NUMERA 3:9 - Buka Helaga (Hiri Motu) 1993

⁹ “Levi taudia be Arona, mai ena natuna tau dekenai do oi henia. Israela taudia ibounai edia huana dekena amo, Levi taudia sibona ese Arona ena hesiai gaukara do idia karaia.

NUMERA 3:9 Iomraidhean Croise

1 SIVARAI 15:2

Bona Davida ia gwau, “Tau ta ese Dirava ena Taravatu Maua do ia huaia lasi, to Levi taudia sibona. Badina be Lohiabada ese Levi taudia ia abia hidi vadaeni, Lohiabada ena Taravatu Maua do idia huaia, bona iena hesiai gaukara do idia karaia ela bona nega ibounai.”

1 SIVARAI 6:33

Inai gaukara idia karaia taudia, mai edia natudia danu, edia ladana be inai: Kohata iduhu: Ane abia tauna, Hemana, Ioela ena natuna tau. Inai Ioela be Samuela ena natuna tau,

ESERA 2:43

Siha, Hasupa, bona Tabaota,

ESERA 6:18

Bona hahelagaia taudia, edia orea ta ta dekenai, bona Levi taudia danu, be edia gaukara ta ta totona idia abia hidi, Dubu Helaga ena gaukara idauidau do idia karaia, Ierusalema dekenai. Inai gaukara ta ta idia henia, Mose ena Buka lalonai ia torea hegeregerena.

ESERA 8:20

Dubu Helaga ena hesiai taudia 220 danu be Ido ese ia siaidia mai. Unai taudia edia sene taudia be Davida bona iena lohia taudia ese idia abia hidi, Levi taudia do idia durua totona. Inai taudia ibounai edia ladadia be buka dekenai idia torea vadaeni.

NUMERA 16:9

Israela ena Dirava ese umui ia abia hidi vadaeni, Israela taudia edia huana dekena amo, Lohiabada kahirakahira do umui raka, bona Lohiabada ena Palai Dubu gaukara do umui karaia. Bona Israela taudia edia vairanai do umui gini, idia edia hesiai gaukara do umui karaia totona.

NUMERA 18:2

“Oiemu varavara taudia, Levi iduhu taudia, oiemu tamana ena iduhu taudia, do oi abia mai, oi danu do idia gaukara hebou, bona idia ese oi do idia durua, oi bona oiemu natuna be Palai Dubu lalonai umui gaukara neganai.

NUMERA 3:8

Idia ese Palai Dubu lalonai noho kohu ibounai do idia naria, bona Israela taudia durua totona, Palai Dubu naria gaukara do idia karaia.

NUMERA 8:14

“Levi taudia be Israela besena edia huana dekena amo unai bamona do oi abidia siri, idia be lauegu.

NUMERA 8:16

Badina be Israela taudia edia huana dekena amo oi ese lau dekenai oi henidia, lauegu. Lau ese idia lau abia, idia ese Israela taudia edia vara guna natudia edia gabu idia abia vadaeni.

NUMERA 8:18

“To Israela taudia edia vara guna natudia edia gabu dekenai lau ese Levi taudia lau abia vadaeni.

NUMERA 8:19

Bona Arona mai iena natuna tau dekenai Levi taudia lau henia vadaeni, idia be Israela taudia edia harihari gaudia, Palai Dubu lalonai do idia gaukara totona. Bona Palai Dubu lalonai do idia gaukara noho dainai, Israela taudia ese dika do idia davaria lasi Palai Dubu kahirakahira do idia lao neganai.”

EFESO 4:11

Oibe, Keriso ese harihari gaudia taunimanima dekenai ia henia. Haida dekenai be aposetolo dagi ia henia, haida dekenai be peroveta dagi ia henia, haida be evanelia gaukara taudia, haida be haroro taudia, haida be hadibaia taudia.

EFESO 4:8

Buka Helaga lalonai ia torea hegeregerena, ia gwau: “Atai dekenai ia daekau lao neganai, abia mauri mai guia taudia momo ia danu ia abia lao. Bona harihari gaudia taunimanima dekenai ia henia.”