NUMERA 4:14 - Buka Helaga (Hiri Motu) 1993

¹⁴ Vadaeni unai dabua edia latanai boubou patana ena kohu ibounai do idia atoa, gaudia inai: Lahi huaia auri gaudia, foka, sipeidi, rara udaia urodia, kahu udaia urodia. Unai gaudia ibounai be davara boromakau, rui, edia kopina dekenai do idia koua, bona huaia audia be boubou patana ena rini dekenai do idia toia vareai.

NUMERA 4:14 Iomraidhean Croise

2 SIVARAI 4:19

King Solomona ese danu Dubu Helaga ena helaga gaudia ma haida ia karaia, gaudia be inai: Pata helagana, golo gauna. Paraoa helagana edia patana.

ESODO 27:1

Lohiabada ese Mose dekenai ma ia hereva, ia gwau, “Umui ese akasia audia dekena amo boubou patana ta, boubou gabua totona gauna, do umui karaia. Iena lata be mita rua, 20 sentamita, ma iena lababa danu be mita rua, 20 sentamita, bona iena ataiai be mita ta, 30 sentamita.

ESODO 27:3

Lahi kahu udaia uro bona sipeidi maragidia bona disi bona foka bona lahi huaia kapusi be auri laboralabora dekena amo do umui karaia.

NUMERA 4:13

“Unai murinai boubou patana ena kahu do idia negea, bona boubou patana be dabua, ena kala sisina kakakaka dekena amo do idia koua.

NUMERA 4:15

“Arona mai ena natuna danu be inai Helaga Gabuna mai ena kohu helagadia ibounai idia koua namonamo murinai, bona Israela taudia ese edia palai ruma do idia huaia gwauraia neganai, Kohata iduhu taudia ese unai helaga gaudia huaia totona do idia raka mai. To idia ese unai helaga gaudia ta do idia dogoatao lasi, do idia mase garina. “Inai gaudia ibounai be Kohata iduhu taudia ese do idia huaia lao, Palai Dubu idia kokia negadia ibounai.

NUMERA 4:6

Ma inai koua dabua ena latanai davara boromakau edia kopina do idia atoa. Ma inai kopina ena latanai, dabua, ena kala bulu do idia atoa, Taravatu Maua do idia koua momokani. Unai murinai Taravatu Maua ena huaia audia be edia gabu dekenai do idia toia vareai.