NUMERA 4:15 - Buka Helaga (Hiri Motu) 1993

¹⁵ “Arona mai ena natuna danu be inai Helaga Gabuna mai ena kohu helagadia ibounai idia koua namonamo murinai, bona Israela taudia ese edia palai ruma do idia huaia gwauraia neganai, Kohata iduhu taudia ese unai helaga gaudia huaia totona do idia raka mai. To idia ese unai helaga gaudia ta do idia dogoatao lasi, do idia mase garina. “Inai gaudia ibounai be Kohata iduhu taudia ese do idia huaia lao, Palai Dubu idia kokia negadia ibounai.

NUMERA 4:15 Iomraidhean Croise

2 SAMUELA 15:24

Sadoka, hahelagaia tauna, bona Levi taudia danu ese Dirava ena Taravatu Maua idia huaia noho. Idia ese Taravatu Maua idia atoa diho, bona Abiatara ese boubou helagadia ia henia noho, ela bona Davida ena orea ibounai be Ierusalema dekena amo idia raka siri vadaeni.

2 SAMUELA 6:13

Lohiabada ena Taravatu Maua idia huaia taudia be daga 6 sibona idia raka, vadaeni Davida ese idia ia oda henia, idia gini. Vadaeni idia gini ena nega lalonai, Davida ese boromakau tau ta, bona boromakau natuna ta, namo hereana, idia ruaosi ia alaia mase, Lohiabada dekenai ia henia, iena boubou gauna.

1 KING TAUDIA 8:3

Israela tau badadia be unai neganai Solomona dekenai idia ginidae, vadaeni hahelagaia taudia ese Taravatu Maua idia abia isi,

1 SIVARAI 15:15

Vadaeni Levi taudia ese Dirava ena Taravatu Maua mai ena huaia audia be edia pagadia dekenai idia huaia, Mose ese Lohiabada ena hereva dekena amo ia gwauraia dalana hegeregerena.

1 SIVARAI 15:2

Bona Davida ia gwau, “Tau ta ese Dirava ena Taravatu Maua do ia huaia lasi, to Levi taudia sibona. Badina be Lohiabada ese Levi taudia ia abia hidi vadaeni, Lohiabada ena Taravatu Maua do idia huaia, bona iena hesiai gaukara do idia karaia ela bona nega ibounai.”

1 SIVARAI 23:26

Unai dainai Levi taudia ese Palai Dubu, bona iena gaukara kohu, do idia huaia lou lasi.”

ESODO 19:12

Ororo do oi hagegea hetoa maka dekena amo, bona taunimanima dekenai oi hamaoroa, oi gwau: Umui naria namonamo, unai maka do umui hanaia lasi, bona ororo dekenai do umui daekau lasi, ma danu ororo ena kahana ta do umui dogoatao lasi. Bema ta ese unai maka ia hanaia, o ororo ia dogoatao neganai, vadaeni do umui alaia mase.

ESODO 19:21

Lohiabada ese Mose ia hamaoroa, ia gwau, “Oi diho, taunimanima dekenai oi hadibaia, hetoa maka do idia hanaia lasi, lau do idia itaia, vadaeni momo do idia mase garina.

ESODO 27:7

Bona inai audia be rini, pata ena kahana kahana dekenai idia kwatua noho gaudia, edia lalonai do umui toia vareai, pata be do umui huaia totona.

LEVITIKO 16:13

Vadaeni unai muramura mai bonana be gida latanai do ia bubua, Lohiabada ena vairanai, ela bona muramura mai bonana ena kwalahuna ese Taravatu Maua ena koua gauna do ia koua momokani, Arona ese do ia itaia bona mase garina. (Unai Maua lalonai be Taravatu Nadidia idia noho.)

NUMERA 1:50

“Levi taudia do oi abia hidi, idia ese lau noho ena toana, Palai Dubu, mai ena kohu ibounai do idia naria. Idia ese Palai Dubu mai ena kohu ibounai do idia huaia, bona idia sibona ese Dubu lalonai do idia gaukara, bona idia kamepa neganai, Palai Dubu, be edia palai ruma dekena amo do idia hagegea.

NUMERA 1:51

Palai Dubu be gabu ta dekenai do umui abia lao neganai, Levi taudia ese do idia atoa diho, bona gabu matamata dekenai umui ginidae neganai, Levi taudia ese do idia haginia lou. Bema idau iduhu tauna be Palai Dubu kahirakahira ia raka mai neganai, do umui alaia mase.

NUMERA 10:21

Vadaeni Kohata taudia ese kohu helagadia idia huaia. Kamepa matamata do idia ginidae lasi neganai, Palai Dubu be Levi taudia haida ese gabu matamata dekenai idia haginia lou guna vadaeni.

NUMERA 18:3

Inai Levi taudia ese oiemu hesiai gaukara do idia karaia, bona Palai Dubu lalonai gaukara do idia karaia, to idia ese gau helagadia, Helaga Gabuna dekenai o boubou patana dekenai do idia dogoatao lasi. Bema unai gaudia idia dogoatao neganai, idia bona oi be do umui mase momokani.

NUMERA 3:38

Mose bona Arona mai iena natuna tau be Palai Dubu ena dina daekau kahana dekenai, Palai Dubu ena vairanai idia kamepa. Idia ese Helaga Gabuna ena gaukara helagana do idia karaia Israela taudia ibounai dainai. Mose bona Arona edia bese lasi tauna ese inai gaukara helagana do ia karaia toho neganai, unai tau be Israela taudia ese do idia alaia mase.

NUMERA 4:14

Vadaeni unai dabua edia latanai boubou patana ena kohu ibounai do idia atoa, gaudia inai: Lahi huaia auri gaudia, foka, sipeidi, rara udaia urodia, kahu udaia urodia. Unai gaudia ibounai be davara boromakau, rui, edia kopina dekenai do idia koua, bona huaia audia be boubou patana ena rini dekenai do idia toia vareai.

NUMERA 4:19

Badina be bema Kohata taudia ese inai helaga gaudia dekenai idia raka kahirakahira kava neganai do idia mase. “Inai bamona do ia vara garina Arona mai ena natuna tau be do idia raka vareai guna, bona Kohata taudia ta ta edia gaukara, edia gaukara do idia henia, bona ta ta edia maduna, edia maduna danu do idia henia.

NUMERA 4:20

To bema idia raka vareai kava, bona helaga gaudia do idia itaia, idia do koua lasi neganai, idia be do idia mase momokani.”

NUMERA 7:9

To Kohata iduhu taudia dekenai Mose ese gau ta ia henia lasi, badina be edia gaukara be idia ese idia naria gau helagadia, be edia pagana dekenai do idia huaia gaudia.

DEUTERONOMI 31:9

Mose ese Lohiabada ena Taravatu ia torea, vadaeni Levi helaga taudia bona Israela tau badadia dekenai ia henia. Unai Levi taudia ese Lohiabada ena Taravatu Maua idia naria noho.

IOSUA 4:10

Badina be hahelagaia taudia, Taravatu Maua idia huaia taudia, be Ioridane Sinavai ena huana dekenai idia gini, ela bona Lohiabada ese Iosua ia oda henia gaudia ibounai be taunimanima ese idia karaia haorea vadaeni. Inai gaudia be Mose ena oda ibounai, Iosua dekenai ia hamaoroa hegeregerena. Vadaeni taunimanima ibounai sinavai idia hanaia haraga.

1 SAMUELA 6:19

Lohiabada ese Bete Semese taudia ibounai 70 ia alaia mase, badina be Taravatu Maua ena lalona be matana dekenai idia itaia dainai. Bona hanua taudia idia taitai, badina be Lohiabada ese unai ala-ala badana be idia edia huanai ia karaia dainai.