NUMERA 32:13 - Buka Helaga (Hiri Motu) 1993

¹³ “Unai dainai Lohiabada ese Israela taudia dekenai ia badu henia, bona ia ese idia ia siaia lao, lagani 40 lalonai tano kaukau dekenai do idia loaloa, ela bona unai taudia, Lohiabada idia habadua taudia ibounai idia mase ore.

NUMERA 32:13 Iomraidhean Croise

SALAMO 107:4

Haida be taunimanima idia noho lasi tano dekenai idia loaloa, bona hanua ta idia davaria lasi do idia noholaia totona.

SALAMO 78:33

Unai dainai ia ese edia mauri ia hadokoa, hahodi tamona bamona. Edia mauri lagani, mai gari bada danu ia haorea haraga momokani.

SALAMO 95:10

Lagani 40 lalonai unai taudia ese lau idia habadua. Lau gwau, ‘Idia be abidadama diba lasi, idia be hekokoroku momokani, bona egu hereva idia ura lasi idia kamonai henia.’

ESODO 16:35

Lagani 40 lalonai, Israela taudia ese mana idia ania, ia lao bona Kanana tano ena hetoa gabuna dekenai idia ginidae.

AMOSA 2:10

Lau ese Aigupito dekena amo umui lau hakaua mai. Bona umui be taunimanima noho lasi gabuna dekenai lagani 40 lalonai lau ese umui lau gunalaia. Lau ese Amoro taudia edia tano umui dekenai lau henia, umui emui tano.

AMOSA 2:9

Ma Lohiabada ia gwau, “To egu bese taudia e, umui durua totona lau ese Amoro taudia lau hadikaia ore momokani. Unai Amoro taudia be lata herea, hegeregere sida auna bamona, bona idia goada herea, kwila auna bamona.

NUMERA 14:32

To umui be inai taunimanima noho lasi tano dekenai do umui mase.

1 KORINTO 10:5

To idia momo edia kara be Dirava ese ia ura henia lasi, vadaeni taunimanima idia noho lasi tano dekenai idia mase ore.

DEUTERONOMI 2:7

“Badina be Lohiabada emui Dirava ese umui ia hanamoa vadaeni. Unai dainai emui gaukara ibounai ena anina ia vara namonamo. Bona Lohiabada ese inai taunimanima noho lasi tanona umui loaloa lalonai ia ese umui ia naria namonamo vadaeni. Io, inai lagani 40 lalonai Lohiabada emui Dirava ese umui ia naria vadaeni, emui aniani bona gau ibounai ia henia.

GUNALAIA TAUDIA 2:14

Unai dainai Lohiabada ese Israela taudia dekenai ia badu dikadika. Ia ese dadidadi taudia ia koua lasi, vadaeni idia ese Israela taudia idia heatu henia, bona edia kohu momo idia henaoa. Tuari taudia momo be Israela idia hagegea, Lohiabada ese ia koudia lasi, bona Israela taudia be goada lasi do idia luludia.

GUNALAIA TAUDIA 2:20

Unai dainai, Lohiabada ena badu be Israela taudia dekenai ma ia siahu lou, ia gwau, “Inai bese ese lauegu gwauhamata taravatuna, edia sene taudia dekenai lau oda henidia gauna idia utua, bona lauegu hereva idia kamonai henia lasi. Unai dainai,