NUMERA 30:3 - Buka Helaga (Hiri Motu) 1993

³ “Bema kekeni ta, iena tamana ena ruma dekenai do noho, ese Lohiabada dekenai ia gwauhamata, gau ta do ia henia, o Lohiabada ena vairanai ia gwauhamata kara ta do ia karaia,

NUMERA 30:3 Iomraidhean Croise

2 SIVARAI 36:13

King Nebukanesa ese ia oda henia dainai, Sedekaia ese Dirava ena ladanai ia gwauhamata Nebukanesa ena henunai do ia noho momokani. To Sedekaia ese unai gwauhamata ia negea, bona ia ese Nebukanesa ia dagedage henia. Sedekaia ese danu mai ena lalona auka danu Lohiabada, Israela ena Dirava dekenai iena lalona ia giroa lasi.

SALAMO 50:14

To lau ura momokani gauna be emui tanikiu, emui boubou gauna korikori be unai. Lau, Siahu Ibounai Dirava dekenai umui karaia vadaeni gwauhamata, edia anina ibounai do umui henia haorea.

LEVITIKO 27:2

“Israela taudia do oi hamaoroa, bema tau ta ese ia gwauhamata, sibona o taunimanima ta Lohiabada dekenai do ia henia neganai, hoia lou davadia be inai:

NUMERA 30:2

Bema tau ta ese Lohiabada dekenai ia gwauhamata, gau ta do ia henia, o Lohiabada ena vairanai ia gwauhamata, kara ta do ia karaia, unai tau ese iena gwauhamata do ia karaia momokani, iena gwauhamata do ia makohia lasi.

NUMERA 30:4

bona bema iena tamana ese unai gwauhamata ia kamonai, to ia koua lasi, vadaeni unai kekeni ese iena gwauhamata ibounai do ia karaia momokani.

NUMERA 6:2

“Israela taudia dekenai inai taravatu do oi henia: Bema tau ta o hahine ta ese do ia gwauhamata, Nasiri taudia edia mauri dalana do ia badinaia bona Lohiabada dekenai do ia helaga neganai,

1 KORINTO 14:34

Ekalesia ena hebou lalonai hahine taudia ese hereva do idia gwauraia lasi. Ekalesia hebou ibounai lalonai Dirava ena taudia ese inai bamona idia karaia. Mose ena taravatu hegeregerena, hahine ese tau do idia biagua lasi.

IOSUA 9:18

To Israela taudia ese unai hanua taudia idia alaia lasi, badina be edia lohia taudia idia gwauhamata henia vadaeni, Lohiabada, Israela taudia edia Dirava, ena ladana dainai. Vadaeni Israela taudia ibounai ese edia lohia taudia dekenai idia maumauraia.

GUNALAIA TAUDIA 11:35

Iepeta ese iena natuna kekeni ia itaia neganai, mai lalohisihisi danu iena dabua ia darea. Ia gwau, “Egu natuna o, madi, lau be dika, egu kudouna oi makohia inai. Oi dainai egu lalohisihisi be bada herea! Badina be Lohiabada dekenai gwauhamata lau karaia vadaeni, lau makohia diba lasi gauna.”

1 SAMUELA 1:11

Bona ia gwauhamata, ia gwau, “Siahu Ibounai Lohiabada e, lau, oiemu hesiai hahine, lauegu hisihisi bada mani do oi itaia, lau do oi laloa, lau do oi laloaboio lasi, to lau dekenai natuna mero do oi henia. Bema lau dekenai oi henia neganai, lau ese oi Lohiabada dekenai do lau henia lou, bona iena huina do lau utua lasi, iena mauri dinadia ibounai lalonai.”