NUMERA 32:5 - Buka Helaga (Hiri Motu) 1993

⁵ Mani emu kara inai tano ai dekenai do oi henia, aiemai tano, bona ai do oi hakaua hanaia lasi, Ioridane Sinavai unai kahana dekenai.”

NUMERA 32:5 Iomraidhean Croise

GENESE 19:19

Oi ese kara namona lau dekenai oi karaia vadaeni, lau dekenai oi bogahisihisi, bona lau oi hamauria vadaeni. To ororo be daudau, bona lau be goada lasi dekenai inai dika gauna ese lau dekenai do ia moru, vadaeni, do lau mase.

2 SAMUELA 14:22

Ioaba be tano dekenai ia tui diho, iena kwarana tano dekenai ia atoa, Davida dekenai ia tomadiho, bona ia hanamoa. Ioaba ia gwau, “Lauegu lohia bona lauegu king, hari dina lau diba, oi ese lau dekenai oi laloa namo, badina be egu noinoi oi abia dae dainai.”

ESETA 5:2

King ese kwini Eseta ia itaia, magu ena lalonai ia gini, vadaeni ia ese Eseta dekenai ia laloa namo. Unai neganai king ese iena dagi auna, golo gauna, be ia abia isi, Eseta dekenai ia duduia. Vadaeni Eseta be ia raka kahirakahira, iena imana be dagi auna dekenai ia atoa.

IEREMIA 31:2

Idaunegai, Israela taudia be taunimanima noho lasi tano dekenai, tuari dekena amo idia heau mauri dainai, idia be laga-ani gabuna idia tahua. Unai neganai lau Lohiabada ese idia dekenai lau bogahisihisi henia.

NUMERA 32:4

Lohiabada ese ita Israela taudia iseda vairana dekenai ia halusia taudia edia tano. Inai tano be boromakau bona mamoe totona ia namo herea. Aiemai boromakau bona mamoe be momo herea.

NUMERA 32:6

To Mose ese Rubena bona Gado iduhu taudia ia gwau henia, ia gwau, “Emui varavara taudia ma do idia tuari, to umui be iniseni do umui helai diho, a?

DEUTERONOMI 1:37

Ma Mose ia gwau, “Umui Israela taudia dainai Lohiabada ese lau dekenai danu ia badu, bona ia gwau, ‘Mose e, oi danu be unai tano do oi raka vareai lasi.

IOSUA 7:7

Bona Iosua ese Lohiabada dekenai ia boiboi, ia gwau, “Lohiabada Dirava e! Badina dahaka Ioridane Sinavai dekena amo oi ese ai oi hakaua hanaia? Amoro taudia edia siahu henunai ai do oi atoa, a? Vadaeni idia ese ai do idia hadikaia ore, a? Ioridane Sinavai unai kahana dekenai bema ai noho be namo, ani?

RUTA 2:10

Ruta ese ia tui diho, iena vairana be tano dekenai ia atoa, ia gwau, “Dahaka dainai lau, idau bese hahine, oi ese lau dekenai oi laloa namo, bona lau dekenai oi bogahisihisi henia?”

1 SAMUELA 20:3

To Davida ese iena hereva ma ia gwauraia lou auka, ia gwau, “Oiemu tamana be ia diba oi ese lau oi ura henia, vadaeni ia gwau, ‘Lau ura lasi inai kara be Ionatana ia diba, iena lalona be do ia hisihisi garina.’ To momokani, Lohiabada ia mauri noho, bona oiemu lauma ia mauri noho hegeregerena, lau bona mase be kahirakahira momokani.”