NUMERA 33:2 - Buka Helaga (Hiri Motu) 1993

² Lohiabada ia oda dainai, Mose ese edia kamepa sivarai, bona edia toreisi sivarai ia torea. Edia kamepa bona toreisi hereva be inai:

NUMERA 33:2 Iomraidhean Croise

ESODO 17:14

Lohiabada ese Mose dekenai ia hamaoroa, ia gwau, “Buka ta lalonai inai tuari kwalimu sivaraina do oi torea, taunimanima do idia laloatao totona. Bona Iosua do oi hamaoroa, lau be Amaleka taudia edia sivarai do lau haorea momokani.”

NUMERA 10:13

Israela taudia ese edia kamepa gabuna idia rakatania nega ginigunana be unai, bona Lohiabada ese Mose ia hamaoroa dalana dekena amo idia raka lao.

NUMERA 10:6

Bema kibi idia hiriria kwadogi bona regena bada nega rua neganai, kamepa ena diho kahana iduhu taudia ese edia palai ruma bona kohu do idia kokia, do idia huaia lao. Kibi idia hiriria kwadogi, regena bada gaudia, be kamepa toreisi ena toana.

NUMERA 33:1

Israela taudia be Mose bona Arona ese Aigupito dekena amo idia hakaua neganai, edia kamepa gabudia edia ladana be Mose ese ia torea iniseni, edia iduhu ta ta dekenai.

NUMERA 33:3

Hua ginigunana ena dina namba 15 dekenai, Israela taudia be Ramese dekena amo idia raka hamatamaia. Unai idia toreisi dinana be Pasova dinana ena murina dinana, bona Lohiabada ese idia ia naria dainai, Israela taudia be Aigupito taudia ibounai edia vairanai idia raka lao.

DEUTERONOMI 1:2

Sinai Ororo dekena amo bema tau ta ia raka lao ela bona Kadesi Baranea, raka loaloa dinadia be 11 bamona, bema Edoma ena ororo dalana dekena amo ia lao.

DEUTERONOMI 10:11

Gabeai Lohiabada ese lau ia hamaoroa, ia gwau, ‘Oi toreisi, oiemu orea taudia do oi hakaua, vadaeni emui sene taudia dekenai lau gwauhamata henidia tano dekenai do idia raka vareai, bona do idia abia.’ ”