NUMERA 4:12 - Buka Helaga (Hiri Motu) 1993

¹² Unai murinai Helaga Gabuna ena kohu ibounai be bulu dabua dekenai do idia kumia, ma inai ibounai be davara boromakau, rui, edia kopina dekena amo do idia koua, bona huaia totona gauna ena latanai do idia atoa.

NUMERA 4:12 Iomraidhean Croise

1 SIVARAI 9:28

Levi taudia haida ese tomadiho dekenai idia gaukaralaia gau helagadia idia naria. Bona idia ese unai gau idia abia lao, o idia atoa vareai neganai idia duahia, haida idia boio garina.

1 SIVARAI 9:29

Ma Levi taudia haida ese Dubu ena kohu, bona gau helagadia ibounai, bona paraoa, uaina, olive dehoro, bona muramura mai bonana namona, idia gabua gaudia, bona pauda muramura namodia idauidau danu idia naria.

2 SIVARAI 4:11

Hurama ese danu uro bona sipeidi bona disi ia karaia. Vadaeni king Solomona ese ia henia gaukara be Hurama ese ia haorea, Dirava ena Dubu Helaga lalonai, gaudia be inai:

2 SIVARAI 4:16

uro, sipeidi, foka bona vamu taua dae edia kimai. Inai diba momo gaukara tauna Hurama Abi ese inai gaudia ibounai be auri laboralabora, diaridiari gauna dekena amo ia karaia. Idia be Solomona ese ia oda hegeregerena, bona Lohiabada ena Dubu Helaga lalonai do idia gaukaralaia gaudia.

2 SIVARAI 4:19

King Solomona ese danu Dubu Helaga ena helaga gaudia ma haida ia karaia, gaudia be inai: Pata helagana, golo gauna. Paraoa helagana edia patana.

2 SIVARAI 4:22

Lamepa hagoevaia gaudia, bona disi, bonana namo muramura totona gaudia, bona auri palakadia, gida huaia lao totona gaudia. Inai gaudia ibounai be golo goevagoeva sibona dekena amo idia karaia. Dubu Helaga ena daiutu badana ena iduara, bona Helaga Herea Gabuna ena iduara ruaosi danu be golo dekena amo idia karaia.

ESODO 25:5

mamoe edia kopina, idia hakakakaka gaudia, bona nani edia kopina, bona akasia audia,

ESODO 25:9

Inai Palai Dubu, bona ena lalonai noho gaudia, be lau ese do lau hadibaia bamona do umui karaia.

ESODO 31:10

“Ma Arona mai ena natuna tau edia dabua namo herea, hahelagaia taudia edia gaukara idia karaia neganai idia atoa dabua, inai danu be inai aonega taudia ese do idia turia.

NUMERA 3:8

Idia ese Palai Dubu lalonai noho kohu ibounai do idia naria, bona Israela taudia durua totona, Palai Dubu naria gaukara do idia karaia.

NUMERA 4:11

“Golo patana be bulu dabua dekena amo do idia koua, vadaeni davara boromakau edia kopina dekenai do idia kumia, bona huaia audia be pata huaia totona rini dekenai do idia toia vareai.

NUMERA 4:13

“Unai murinai boubou patana ena kahu do idia negea, bona boubou patana be dabua, ena kala sisina kakakaka dekena amo do idia koua.

NUMERA 4:6

Ma inai koua dabua ena latanai davara boromakau edia kopina do idia atoa. Ma inai kopina ena latanai, dabua, ena kala bulu do idia atoa, Taravatu Maua do idia koua momokani. Unai murinai Taravatu Maua ena huaia audia be edia gabu dekenai do idia toia vareai.

NUMERA 4:7

“Vadaeni Lohiabada dekenai henia beredi ena patana ena latanai, dabua, ena kala bulu do idia atoa, do idia koua. Inai bulu dabua ena latanai disi, bonana namo muramura urodia, kapusi, bona uaina henia totona urodia do idia atoa. Ma Lohiabada dekenai henia beredi danu be pata dekenai do ia noho.

NUMERA 4:9

“Ma dabua ta, ena kala bulu dekena amo, lamepa dogoatao gauna, mai ena lamepa, lamepa hagoevaia auri gaudia, momoru udaia mereki, bona oela ena kavabu ibounai do ia koua.