NUMERA 32:11 - Buka Helaga (Hiri Motu) 1993

¹¹ ‘Momokani, Israela taudia Aigupito dekena amo idia raka mai taudia, lagani 20 idia hanaia taudia ibounai, idia ta ese Aberahamo, Isako, bona Iakobo dekenai lau gwauhamata tano do idia raka vareai lasi, badina be lau dekenai idia abidadama henia lasi.

NUMERA 32:11 Iomraidhean Croise

NUMERA 14:23

Idia ta lasi ese edia sene taudia dekenai lau gwauhamata tanona do idia itaia. Momokani lau idia negea taudia ta ese unai tano do ia itaia lasi.

NUMERA 14:24

To lauegu hesiai tauna Kaleba ena laumana be idau, bona ia ese lau ia badinaia. Unai dainai ia itaia tanona dekenai be lau ese do lau hakaua vareai. Bona iena natuna taudia ese unai tano do idia abia, idia edia tano.

NUMERA 26:2

“Israela taudia edia bese ta ta ibounai do umui duahia, edia mauri lagani be 20 idia hanaia tatau ibounai, tuari totona do idia lao diba taudia ibounai do umui duahia.”

DEUTERONOMI 1:35

‘Momokani inai uru ena tau dikadia ta ese inai tano namona, lau ese emui sene taudia dekenai lau gwauhamata do lau henidia tano, do ia itaia lasi.

DEUTERONOMI 1:8

Unai tano ibounai be umui dekenai lau henia vadaeni. Umui lao, unai tano do umui abia, badina lau Lohiabada ese emui sene taudia Aberahamo, Isako bona Iakobo dekenai lau gwauhamata henidia, unai tano do idia abia, edia tubudia danu.”