NUMERA 33:3 - Buka Helaga (Hiri Motu) 1993

³ Hua ginigunana ena dina namba 15 dekenai, Israela taudia be Ramese dekena amo idia raka hamatamaia. Unai idia toreisi dinana be Pasova dinana ena murina dinana, bona Lohiabada ese idia ia naria dainai, Israela taudia be Aigupito taudia ibounai edia vairanai idia raka lao.

NUMERA 33:3 Iomraidhean Croise

GENESE 47:11

Vadaeni Iosepa ese iena tamana bona iena tadikakana taudia edia gabu ia karaia hegaegae, bona edia tano ia henidia, Aigupito ena tano namo herea ta dekenai, iena ladana be Ramese, Farao ia hereva bamona.

SALAMO 105:38

Aigupito taudia be Israela taudia dainai idia gari. Vadaeni Israela taudia idia toreisi, idia raka siri neganai, Aigupito taudia idia moale.

ESODO 1:11

Unai dainai ia ese gaukara biaguna taudia ia atodia, idia ese unai Israela gaukara karaia taudia naria totona, mai dagedage danu. Vadaeni gaukara momo dekena amo hisihisi idia henia Israela taudia dekenai. Vadaeni Israela taudia ese hanua rua idia haginia, Farao ena aniani haboua gabudia, edia ladana be Pitoma bona Ramese.

ESODO 12:2

“Inai hua be hua ginigunana Lohiabada ese do ia halaoa umui emui, umui emui lagani ia hamatamaia ena hua do ia halaoa.

ESODO 12:37

Vadaeni Israela taudia be Ramese dekena amo idia laolao, Sukoto dekenai idia lao gwauraia. Aena dekenai idia raka tatau be 600,000 bamona, bona hahine mai natudia danu.

ESODO 13:4

Inai dina dekenai, hua ladana Abiba ena lalonai, umui ese Aigupito tano umui rakatania.

ESODO 14:8

Unai neganai Lohiabada ese Farao, Aigupito ena king, ena lalona ia ha-aukaia, vadaeni ia ese Israela taudia edia murina dekenai ia heau lao haragaharaga, badina be Israela taudia idia raka siri, idia gari lasi bamona.

ISAIA 52:12

To inai neganai do umui raka mai haraga lasi, bona do umui heau mai lasi. Badina be Lohiabada, emui Dirava, ese umui do ia hakaua, bona kahana kahana ibounai dekena amo, ia ese umui do ia naria noho.

MIKA 2:13

Dirava ese iena bese taudia edia dala do ia kehoa, vadaeni edia guia dekena amo do ia hakaudia mai. Unai tano idauna ena hanua magu iduara do idia hamakohia, murimuri dekenai do idia lao. Edia king, Lohiabada be unai, ese idia do ia gunalaia.

NUMERA 33:2

Lohiabada ia oda dainai, Mose ese edia kamepa sivarai, bona edia toreisi sivarai ia torea. Edia kamepa bona toreisi hereva be inai: