To harihari, emui lauma ia dogoatao Tauna, inai Mamoe Naria Tauna dekenai, umui giroa lou vadaeni.

1 PETERO 5:2

Dirava ese umui ia henia mamoe orea do umui naridia namonamo. Do umui gunalaia, Dirava ena ura hegeregerena. Do umui maumau lasi, to mai emui ura namona inai dagi do umui karaia. Ta ese umui ia oda dainai do umui karaia lasi, to sibona emui ura dainai. Kohu do umui davaria totona do umui karaia lasi.