NUMERA 30:12 - Buka Helaga (Hiri Motu) 1993

¹² “To bema unai hahine ena tau ese gwauhamata ia kamonai neganai ia ura lasi, bona ia koua, vadaeni unai gwauhamata ia gini lasi, bona Lohiabada ese unai hahine ena gwauhamata do ia laloaboio.

NUMERA 30:12 Iomraidhean Croise

IEREMIA 44:17

Ai ese ai gwauhamata do ai karaia karadia ibounai, be do ai karaia, bonana namo muramura be guba ena kwini dekenai do ai gabua, bona ia hanamoa totona danu uaina bouboudia do ai bubua, ai karaia guna hegeregerena, ai bona aiemai sene taudia, bona aiemai king bona lohia taudia, Iuda hanua ibounai dekenai, bona Ierusalema ena ariara gabudia dekenai. Badina be unai neganai, aiemai aniani be momo, bona aiemai noho be namo, dika ta do ai itaia lasi.

IEREMIA 44:19

Hahine ma idia gwau, “Ai ese bonana namo muramura be guba ena kwini totona ai gabua, bona uaina bouboudia be ia totona ai bubua neganai, aiemai adavadia idia diba lasi, a? Bona ai ese guba ena kwini ena laulauna bamona keke ai gabua neganai, aiemai adavadia idia diba lasi, a? Lasi, to idia ese gwaumaoro idia henia.”

NUMERA 15:25

“Vadaeni hahelagaia tauna ese Israela orea ibounai edia kara dika davana do ia karaia, bona Lohiabada ese edia kara dika do ia gwauatao, badina edia kerere be idia karaia kava, idia diba lasi dainai, bona edia kerere totona aniani boubouna idia henia vadaeni Lohiabada dekenai.

NUMERA 15:28

Hahelagaia tauna ese Lohiabada ena vairana dekenai unai tau ena kara dika ena davana do ia karaia, bona Lohiabada ese iena kara dika do ia gwauatao.

NUMERA 30:11

bona bema iena tau ese gwauhamata ia kamonai neganai ia koua lasi neganai, unai hahine ese iena gwauhamata ena anina ibounai do ia karaia haorea.

NUMERA 30:13

Hahine ena tau ese iena hahine ena gwauhamata do ia hamomokania diba, o do ia koua diba.

NUMERA 30:5

“To bema iena tamana ese unai gwauhamata ia kamonai neganai ia ura lasi, bona ia koua neganai, unai kekeni ena gwauhamata be anina lasi, bona Lohiabada ese unai gwauhamata do ia laloaboio, badina be kekeni ena tamana ese ia koua dainai.

NUMERA 30:8

“To bema iena tau ese gwauhamata ia kamonai neganai ia koua, unai neganai unai hahine ena gwauhamata be anina lasi. Lohiabada ese unai gwauhamata do ia laloaboio.

1 KORINTO 11:3

To lau ura umui diba, tatau ibounai edia kwarana be Keriso, hahine edia kwarana be edia tau, bona Keriso ena kwarana be Dirava.

1 SAMUELA 1:23

Elikana ia haere, ia gwau, “Namo, oiemu laloa hegeregere do oi karaia. Iniseni do oi noho ela bona mero ese rata ia negea. Bona Lohiabada ese oiemu gwauhamata do ia hamomokania.” Vadaeni Hana ese ruma dekenai ia noho, iena natuna ia ubua, ela bona mero ese rata ia negea.